الاثنين، 1 سبتمبر 2008

تأريخ تاريخ تصميمي



نزولا على رغبة الجماهير.. (أنا وأنا وكذا واحد زيي) قررنا نحن (بالاستعانة بالمصمم الكبير حاتم عرفه) بعرض لمحات من التاريخ الذاتي التصميمي التوسعي الإمبريالي الذي نعرض من خلاله التطور الطبيعي للحاجة اللى أسمها حاتم .. وذلك بعرض التصميمات على الهوا مباااااااااااااشرة وبدون وسيط..
تقبل التعليقات بمصارفنا الشرعية..
والعرض مباااااااشرة كالآتي...........

1 - منذ مايقرب من العامين وقبل الالتحاق بعالم الأغلفة الواااااااااسع كانت هناك تصميماتي البرجوازية فى المطبعة العريقة التي عملت بها طويلا .. الغصن الفضي .. (واحد إعلان في السريع) بلوران الإسكندرية.. والتي كانت في أغلبها كتب دراسية وعلمية

..................................................................................

2- ثم حدثت القفزة الأسلوبية والمنهجية والفكرية عند الانتقال للكتب الأدبية (بجد وحقيقي) والتي كانت تجارب خاصة من نوعها ناتجة عن عضويتي لمنتدي إطلالة الأدبي السكندري (برضة واحد إعلان في السريع) والذي تربيت فيه أدبيا بالتزامن مع وجودي بعالم الدعاية والإعلان لأبدأ الدخول إلى عالم الكتب الأدبية بخطى ثابتة

..................................................................................

3- ثم كانت القفزة القافزة المنقفزة المهولة بعد شحن داخلى لا محدود وعصف ذهني هائل بالالتحاق بدار اكتب للنشر والتوزيع وكل حاجة (عن طريق مصادفة بحتة) والعمل بها كمصمم أغلفة مما أحدث نقلة معنوية ذاتية نفسية لا شك فيها......... شووووووف بنفسك

..................................................................................

و في النهاية، وبعد عرض تلك العينات البسيطة من شغلاناتي.. أتمنى أن أعرف آرائكم وتقييمكم لخط سيري هذا..
أو أضعف الإيمان أن أكون قد أمتعتكم بتلك الجولة السريعة في ذاتي أنا شخصيا بتصميماتي وسلطاتي وبابا غنوجي..
تحياتي
ورمضان كريييييييييييييييييم

هناك 47 تعليقًا:

Ihab Omar يقول...

ايه يا عم الابداع دا
يشرفني و الله ان كتابي سوف يحمل اسمك و بصمتك
مش عارف اختار غلاف اقول عليه احسن من الباقي
ربنا يوفققك في شغلك يا حاتم و تبقي رقم واحد في مصر كما اتنبأ لك دائماً

إبـراهيم ... معـايــا يقول...

ربنا ياخدك يا حاتم


لأ ده بجد ، رمضان حاتم برضووو مش بطال، مش هتعزمنا يا واد ع الفطار عندك مـرة؟؟ ........

وبعدين تعالى هنا، إنتا إزاااي يا واد إنتا تنزل أغلفة لسه ما *********

طيب، ربنا يهديك، ويخليك ...

طبعًا إنتا عارف إيه أكثر غلاف عاجبني ف الستة ، الستة كلللهم ، بس أكثر واحد عاجبني فيهم الأوللاني والثاني و الثالث والرابع والخامس والسادس
أصل الأولاني جميل ، وفظيع ، أما التاني فخطير ومريع ، الثالث بقى هوا اللي فيهم واللي بينهم ، الرابع والخامس حلوين بشياكة السادس بقى حكاية ولا كل حكاية ، مش ناوي تصمم لي يا وله غلاف كتابي الجديد

" المسحوق والأرض الصلبة" الجزء الثاني
إشمعنى الدالي وليالي الحلمية يعني


أدينا بنعدي أهه يا برنس
ورمضان شغااااااااااال

محمود الدوح يقول...

رمضااااااااااان كريم
كل سنة وانت مجزويت

وبالنسبة لموضوع الاغلفة فا احب اقول لابراهيم هو وهو ان الموضوع فى 12 غلاف
وماليش دعووووووووووووه

سنة جميلة عليك يا حتوم
ويارب عقبال غلافى

Dr.Amor Medhat يقول...

رائع والله يا حاتم
وواضح ابداعك من زمان
مش بدايتك كان أكتب يعني

ربنا يوفقك كمان وكمان
وتتحفنا بأغلفتك الجميلة
:)))))
تحياتي

غير معرف يقول...

