جامع الفراشات

يهمني الإنسان | حاتم عرفة

2011-11-02T00:07:00.002+02:00

الفيديو الختامي الذي قمت بعرضه في نهاية الكلمة التى ألقيتها بمؤتمر : "تيدكس طنطا" والتي تحدثت فيها عن مشروع : "الصورة حكاية" .

لطفاً شاهده : HQ

يهمني الإنسان | حاتم عرفة

: Music by
Ibrahim Maalouf
http://www.youtube.com/watch?v=KICN6jcOVyg

حاتم عرفة .. خلطة فنية بنكهة إسكندرانية

2011-09-07T03:31:00.002+02:00

حوار صحفي بجريدة وشوشة ، بتاريخ : 6 / 9 / 2011
شكراً : إلهام الجمال :)

عن الوجع ، باستفاضة ..

2011-08-04T07:12:00.004+02:00

عن الوجع ، باستفاضة ..

.
.
النهاردة ، لبس الماسك ورقص معاها رقصة طويلة قوي
رقصة كان مستنيها من سنين
مع إنه مابيكرهش في الدنيا كلها كلمة زي كلمة: "من سنين" دي !
مابيحبش أي شيء ياخد وقت طويل ..
ومش بيعترف بإن الصبر مفتاح لأي حاجة ...!
مفيش أي حاجة تستاهل انها تاخد وقت معاه ،

عشان كدة اتضايق جدا ان في حاجة واحدة بس وبعد كل لفه ودورانه ..
فضلت حواليه ..

وبعد ما كان فاكـر إنها مابقتش غير نقطة صغيرة قوي لا يمكن تحتويه ،
كان هايتجنن ..
أو هو فعلا اتجنن ..
لما لقى إن كل جريه ونطاته ووقوعه وأسفاره، كان جوه دايرتها ..!
فحس قد ايه هو ضئيل ، وهشّ ..

كتر تفكيره فيها ، خلاه يكفر بيها ، وطول بعده عن قلبها خلّى أسباب كفره بيها تزيـد ، بقى محتاج ينزل عليها الوحي عشان تقدر تهديه ليها، وهي أوهى من حمل رسالة واحدة ليه ..!

وهو بيرقص معاها ، كان زي العادة عاوز يقولها كلام كتييييير ، وماقالش ولا كلمة .. كان عاوز يقولها ان محاولاته للتخلص منها كوميدية قوي، مابتجيـبش أي فايدة ، كل الطوب اللى بيبنيه حيطة بينه وبينها بيقع زي الورق أوّل ما يشوفها ..

قعد يحلف لنفسه: يا ابني دول سنين يا ابني .. سنيييييين ..
فاكس يعني ، انت مش بتاع المسافات الطويلة دي !

الكوميديا بقى إنه بيصرّخ في نفسه كل الصريخ ده وهي في حضنه ، وأثناء ما بيرقص معاها رقصته الأولى اللى بيحاول يقنع نفسه إنها هتكون الأخيرة ..!

كانت عينيه بتصرّخ فيـها: عارفة انا قـتلتك كام مرة قبل كدة ؟
عارفة صحيت مـ النوم كام مرة وبصيت على شكلي في المراية وفي عينيا تحديداً، عشان اتأكد انك مابقتيش جواهم ؟
واقعد احلفلي انك مش فيهم ؟

عارفة كام مرة باقنع نفسي مع كل بنت حلوة أشوفها بإنها أجمل منك ؟
وقد ايه قعدت أجمّعهم مع بعض كدة، بالظبط زي ما كنت باحب العب بشرايط الكاسيت وانا صغير .. وارصّهم فوق بعض بعشوائية ، واتفاخر بكترهم وتكوينهم كجسم كبير عملاق ، يخليكي جنبهم ضئيلة قوي ؟

متخيلة مدى الكوميديا في انك تيجي وتسحبي شريط واحد منهم فيروحوا واقعين كلهم مدشدشين كأنهم لا شيء ، وتتفرجي عليا بسخرية ..
وعند ..
وبراءة في نفس الوقت ؟

لفت إيديها حوالين رقبته ، وعينيها كانت ابسط بكتير ، مافيهمش كمية الدوشة والصداع اللى في عينيه ، مافيهاش غير شمس ، شمس بتحرق عينيه قوي ،
دايماً كان بيقولها إنها بنت الشمس ،
ولا يقدر يقربلها ولا يقدر يعيش من غيرها ،
تفسير كلاسيكي جداً ، وممل ، جايز ..
لكن زيه زي كل تحليلاته الخرقاء (حلوة خرقاء دي) مابيوصلّوش لأي حاجة ..!

ولذلك توقف عن كل شيء ، وساب الماسك البارد الجامد على وشه ، وساب نفسه يدوب حواليها ، واستمر في الرقص ..
ومع كل خطوة ، كانت آخر نقط دم في قلبه ، اللى اتصفّى تماما أو يكاد ..
بترسم دواير على الأرض ورا خطواته الطفولية جداً ..اللى عمرها ما رقصت قبل كدة !

