الجمعة، 13 فبراير، 2009

مبسوط ؟


فرحان بلقاه ؟
مبسوط ؟
حاسس انك اخيرا لقيت حد كدة ؟
ياااه حلو قوي ..
زي مانت عاوز بالظبط
زي ما الكتالوج قال ..
أخيراااا..
حاسس بالفرحة ؟
فرحة كبييييييرة ..
اضرب للفرحة دي رقم ..
أي رقم
لا لا مش كبير قوي كدة
..
كدة كبير قوي ..
اعمل حساب انك ممكن تحط جنب الرقم ده
سالب
-
..

عشان ممكن جدا تفقده برضه في يوم من الأيام..
لأسباب كتير..
فحاول ماتفرحش قوي..
.. :)
عشان ماتزعلش قوي..
.. :(


.


.


.



الباب بيقولك..
أقفل..
أو أطلع برة
و ماتجيش.

هناك 12 تعليقًا:

saso يقول...

واااااااااااااو

بجد جامدة اوى اوى اوى

تخيل عملاى ما حسبتها كدة ... دايما لما بفرح بحب افرح عمرى ما فكرت احط جنب وقت فرحى علامه سالب ودا يمكن عشان هو وقت قليل اوى وبحب اعيشه

بس بجد انت كدة هتخلينى قبل ما افرح افكر مليون مرة

وجامدة اوى صورةوفكرة (الباب) وعندك حق فى التعليق اللى تحتها

Rannon يقول...

معاك حق
الواحد مش المفروض يفرح قوي عشان لما يزعل ميزعلش قوي
:)

kochia يقول...

ان شاء الله ربنا يبعد السوالب
ويفضل ويستمر .. زي مانت عايز بالظبط

تحياتي

Butterfly يقول...

أنا برده بقول كده :D

enjy يقول...

ايه الكلام الجامد دة؟؟؟
تصدق انقبضت اوى لما قلت ممكن تحط جنبه سالب؟؟
فعلا كلامك صح جدا.....الله ينور
على فكرة انت مصمم اغلفة جامد جدا وانا قلتلك دة فى التليفون بس مربطتش بينك وبين المدونة-غباء بعيد عنك- فعلا انت فنان بجد بجد...الله ينور

enjy يقول...

على فكرة انا شفت البوست اللى فات بس والله بعد تعليقى الاولانى..لك حق تكون فخور بنفسك..افرح واحلم وحقق احلامك عشان نحس بقيمتنا ونحس ان فى ناس عندهم امل وعندهم دماغ...تانى يا حاتم يا عرفة اغلفتك جامدة جدا والله والله محدش شاف معايا نسخ من كتب انت مصمم غلافها الا وانبهر بالغلاف وتصميمه وفكرته...انا فخورة بيك لدرجة انى ممكن اقعد اتكلم سنة بس فعلا انت فنان رائع وجامد جدااااااا....عايزاك تنتشر بقى وتعيش وتخلينى فخورة بيك اكتر

RADWA يقول...

صح بتحصل
*
"الباب بيقولك..
أقفل..
أو أطلع برة
و ماتجيش."
أو يمكن بيقولك ادخل واقفل وراك D;

تقبل مروري الأول :)

azar.ghizlane يقول...

عندك الحق
لازم الانسان ميفرحش بزاف
باش ميزعلش اكثر
تحياتي
عظيمةيا عظيم

سمو الأميرة سارة يقول...

واقعي اووووووووووي وجميل اوى تسلم ايدك بجد ..

والباب اول مرة افكر فيه كده جامدة جامدة جامدة


بس دا م يمنعش اني لسة بحقد عليك ههههههه

كأنني أنا يقول...

'طب.. طب..

طب ماهو ممكن يبقى مبسوط أوي أوي أوي..

يبقى ليه يضيع ده بالتفكير في احتمالات النجاح والفشل؟؟!

دمتَ مبسوطاً يا فندم :)

مدينـة من النسـاء يقول...

لا مفرحش بلقاه
لو خنق فرحته علشان خايف
لو قتل فرحة عينيه علشان متشفهوش كل الدنيا
أكيد هايموت مش هايعيش
اه لما بنفرح بيتزرع جوانا الخوف قبل ما تكمل فرحتنا
مادام كده كده هتموت بسرعه
طيب ليه مانحسهاش بقوتها
ونغرق فيها لحد ما نموووووت من الفرحه
علشان لما الحزن يقتلها
يغطينا الموت وتكون على ملامحنا بسمـه
مش عيون خايفه .. كانت بتتمنى في يوم تذوق الفرحه

**

الريشه بتحس ايديك اوى
والحرف بيسمع اللي ماليك
مهما كانت الكلمات بسيطه ,, الصعب اننا نقدر نقول اللي فينا بالبساطه دى ..

خالص تحياتـي ..

عاقلة علي ارض الجنون يقول...

و مين اللي يختار يقفل الباب و لا يقفله ؟ مش إحنا ؟ ..
حتي لو الباب مصمم يطردنا .. ليه إحنا كمان منصممش نقفله ؟؟ و لا هو يعني حتة خشب هتبقي أقوي مننا ؟؟

عارف ؟ فكرتني بحد عزيز عليا أوي بيقول ان كل شيء في الدنيا ليه إحساس .. و كلها جمادات .. جمادات ساكنه و جمادات محسنه نطلق عليها كلمة "بشر"