رمضان كريم يا حاتم :)
حسيت انه اللي كان بيصمم في الغصن الفضي واحد و انه اللي بيصمم دلوقتي في أكتب واحد تاني خالص ..
و بالنسية للقفزة القافزة المنقفزة المهولة فهي اكثر من رائعة.. و كلها طاقة و ابتكار و ابداع ..
بالذات يعني اخر واحد بتاع البنت الصغيرة اللي اسمها ريم دي اللي طالعة لنا فجأة كده و عاملة فيها بتكتب ..
كل سنة و انت طيب
ريم

Ahmed Al-Sabbagh يقول...

وااااااااااو

ماشاء الله

امسك الورق

قصدى

كل سنة وانت طيب

ورمضان كريم عليك

احمد

يوميات فنانه مفروسه جداا يقول...

حانم انت فنان

اه والله ماشاء الله

تعرف انا دلوقتي بتشتغل في مجال تصميم المجوهرات ومعروض عليا اتعلم شغل تصميم دعايه واعلان وكنت متردده وكنت عايزه اخد رأيك احسن الشغل اللي انا فيه ده يا حاتم الغلطه فيه بروحا في ستيييين داهيه وانا مش ناقصه
بس بجد بجد برافو عليك
هوا انت صحيح خريج ايه
يلا ابقي قولي رأيك بقي
سلام

Rana Omar يقول...

حلوة اللمحة دي

ربنا يكتر من لمحاتك ياعم


بس جامدة أوي الأغلفة الجديدة بجد تجنن

ربنا يوفقك ياحاتوووم

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

غير معرف يقول...

أم الرشراش أرض مصرية

بقلم غريب المنسى

أم الرشراش بلدة حدودية مصرية مع فلسطين وكان يقيم بها قوة شرطة قوامها 350 ضابط وجندى. ولأنهاء حرب 1948 وقعت مصر واسرائيل اتفاقية هدنة فى رودس فى يوم 24 فبراير 1949 ولكن فى ليلة 10مارس 1949 قامت بعض العصابات اليهودية بقيادة اسحاق رابين - رئيس وزراءإسرائيل 1992-1995- بالهجوم على أم الرشراش فى عملية بربرية اسمها الحركى "عوفيدا " ولأن القوةالمصرية كانت ملتزمة بأتفاق الهدنة فلم تطلق طلقة واحدة .. ولكن اليهود كسروا الاتفاق وقاموا بمذبحة جرى خلالها قتل جميع أفراد قوة الشرطة المصرية واحتلوا أم الرشراش وحولوها الى ميناء ايلات والذى تأسس سنة 1952.

ومنطقة رأس خليج العقبة وبلدة أم الرشراش كانت تابعة للحكم المصرى حتى عام 1892عندما اصدر السلطان العثمانى فرمانا بضم منطقة العقبة للأراضى الحجازية وبقيت أم الرشراش ورأس النقب وطابا تحت الحكم المصرى وعرف ذلك بفرمان 1892,ولكن فى عام 1906 وبسبب وجود مصر تحت الاحتلال البريطانى قامت القوات العثمانية باحتلال مثلث أم الرشراش ورأس النقب وطابا ووقعت أزمة عالمية وقتها قامت على أثرها بريطانيا بالضغط على اسطنبول وانسحبت القوات العثمانية وعادت أم الرشراش ورأس النقب وطابا لمصر, وفى سنة 1906 قام السلطان العثمانى بابرام اتفاقية مع القاهرة عرفت باتفاقية 1906 ونصت على أن تكون رأس النقب وطابا لمصر وأم الرشراش للحجاز. ومساحة أم الرشراش -ايلات حاليا - تبلغ 1500 كيلو مترمربع وهى مساحة أكبرمن مساحة هضبة الجولان- 1150 كيلو مترمربع - وقطاع غزة الذى تبلغ مساحته 350 كيلو مترمربع .

الدكتور صفى الدين أبو العز - رئيس الجمعية الجغرافية المصرية - يصف أم الرشراش كميناء رئيسى لمرور الحجاج وكانت تحت الحكم المصرى غيرأنها سقطت فى يد الصليبين أثناء الحروب الصليبية حتى حررها صلاح الدين الأيوبى وطردالفرنجة منها لكنهم عادوا من جديد ليتمكن السلطان الظاهر بيبرس من طردهم منها نهائيا عام 1267 ميلادية وأقام السلطان الغورى عليها قلعة لحمايتها كميناء مهم لمصر .. وتعود تسميتها ب 'أم الرشراش ' الى احدى القبائل العربية التى أطلقت عليها ذلك الاسم.