مـاسوشيـة

2011-06-06T04:37:00.001+02:00

مـاسوشيـة

هوباااا .. وإذ فجأةً كدة من أول العنوان تلاقي اللى بيقروا قلبوا صنفين : الصنف الأولاني: العالم المثقفين بقى ولاد الـــ .... دول اللى دايماً تلاقيهم كلهم - ما عدا انا وانت - فاهمين كل حاجة وطبعاً بتلاقيهم مستنفخين أي حاجة كدة طول الوقت ، والصنف التاني: ولاد الــ ... اللي مش فاهمين اي حاجة في أي حاجة، ومعندهمش أي استعداد يعملوا سيرش عن حاجة عشان يعرفوها بنفسهم، وطبعاً بالتالي بيبقوا مستنفخين برضه أي حاجة مش فاهمينها، وفي هذه الحالة تضطر تاخدهم على جنب كدة وتقولهم في ودنهم على زتونة الموضوع، الماسوشية دي اللى هيا "حالة تصيب الشخص تجعله يميل لأن يكون مظلوما دائماً، ويعرض نفسه بوعي أو بغير وعى للإهانة والإيذاء النفسي والبدنى، وعلى الرغم من شكواه الدائمة من الظلم والقهر إلا أنه لا يكف عن السلوك الذي يعرّضه دائما لكل هذا" .. وطبعا ده شرح مخلّ جداً يعني فلازم لا مؤاخذة تهز صوابعك وتروح تاخد فكرة أعمق عنها، عشان هي مش هاتفيدنا خالص أصلا في كلامنا دلوقتي ...

المهم المعلّم ده بقى ، بعد ما قفل معاها، دخل نام عادي جدا، وهو قرفان من نفسه شوية، بس هايعمل ايه يعني ؟ هو عيل نحس لو بص عـ السما وهو ماشي رجله بتكعبل في أول مستنقع، ولو بص عـ الأرض، بيقع على قفا أمه أي حاجة مـ السما .. فخلاص هو اتعود عـ الفقر ده ومابقاش بيزعل، في اتفاق خفي كده تم بينه وبين القدر، انه تحصله حاجات غريبة قوي تطيره لفوق في لحظة، وحاجات بت كلب تانية توقعه على جدور رقبته في لحظة برضه، هو بيحب لحظة الانطلاق دي .. لحظة الانعتاق والتحرّر، ماينفعش الطيارة تطير علطول، لازم تنزل وتطلع، تنزل وتطلع، وإلا يبقى ايه معنى الطيران كدة لو مجربش الأرض ؟ ايه معنى الحرية لو مجربش القيد ؟ ايه معنى الكفاءة لو ماخدتلكش قفا متين من حين لآخر ؟ خُلقنا لـ نتزاول كما قال مكسيم جوركي ..

بس لأ ماتوصلش لدرجة إنه يقعد يحلق دقنه بالغشومية دي ويعوّر نفسه كدة ؟ ماتوصلش لدرجة إنه يكون سلبي ومتبلّد تماما وهو شايف نقط دمه في الحوض بتغير لون المية ورغاوي كريم الحلاقة .. ومعندوش أي مشكلة يعني ! ماتوصلش لدرجة الانفصال التام ده بينه وبين نفسه ! ماشي يعني ماسوشية و جو الأفورة اللى الواحد بيحب يعيشه مع نفسه ده، ويكأن العالم بيتشكل من حواليه وهايهتم قوي بأم إحساسه ده يعني .. إشطا .. بس كدة الموضوع قلب بجد ، والموس ماعادش له كبير .. وماشي ماشي ومستمر في الإيذاء والتجريح وماعادش بطلنا يدي لكل ذلك أي اعتبار .. ويكأنه بيتفرّج على نفسه في شاشة عرض عملاقة ..

أم السلبية يا جدع ، أما تبقى مأنتمة مع الماسوشية ..

وبس خلاص !

أيــمــــن

2011-04-21T03:42:00.003+02:00

أيــمــــن

(1)

رأيته قادماً في اتجاهي فأدركت أن اليوم لن يكون سهلاً، سألت نفسي لائماً عن سبب مروري بشارعهم الآن، وأنا أعرف الإجابة ... أسرعت الخطا تجاهه وصافحته واحتضنته، سمعته يغمغم بعبارات اللوم التي اعتدت سماعها منه في المرات القليلة التي قابلته فيها خلال العام الأخير، حيث هجرت بيتي القديم القريب منهم وانتقلت للمعيشة بمكان آخر، لامني على عدم سؤالي عنهم واختفائي، فاعتذرت له بحجج أوهى من أن أكمل جُمَلها لآخرها، حاولت تغيير دفة الحديث بسؤالي عن أخباره وتهنئته بالعيد، دعاني لركوب سيارته حيث سينتظر أفراد عائلته الذين سينزلون بعد قليل، يرتب السيارة من الداخل ويلقى ببعض الأوراق خارجها ويمسح زجاجها، دعوته أن يلتهم معي الساندوتشات التي كنت أحملها، وشرعنا في الحديث ...

