الثلاثاء، 9 ديسمبر 2008

هل كل ضباط الشرطة بلطجية / هل تريد الذهاب إلى أمريكا


هل كل ضباط الشرطة بلطجية / هل تريد الذهاب إلى أمريكا ؟؟

..

إيه علاقة السؤالين ببعض ؟؟

حاجة غريبة فعلا

ثوانى هاتعرفوا دلوقتى

..

قاعد بقلب فى الفيس بوك في أمان الله .. فشوفت جروب استفزني
و صورة استفزتنى اكتر

و الأكثر استفزازا الإعلان اللى لقيته جنب الصورة بالمصادفة البحتة

..

شوفوها كدة
و قولولى رأيكم

.


افعص الصورة لتكبيرها

قمة السخرية .. مش كدة ؟؟

سؤالين حستهم بيكملوا بعض

مانفسكش تهج من هنا ؟؟

هناك 12 تعليقًا:

م/ الحسيني لزومي يقول...

تقبل الله منا ومنكم
وكل عام وانتم بخير

EmY يقول...

الشرطه المصريه بقت حاجه تكسف الواحد بدل مايشوف الضابط يحترمه اليومين دي بقي يشوفه عايز يتف عليه من كتر القرف الي ناس قرفانه منهم من عمايلهم

الهجره حاجه بعيد اوي عن تفكيري تكاد تكون مستحيله

kochia يقول...

ولو هجينا ورحنا امريكا .. هناك هنكون سعداء ؟؟

سؤال لازم يتحط مع السؤالين دول
الشرطة من سئ الي اسوأ
والهجرة برده مش مضمونة

الحل ايه ؟؟؟؟؟

ريم يقول...

دانا اعرف ناس راحت حتة شبه امريكا كده.. و يمكن يعني الناس دي ماتعرفش كتير عن الاحوال في مصر..او الناس دايماً بتقولهم اسكتواانتو مش عارفين حاجة..
ما علينا يعني..
هي حاجة مستفزة جدا اكيد.. و اكيد مش الحاجة دي بس، اكيد في حاجات كتير تانية و مشاكل اكتر و ضغوط اصعب.. بس عمر الهروب ماكان حل..
فلأ أنا مانفسيش اهج من "هنا" ..
مش هعمل فيلم بقى و اقعد اقول الغربة صعبة و مفيش احساس بالأمان ولا احساس بالراحة النفسية ولا احساس بالروحانيات ولا دفء الاهل ولا الكلام ده كله.. اكيد بره في فرص احسن، اكيد التعليم احسن، المستوى المعيشي احسن، و اكيد اللي سافروا دول سافروا عشان يعيشوا حياة كويسة و لقوا انه بلدهم مش هتوفرلهم الحياة دي.. ماشي ؟
لكن بردو السفر مش حل.. السفر هيحل مشكلة فرد واحد.. و كام فرد معاه.. :) لكن مش هيحل مشكلة البلد..
الناس دي بقى اللي قلتلك عليها في الأول لما بترجع مصر الناس بتحسسها باليأس و انه كل حاجة غلط و كل حاجة بايظة و انه مـــفــيــش فــايــدة و ان المشكلة اكيد اكيد حد غيره هو المتسبب فيها..
مع ان كلنا متسببين فـ حصولها..
سواء بالاهمال او التجاهل او الجهل او المشاركة فيها..
لو كل واحد في البلد دي التزم و اتبع القوانين و راعى ربنا في اللي بيعمله.. بس لو عمل كده مش اكتر، ماعملش حاجة بطولية ولا اخترع اختراعات ولا حاجة، متهيألي الوضع هيتقلب 180 درجة .. فأنا مش فاكرة الاية بس هي بما معناه يعني ان الله لا يغير ما بقوم حتى يغيروا ما بأنفسهم..
فلأ لأ لأ مانفسيش اهج من البلد دي خااااااااالص و عمري ما هيغير رأيي بتاتاً، حتى السنة الجاية :):):)
و الموضوع جميل جداً، و الربط بين الصورتين و كده.. :)
تحياتي..
(و بعتذر اني رغيت)

كأنني أنا يقول...

حسبنا الله ونعم الوكيل..

بس أنا مش عايزة أهج من هنا.. للأسف يعني بجد. :(

Mohamed Salah يقول...

مش عارف، حاسس إن الموضوع ليه علاقة بنظرية المؤامرة؛ بحيث إن الواحد يشوف الجروب و الصورة اللى عليه من هنا، يقوم يدور على طريقة تخليه يهج من هنا، فيبص على يمين الصفحة يلاقى الإعلان بتاع هل تريد الذهاب إلى أمريكا ده، فيقوم داخل على اللينك علطول، خطة محكمة، مش كده، و لا أنت رأيك يا حاتم

حاتم عرفه يقول...

م/ الحسيني لزومي

منا ومنكم يا فندم
و انت بالصحة والسلامة ..
:)

...........................

EMY

أه والنبي يا إيمي .. حاجة تكسف بجد

وأنا بعيدة برضه عن تفكيري ..
بس مين عارف .. بكرة فيه إيه..

...........................

كوشيا

صباح دماغك العالية ..
هو السؤال اللى طرحته كان تداعى أفكار بس ..
أو بالأصح بداية تفكير ..
ماوصلش لنهاية فى الآخر..و ياما سؤالات من غير ردود

كوارث يقول...

ههههههههههههههههههههههههههههههه
حاتم
انتا جيت
- شهقة -
يا زميل
ايه يا عم ده
نهج طبعًا
بس انا هون

حاتم عرفه يقول...

ريـــم العزيزة

أنا عارف أنك عاوزة تقولى كتير عن الموضوع
لأنك عاياشاه بشكل أو بآخر ( الغربة يعني )
و كلامك كله جميل
..

بس هو كان سؤال .. مش أكتر .. و سعيد بإجابتك عليه ..

:)

.........................

كأنني أنا

فعلا حسبنا الله ونعم الوكيل..
ربنا يطلعنا منها على خير

خلينا هنا .. أما نشوف

...........................

محمد صالح

أول ما بصيت جالى هاجس نظرية المؤامرة ده
بس لاقيت الإعلان موجود فى أى حتة مش شرط وأنا فاتج الجروب ده ..
وإعلانات كتير بتتفتح مع الجروب ده
عادى
صدفة بحتة
بس هى المؤامرة موجودة بشكل أو بآخر

تحياتي ..
و مهم فى الأجمال إن الواحد يسأل نفسه
و ده اللى حسيته من الصورتين

حاتم عرفه يقول...

كواااااارث

طارق الجن

حقة انت جيت - شهقة - يا رمضان

يلا بينا ..
أنا طالع بكرة فى ميكروباص اسكندرية نيويورك
الساعة تسعة ونص
مستنيك على رصيف المحطة
أوعى تتأخر

سمو الأميرة سارة يقول...

تعرف يا حاتم لما نجاوب السؤالين هتلاقي اجابة سؤالك الاخير
مش كل الظباط بلطجية وامريكا مش كلها جنة .. فاكييييييد تبقى الاجابة لأ .. بس بجد صدفة غرررررريبة جداً اللي في الصورة ، وانت بجد برافو عليك انك لقطتها

مخنوق كيك يقول...

لا فعلا ً في الزمن الراهن اصبح كل الاسئلة ليها علاقة ببعض

لان النتيجة والاجابه واحده وكل الطريق تؤدي لميدان الجيزة

والنتيجة محتومة ومعروفة

طلعوني من السجن
طلعوني من مصر

احييك علي اسلوبك يا بتاع توجاره