فى مذكرات محمود رياض - أمين عام جامعة الدول العربية الأسبق- يشير لرواية رئيس الوزراء الاردنى توفيق باشا أبو الهدى الذى أقر بها فى مؤتمر رؤساء الحكومات العربية الذى عقد فى يناير 1955 عندما قال : " انه عندما بدأت القوات اليهودية فى تقدمها جنوبا باتجاه خليج العقبة فى مارس 1949 لاحتلال أم الرشراش جاء الوزير المفوض البريطانى فى عمان ليقول له أن حكومته ترى ضرورة استمرار المواصلات البرية بين مصر وباقى الدول العربية وتقترح لذلك ارسال كتيبة بريطانية الى مدينة العقبة لمنع اليهود من الوصول الى الخليج , وفعلا وصلت الكتيبة الانجليزية الى ميناء العقبة الأردنى على أن تتحرك فى الوقت المناسب لوقف التقدم اليهودى الا أنها ظلت فى ميناء العقبة دون أن تتحرك بينما استمرت القوات اليهودية فى تقدمها لاحتلال أم الرشراش وليكتشف بعد ذلك أن جلوب باشا قائد القوات الأردنية الانجليزى قد تواطىء مع العصابات اليهودية لاحتلال أم الرشراش بهدف الوصول الى منفذ على البحر الأحمر" .. انتهى.

ويقول المستشار حسن أحمد عمر أن مصر لم توقع أى اتفاق بخصوص أم الرشراش وهذا يعنى أن الباب مازال مفتوحا أمام المطالبة بمثلث أم الرشراش وأن التضليل الاسرائيلى بغرض اثبات حقوق لها بمثلث أم الرشراش والذى تبدده نصوص الحكم الدولى الذى صدر لصالح مصر فى مثلث طابا حيث أهدرت تلك النصوص الدفع الاسرائيلى الذى يزعم بأن بريطانيا باعتبارها الدولة المنتدبة على مصر وفلسطين قد اعترفت صراحة فى عام 1926 بأن الخط المحدد فى اتفاق 1906 هوخط الحدود وأن بريطانيا قد أكدت لمصر أن حدودها لن تتأثر بتجديد حدود فلسطين .. ونظرا الى سابقة الرجوع الى اتفاق 1906 من جانب مصر وبريطانيا عام 1926 وفى غيبة أى اتفاق صريح بين مصر وبريطانيا على تعيين حدود مصر وفلسطين فأن المحكمة فى أثناء التحكيم فى طابا أهدرت هذا الدفع كلية وأكدت أن المحددات فى اتفاق 1906 المستخدمة فى التصريحات المصرية البريطانية وقتها لايحملان معنى فنيا خالصا وانما يشيران فقط الى وصف خط الحدود دون الاشارة الى تعليم الحدود المنصوص عليها أيضا صراحة فى اتفاق سنة 1906 وهى السند التى كانت اسرائيل ترتكزعلى أنها الاتفاقية التى وضعت أم الرشراش ضمن أرض فلسطين.

فى اطار سعيها لعقد صلح بين اليهود والعرب اقترحت الولايات المتحدة فى عهد كيندى -1961-1963 - والذى كانت تربطه علاقة طيبة بعبد الناصر- 1956-1970- اقامة كوبرى يمر فوق أم الرشراش ويربط بين المشرق والمغرب العربى مقابل سقوط حق مصر فى المطالبة بهذا المثلث الاستيراتيجى ووقتها رفض الرئيس جمال عبد الناصر هذا العرض وقال : " كيف نستبدل أرضنا بكوبرى يمكن أن تنسفه اسرائيل فى أى وقت ولأى سبب ؟؟!!

الجبهة الشعبية المصرية لاستعادة أم الرشراش وهى منظمة مصرية تأسست قبل 15 عاما وتضم مجموعة من الباحثين والحقوقيين وأساتذة قانون دولى وجغرافيين جميعهم يؤكدون على أحقية مصر فى مثلث أم الرشراش وقد طالب الرئيس مبارك الاسرائيليين فى عام 1985 بالتفاوض حول أم الرشراش التى تؤكد جامعة الدول العربية بالوثائق أنها أرض مصرية وفى سنة 1996 أعلن الرئيس مبارك أن أم الرشراش مصرية كما كتبت نشوى الديب فى جريدة العربى المصرية.

