الخميس، 25 ديسمبر 2008

مغلق لجلسات الصلح (وقعدات العرب) مع الكلية الـ .....


مغلق لجلسات الصُلح (وقعدات العرب) مع الكلية الـ .....



أنا قولت بس أخش أنفض المدونة شوية ..
وأشيل خيوط العناكب اللى صالوا وجالو وزاطو فى قلب المكان ..
وكلها كام يوم ويرجعوا يصولوا ويزيطوا برضه..

داخل بس أقولكوا ان توهتوا ماتسألونيش ..
هاتيجوا ماتلاقونيش

اليومين دوول ..

عشان زي ماقريت فى العنوان يا فالح منك ليه .. (شايفين النيرفز)
أنا قاعد باتعارك مع ورق المذاكرة الأيام دى ..
(كورسات توجارة وما أدراك ما كورسات توجارة)
عشان أخلص من السنة بت الـ....دي

قولت لأبويا كتير من صوغري .. أنا مش بتاع علام يا أبا
عاوز أروح اشتغل عالكارتة ياأبا
ولا خودني موس حلاقة عندكوا في شركة لورد
(أصله اسم الله على مقامكوا مدير مشروعات في الشركة دي)
لكن مفيش فايدة ..
بلد بتاعت شهادات صحيح

خلاصة القول يا بني آدمين
أنني لذا ولكل ما ذكرت
فسوف اتغيبلى كدة يوم يومين أيام سنة

ليه طلبت البعد ليه لما مش قده أنا
(شايفين التركيز فى المذاكرة)

و طبعا زي ماحضارتكوا عارفين يستحسن أتلم واقعد في بيتنا
وأسيب التدوين والذي منه كدة حبة ..

و أوعدكم بعودة قوية متينة عفية ..
وأعتقد أن كلامي من هذا المزنق سوف أفتقده كثيرا..


خدوا بالكوا من المدونة وأنا مش موجود و حياة عيالكوا..
و ادعوا معايا ..
بس من قلبكوا

..

يا رب تنجح يا تتح

أا رب تنجح أا تتح


أنا رايح بقى أهو






ثاني أكسيد الكربون لا يشتعل ولا يساعد على الاشتعال


ثاني أكسيد الكربون لا يشتعل ولا يساعد على الاشتعال


ثاني أكسيد الكربون لا يشتعل ولا يساعد على الاشتعال


ثاني أكسيد الكربون لا يشتعل ولا يساعد على الاشتعال



هناك 9 تعليقات:

sara يقول...

بالتوفيق ان شاء الله

Butterfly يقول...

ههههههههههههه
ربنا معاك ومعانا !

مخنوق كيك يقول...

ربنا معاك يا حاتومة في المذاكرة وتنجح وتبقي زي اللي نجحوا

بس متعلقش امال كتيرة انك تخلص الكلية وتبقي وزير ثقافة او وزيرة قوي عامله حتي

انت هتخلص اه وده حقك الدستوري اللي بيكفله ليك رئيسنا وحبينا لكن تعمل حاجة غير كده او حتي تغير في قوانين الجاذبية .. لا ده مش حقك

وخليك في ثاني اكسيد الكربون احسن بدل ما يحولوك لاول اكسيد الكبريت

واتمني لك كل نجاح وتفوك يا رجل التوجاره ... ما تبقي توصي ولدك علي باكوين حلاقة مستورد !!

م/ الحسيني لزومي يقول...

غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com

زى الهوا يقول...

هوه فى حد لسة بيتعلم؟؟؟

ربنا معاكم يارب

وليد فؤاد يقول...

الله يوفقك
والتحية لك
وليد فؤاد
صاحب ديوان (بلكونات بريطانياالعظمى)
من اصدار دار اكتب

وليد فؤاد يقول...
أزال المؤلف هذا التعليق.
م/ الحسيني لزومي يقول...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

كلام وخلاص يقول...

الامتحانات ولت والحمد لله فى انتظار ابداعاتك يا فنان