من حق مصر الأن بناء على تلك الحقائق أن تثيرموضوع أم الرشراش خاصة وأنها جزء من الأراضى المصرية وليست أرضا فلسطينية استباحت اسرائيل احتلالها.ولايوجد بند فى اتفاقية السلام مع اسرائيل يمنع مصر من حقها بالمطالبة بأم الرشراش ولذلك نرى أنه من المناسب أن تفتح الحكومة المصرية ملف أم الرشراش والتفاوض مع اسرائيل لاستردادها واذا لم يجدى التفاوض يمكن لنا اللجؤ الى محكمة العدل الدولية للمطالبة بحقنا فى استرداد مثلث أم الرشراش ولاسيما أن عدد سكان ايلات الأن 57 الف نسمة ومن المحتمل أن يزداد فى المستقبل والحل الأن دائما أسهل من الحل فى المستقبل.!!!!.... ومن الممكن كبادرة لحسن نوايا مصر أن نسمح فيما بعد بمرور البضائع الاسرائيلية من خلال ميناء أم الرشراش.

حاتم عرفه يقول...

إيهاب عمر..

اللى دايما رافع معنوياتي..
ربنا ما يحرمنا منك أبدا.. ويخليني ليك..

الشرف لينا يا فندم أن غلافي هايحمل إسمك..
و مش إيهاب بس .. لأ.. إيهاب عمر.....

والله احنا نسعى جاهدين لنيل رضا الجميع. وبركاتك معانا بقى..

تحياتي..
............................

إبراهيم معاك..

طبعا رمضان حاتم.. هو الأصل يابنى
مش حاتم أبو الكرم؟؟
يعنى حاتم=كريم
يبقى شيل كريم وحط حاتم.. تبقى رمضان حاتم
إيزي جدا..

بس انت تيجي بس وإحنا نظبطك.. هى هاتبقى أول مرة يعني .!

أنا أحط أغلفة براحتى.. ماحدش له حاجة عندي..

أنا عارف إنك هاتموت على أغلفتي من زمان وتموت وأصمملك غلاف. بس انت عارف بقى مشغوليات الواحد..
ماتقلقش هابقى أحطك في الجدول قريبا...

ربنا مايحرمنا من حنان عطفك علينا أبدا...
(((((((:
.............................

محمود الدوح .. يا جن

منورنا..ربنا مايحرمنا من الجزوتة أبدا

12 صح .. مش كدة برضه ؟

سنة جميلة عليك يا برنس.. ومشتاق لغلافك يا عزيزي.. شد حيلك

حاتم عرفه يقول...

د. عمووور

أهلا أهلا
اه والله ده أحنا من زمااااااان
بس تقدر تقول اكتب هى اللى جت أخدت اللى فيه النصيب.. بعد شحن طويل دام لسنين.. لأن اكتب طلعت مني حاجات ماطلعتهاش قبل كدة و بكميات كبيرة الحمد لله..

يارب اتحفكم علطول..

تحياتي.......
............................

غير معرف (ريم جهاد)

منورااااااانا

حاجة جميلة إنى عرفت أغير من نفسي مع الوقت.. والأجمل إن ده لفت انتباهك..

يا رب نقفز كدة علطول .. ببركة الكتاب المبدعين اللى زيك..

اه صحيح البنت ريم اللى جاية في الآخر دى شكلها جامدة قوى..
هي مين ريم دى ؟؟؟
((((((((((((:
....... تحياتي.......
.........................

الصباااااااااااااغ

وااااو .. بنفسك ؟

امسك الكيبورد..
رمضان كريم عليك يا ريس

حاتم عرفه يقول...

الفنانة المفروسة جدا

و الله يشرفنا إعجابك ده بشغلنا لو احنا فنانين فانتى الفنانة المفروسة الكبيرة بتاعتنا .. والكبير كبير برضه..

بالنسبة لموضوع المجوهرات أنا ماعنديش خلفية عنه.. بس واضح إنه حاجة كبيرة مش سهلة.. أعتقد لو أنى اتكلمت معاكي فيه شوية.. ممكن نفيد بعض..

أنا لسه طالب في كلية تجارة
هحاول أوصل لإيميلك وأضيفك عشان نتكلم فى الموضوع ده.. عشان ده عاوز كلام كتيييير..

ربنا يكرمك يا رب وتنبسطي بشغلنا علطووووول ..

تحياتي
...........................

رانا عمر

أهلا أهلا..
ربنا يكتر من إطلالاتك على لمحاتنا يا رب
جميل إن الجديد عاجبك..
يا رب دايما
ربنا يكرمك يا رنوووووونة
........................
غير معرف..

نشكرك على تلك المعلومات المكثفة
أظن أنني ساتابعها..
تحياتي

قهوة بالفانيليا - شيماء علي يقول...

شغلك جميل اوي ماشاء الله :)
فعلاً حاجة جميلة ..
الألوان .. اختيار التصميم في حد ذاته و ربطه بالعنوان او المضمون :)
فعلا ًجميل يا حاتم :)
ربنا يوفقك .

غير معرف يقول...

اولا حاتم عرفة اسم تجده على جميع اغلفة الكتب المطروحة بالاسواق الا انه يتميز عن غير همن الفنانين انه يستطيع ان يقول من خلال اغلفته المتميزة ان هذا الغلاف هو من تصميمي ( حاتم عرفة ) هو شخصية غريبة ومتميزة ومختلفة عن الاخرين فكونه يكتب عن اعماله بهذه الطريقة التى لفت انظاري وهذا نادر ما يحدث معى الا انه قد صمم سيرته الذاتية بطريقة (روشة ) ليعلن فيها عن وجود موهبة حقيقية تحتاج الى من ينظر اليها بعين فنان وليس بعين فرد عادى ليصرخ ويقول اننى هنا وانه فنان رغم انف الجميع فتقدم يا فنان مصر القادم وانا اؤمن من خالا مهنتى ان خير الكلام ما قل ودل فاجعل رسوماتك خير الكلام ما رسم .. واعلم ان احيانا لون واحد في لوحتك الفنية تعبر كثيرا وتحمل معانى اكثر .. بالتوفيق والى الامام
شرين منصور

Rannon يقول...

شغلك هايل بجد ومدونتك كمان جميلة

تحياتي :)

R..R يقول...

تصميماتك كلها زى ما قلتلك بحس لنك بتصممها وانت تحت البحر لان كلها عوالم انسيابية دايما عنك انسيابية حتى فى أفكارك
ساعات بحس انك رسام وطول الوقت ماسك فرشتك حتى وانت ماشى مع اصحابك وبتتكلم معاهم فى الشارع او بتاكل مع حد فى بيتزا هت مثلا او وانت راكب المواصلات دايما بترسم ودايما شايها تحتمل الالوان وتحتمل تغيير الالوان بما يتناسب ورؤيتك الشخصية او بالاحرى بما يتوافق والوانك البحرية
باختصار انت فنان مبدع بجد وربنا يوفقك وتبقى احسن مصمم اغلفة فى العالم واعمل عن اغلفتك دراسة تهز الدنيا واعمل معاك حوار وتتأمر عليا وتتنك كمان
رمضان كريييييييييييييييييييم جدا

شمعى أسعد يقول...

عرض مختصر

بس صور الاغلفة عوضت الاختصار الشديد

واتكلمت بالنيابة عنك

فنان واعد يا حاتم

نهر الحب يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

دعاء مواجهات يقول...

والله انت تحفة ياواد ياحاتم

طبعا انت عارف رايى فى تصميماتك

فظيعة

شنيعة

مريعة

محصلتش

==========================

ربنا يسامحنى

احنا ف رمضان

ههههههههههههههههه

بيس

حاتم عرفه يقول...

قهوة بالفانيليا شيماء على..

والله اسعدتيني جدا بوجودك
وأسعدني أكتر إعجابك بشغلى..
ربنا ما يحرمنا من تواجدك ده أبدا..

و يا رب نفضل عند حسن ظنكم..
...............................

شيرين منصور..

صحفيتنا النبيهة.. جميل قوى نقدك الدقيق ده اللى مخليني اتشرف أني اتعرفت على شخصية زيك فعلا..

وكلامك يشجعني ويحمسني جدا
ونعيش ونلفت انتباهك كدة علطول
...............................

رانون ..

نورتينا فى أول زيارة.. انتى كمان شغلك تحفة
ومدونتك أروع..
أكيد هاعيش فيها كتير..

تحياتي..

حاتم عرفه يقول...

r..r (رانيا هلال)
(بذات نفسها)

بجد مش عارف أقولك إيه.. مرورك وتعليقك أسعداني فوق الوصف.. و أحلى حاجة فى كلامك إنه مايتقالش غير منك وبس.. (ابنة البحر)..
وحقيقي فخور جدا إن البحر اللى عايش جوايا ده هو أصلك ومنبتك.. وهو اللى بتشوفيه فيا علطول..

يا رب تعملى معايا دراسة يا رب.. ده عندى أغلى من أنى أبقى أحسن مصمم فى العالم..
ولا عاش ولا كان اللى يتنك عليكي يا فندم.. انتى بس تشاوري كدة.
......
يلا بقى انتى هاتكلمى معايا كتير؟
كفاية عليكي كدة... ((((:

رمضان كريييييييم عليك وعلينا يارب

حاتم عرفه يقول...

شمعى أسعد .. العزيز.

يا رب شغلنا يعجبك كدة علطول يا فندم..
و فعلا سعيد جدا بأن سيادتك بالذات تعجب بشغلى .. (أخيرا) .. وترضى عنا ..
((((((((:

بهزر طبعا .. أنا عارف إنك هاتموت على تصميماتي من زمان..
...... تحياتي .....

..............................

نهر الحب

بارك الله فيكي.. و جزاك الله خيرا..

كل سنة وانتى طيبة

..............................

دعاء (مواجهات)

خش عليا .. وواجهنى....
و الله انتى اللى تحفة .. وعارف طبعا رأيك في فظاعة وشناعة و(مراعة) .. (لو ينفع) تصميماتي من زمان..

يا رب نفضل فظيعين كدة فى نظرك دايما..

بيس

MaGn0liA... يقول...

ما شاء الله حلوين اوى

بجد ابداااااع

رمضان كريم

سلامات :)

enjy يقول...

اييييييييييييييييييه دة انا اول مرة اجى هنا بس واضح واضح ان فاتنى نص عمرى انت مبدع ودماغك حلوووووووووووووووووووووة طبعا مش من اسكندرية هى اسكندرية دايما كدة كل اهلها مبدعين وانا عندك مثلا اكبر مثال (شوية نفخ مش مهم عديها) المهم حلوة قفزاتك و سلطاتك وبابا غنوجك يا مان

غير معرف يقول...

فنان يا بني

تهامي

hesham يقول...

صديقى العزيز حاتم

اولا احب ابشرك ان المؤرخ التدوينى التصميمى التاريخى الادبى الثقافى العلمى الفنى-و الاهم من ده كله الاسكندرانى - سيبدى شهادته التاريخية على خط سيرك و تاريخ تصميماتك

طبعا الكلام مفسر نفسه و مش محتاج اوضح ان المؤرخ ده هو هش

و انا بصرح لك انك تطبع الشهادة بتاعتى دى و تحطها فى السى فى بتاعك

و الشهادة بتاعتى كالتالى


انت موهوب فعلا يابنى..و ييجى منك


طبعا مش هازود فى الكلام و اقولك انك جامد و ان معظم اغلفتك بتعجبنى و الكلام اللى احنا عارفينه

بس انا بديلك دفعة امل (و عمر ايضا) و بقولك

استمر لانك فعلا موهوب

و ربنا يكرمك كده و توظف الموهبة فى نقلة جديدة تقدر تطور بها من نفسك و تزود ادواتك اللى تقدر توظف بها موهبتك احسن توظيف ان شاء الله


شهادة معتمدة من المؤرخ التاريخى هش
سبتمبر 2008
رمضان 1429


مع خالص تحياتى و تمنياتى بالنجاح

هش

سمو الأميرة سارة يقول...

لألألألألألأ دا احنا كده هنحتاج كارت توصية منك يا باشا .. وكورس صوغنن

اول ما شوفت تصميماتك حسيت احساس قوى بيقولى



.
.
.
.
.
.
.
.

اروح احذف لعب العيال بتاعى اللى ع الجهاز دا اللى بقول عليه تصميمات

بجد بسم الله ماشاء الله عليك فنااااااان بجد

وعلى فكرة الفرق مش كبير اوى بين تانى مرحلة وتالت مرحلة لأنك كنت متميز من تانى مرحلة ومحترف بجد

كل سنة وانت طيب رمضان كريم .. وعيد سعيد .. وهابي بيرز داي احتياطى هههههههه شوفت انا اروبة ازاى

سمو الأميرة سارة يقول...

معلش التعليق دا مش مكانه هنا بس ماعرفتش اقولك غير هنا

http://teabemilk.blogspot.com/2008/09/2.html

اتدبسسسسسسسست نيااااااااااها

حاتم عرفه يقول...

MaGn0liA...

ميرسيييييي قوى.. انتى أحلى (:

رمضان كريم عليكي جدا

3 سلامات..

..............................

Engy

إيه ده كولووو .. إيه ده كولووو !!!

أول مرة تنورينا.. يارب نورك ماينقطعش عننا أبدا..

طبعا تحيا إسكندرية خالقة روح الإبداع في الإسكندرانية.. بس بدرجات متفاوتة طبعا.. يعنى فرق كبييييييييير بيننا وبين سيادتك .. طبعا .. (شوية تواضع مش مهم عديها )... (أو تمشي نفخ برضه)...

ربنا ما يحرمك من قفزاتي وسلطاتي وبابا غنوجي يا وومان
(((:

...........................

غير معرف (محمد التهامي)

نورتنا في الزيارة الخاطفة دى.. هنحاول نخطفك هنا كتير إن شاء الله..

...........................

هشام

يا اتش يا اتش يا اتش

خط سيري هايتحط عليه شهادة المؤرخ التدويني الأول في الشرق الأوسط اتش بذات نفسه .. يا حلاوة يا حلاوة ..

طبعا اغفلتنا جامدة يا فندم.. عشان تليق بالناس الحلوين اللى بيبقوا جوه الكتاب دول.. عندك انت مثلا لو حطيناك جوه كتاب .. تخيل شكل الكتاب هايبقى عامل إزاى ؟؟؟؟؟

فظيع .. شنيع .. رهيب .. مريع

أقل حاجة...

نشكرك بشدة مؤرخنا العظيم على تلك الشهادة التاريخية الرافعة المعنوية..
ونعدك باستخدام مواهبنا في توظيف أدواتنا كنقلة ذاتية قافزة جديدة بعون الله

تحياتي

حاتم عرفه يقول...

سمو الأميرة سارة..

عاوزة كارت توصية يا شاطرة (ماتقوليش يا شاطرة).. اقفى في الطابور يا قمورة (ماتقوليش يا قمورة) .. عاوزة تشتغلى فين؟ أو تتعلمي إيه عشان أحدد نوع الكارت اللى أديهولك ؟ مواعيد الكورسات الصوغنططة هتلاقيها في الريسبشن برة..

(كفاية عوجان شوية بقى)..

سااااااااااارة .. إيه النور ده .. نورتينا جدا ..

لا لا بلاش تمسحي لعب العيال بتاعك دوقتى .. يمكن يطلع منه حاجة نتعلم منها فى المستقبل (شوف يا أخى المصلحة!)

بجد بسم الله ما شاء الله عليا.. ما دام عاجبك كدة أبقى فنان بجد..

فعلا الفرق مش كبير .. بس التحدي أقوى والمنافسة تشتد.. وساااااابق لا تتردد لاااااااحق..

كل سنة وانتى وانتى وانتى .. وكل حاجة
ورمضان والأعياد و المناسبات

أنا أأرب ..
....................

بالنسبة للتدبيسة
ممممممممممم
هبقى أشوف الموضوع ده
بس هما التلاتة ولا آخر واحد بس ؟؟؟
ألتمس الرحمة..!

مهيج الجماهير يقول...

اخيراً لقيت مدونتك يا عم
:D
اوعى تكون نسيتنى بس
تصميماتك جميلة يا حاتم
و انا اتشرفت بيك فى حفل التوقيع

Coca يقول...

فين الفانوس انا عايزه افهم
يا نصااااااااااب
احم احم حبه احترام
ازيك يا حاتم عاش من شاف سيادتكم
كل سنه وانت طيب سنه طيب ورمضاااان كريم
برده مفهمتش فين الفانوس يعني طيب هات فلوس اجيب انا وده احسن اكيد

كيارا يقول...

رووووووووووووووووعه حقيقي

بدون مجاملات جميل جدا

كل سنه وانت طيب

حاتم عرفه يقول...

مهيج الجماهير..

أنساك يا سلام.. أنساك ده كلام..
طبعا لأ.. ده انت بلدياتنا..
سعيد خالص خالص بأنك لقيت مدونتى .. وأنا كذلك هاخش مدونتك وهاهريك تعليقات..

............................

Coca .. سارة

احم احم.. حبة احترام.. هاشوفلك موضوع الفانوس ده يا فندم (شكلنا هانتضرب ولا إيه)..

هو حضرتك كنتى جاية ليه ؟
(((((((((((((:
نورتينا....

..............................

كيارا..

ميرسي ليكي بجد من غير مجاملات..
انتى اللى روعة..
نورتينا حقيقي.

وانتى بالصحة والسلامة..

ليكوريكا يقول...

لا والله بسم الله ماشاء الله عليك

تصميماتك جميله اوي

وكمان فيها احساس وفن جميل

رمضان كريم عليك

ومن نجاح لنجاح دايما

ليكوريكا

كلام وخلاص يقول...

بجد انت فنان اغلفة الكتب حكاية واسلوبك فى الكتابة بوجه عام فى البلوج كلها جميل جدا بسيط مع بعد فلسفى باحب اسلوب الكتابة ده جدااا الجملة اللى اخترتها من انا الملك جئت لبهاء طاهر كانت عجبانى جداا برضه عارف الانسان لو ساب نفسه للفطرة حيوصل للحقيقة الوحدانية وحدانية القوة الالهية مع اختلافنا معاه على التسمية بس لسه متفقين فى النور والقوة والخير البلوج كلها جميلة طبعا طالما صاحبها اسكندرانى
سلام

حاتم عرفه يقول...

ليكوريكا

أسعدتنا جدا يا فندم في أول زيارة ليك..
زرت مدونتك الـ فوق الرائعة..
وفرحت جدا ان تصميماتي عجبت شاعر مميز زيك..

تحياتي.. ويسعدني التواصل معك دائما يا ابن الزقازيق الجميل..
(:
رمضان كريم

حاتم عرفه يقول...

كلام وخلاص.. أسماء الشيخ..

جميلة جدا اللفتة السريعة دى على المدونة ككل.. ويسعدنى انها لفتت انتباهك..
ميرسي لكلامك فعلا.. حاجة تشجع الواحد إنه يستمر أكتر وأكتر..

تعيش اسكندرية طبعا

و إن شاء الله دايما ضيفة مهمة جدا عندنا.. تحياتي

مريم يقول...
أزال المؤلف هذا التعليق.
كأنني أنا يقول...

الله :)

حين أبدعت كتابةً ..

راودني شعور قوي أن كل المواهب التي يمنحها الله لعبده قد تلخصت عندك كتابةً لذا جاءت قوية عميقة مؤثرة... ومركَّزة.

وكانت دهشتي حين رأيت ابداعك في التصاميم
موهبة مركزّة أيضا :)

بارك الله لك وفيك سيدي.

كركوبة يقول...

مدونتك دمها خفيف جدا
وتصميماتك بديعة جدا
رائع جدا.. تألق .. وانطلق
واحنا ف انتظار تصميماتك الجديدة

تحياتى/ كركوبة

حاتم عرفه يقول...

مريم..

اسعدتني كلماتك الراقية كثيرا فعلا.. وشرفت بأن واحد مثلي يعيد إليك الأمل في أشياء كهذا.. حقيقي تشرفت بك جدا..

ويزيدني فخرا ان تكوني ضيفة بمدونتي المتواضعة دائما..
................................

كأنني أنا..

يا رب دايما نمتعكم بمواهبي المركزة تلك..
ومايحرمكيش مني أبدا ((((((((((:

زيارتك الأولى أسعدتني جدا.. ويارب تدوم زياراتك

ومدونتك تحفة على فكرة
................................

كركوبة

ربنا ما يحرمنا من حنان عطف تشجيعك لينا ابدا

سأنطلق وأنطلق دوما طالما انتم معي..

مايحرمناش منك يا هدى
تحياتي

عمرو جمال يقول...

أنا مش هقول غير كلمة واحدة

م
ب
د
ع

أنت فعلاً مبدع يا حاتم
ربنا معاك

عمرو جمال يقول...

أنا مش هقول غير كلمة واحدة

م
ب
د
ع

أنت فعلاً مبدع يا حاتم
ربنا معاك

Butterfly يقول...

انت فنان فعلا
على فكره انا شغاله ماكس يمكن لسه مش جامده فيه اوى
ياريت أعرف رأيك على مدونتى
http://butter-designs-fly.blogspot.com/

وكمان انا عضوه فى فريق وده الموقع بتاعنا ممكن تدخل وتحط شغلك عليه وتشارك معانا ؟
www.pixitown.com

تحياتى

sara يقول...

ايه ياكابتن الجمال ده بسم الله ماشاء الله تصاميمك وكتباتك
احلى من بعض ربنا يوفقك ويحقق لك كل اللي تتمناه سلم لي عليك وعلى كل اللي عندك......