(2)

يرتدي جلبابه الأبيض النظيف وغطاء الرأس الذي يبدو كبيراً على رأسه الصغيرة، يعاون أقرانه في فرش الحصر أمام المسجد في نشاط وقد بدأ الخطيب في أداء خطبته، ينظر تجاهي من حين لآخر وهو يغير ملامح وجهه ليضحكني فأتجهم لأغيظه ॥ ثم أبتسم ما أن يبعد نظره عني، أقوم وأساعده في فرش بضعة حصر أخيرة، وأشير له أن يجلس ويكف عن الحركة، فيضع سبابته أمام فمه محذراً إياي من التفوه بحرف طالما الخطبة تؤدُّى .. فأبتسم رغماً عني وأرغمه على الجلوس بجواري وأنا أوكزه تحت إبطه فيلتصق بي بحركة لا إرادية وهو يضحك، فأكتم فمه قبل أن تعلو ضحكته .. وأضمه لنستمع إلى الخطبة ..

(3)

سألني عمّا جاء بي إلى بيتنا القديم، فحدثته عن رغبتي في الانفراد بكتبي وأوراقي لبعض الوقت ॥ وفي بالي فكرة قصة لم أكتب حرفاً منها بعد، جرَّنا الكلام إلى الحديث عن الأمر رغماً عني، سرعان ما وجدتني في موضع الحكيم والناصح وأنا من ذلكما بريء، تلعثمت وأنا أتكلم ثم تذكرت مشهداً في إحدى أفلام عبد المنعم مدبولي حين كان طبيباً نفسياً، وأتاه رجلٌ قصيرٌ ليعالج من عقدة قصره، فأخبره أن يكرر جملة : " أنا مش قصير أزعة ، أنا طويل وأهبل " عدة مرات وحينها سيجد نفسه أطول بالفعل .. فضحكنا ضحكة منقوصة، ثم أكملت: أن هذا الأسلوب في العلاج يكون حقيقياً أحياناً حين نتعامل مع ما نحس، فالإيحاء يجعل خواطرنا أكثر سلبية أو إيجابية، ولو أخذت تردد أنك لن تقدر على تحمل الأمر و .......... واستمررت في ذلك الحديث المعلّب وهو يهز لي رأسه بالفهم ليظهر اقتناعه بما أقول، ولكني شعرت بحروفي تتخبط وتتهاوى من فمي بلا وعي مني .. وددت لو أخبره أنني قلت كل هذا الكلام لنفسي طويلاً بلا جدوى! ولكني تركت الكلام الفارغ يسد ما قد يحدثه الصمت في جلستنا من تصدّع ..!

(4)

" عاجباك الأغاني دي يا أيمن؟ ॥ أنا هاسمّعك اللى عمرك ما سمعته قبل كدة " أعلّي من صوت السماعات ، فيضحك بشدة من كلمات الأغاني البلهاء .. أغانٍ كنت أسمعها في طفولتي ولم يعاصرها هو، يدهشه أنني ما زلت أستمع إليها ويسخر مني، فأجذبه من يده وأجبره أن يرقص معي على صوتها بحركات ساذجة مضحكة، حتى نتساقط سوياً على الأرض ضحكاً " مسيرك تكبر وتعرف أهمية لحظات مجنونة زي دي .. لما تبقى مهم وشخصية مسئولة زيي كدة " فيقاطعني ساخراً: " أكيد مش هابقى زيك كدة أبداً " ثم يجاول تجنب يدي التي تطوله رغماً عنه وأدغدغه بغلظة وهو يجاهد للتملص ثم أسأله: " أمال عاوز تبقى إيه يا فالح؟ " .. فيشرد قليلاً، ويجيبني: " مش عارف ! مش عاوز أبقى حاجة !" أستغرب إجابته فأعدد له من المهن التي أراها مناسبة له بجدية متحدثاً عن ذكائه ومخه النظيف .. فيقاطعني ساخراً من كلامي بمقطع من أغنية شعبية شهيرة يحفظها ، فأقرصه وأؤكد له أنه لن يصير إلا (سواق توك توك) في أفضل الأحوال حين يكبر، فيضحك ضحكته المميزة .. يرحل بعد قليل مع أخيه ليعودا إلى منزلهما ..

(5)

شردت من نافذة السيارة أتطلع لمدخل البيت، فكرت في اللقاء المرتقب الذي أخشاه ولم يعد ثمة مفر منه، كيف سأحتفظ بوجهي في مواجهتها؟ ॥ وجدتها أمامي تقطع تصوراتي، خرجت من باب العمارة بعينيها اللائمتين تصوبهما تجاهي .. نزلت من السيارة مسرعاً وأنا أتحاشى عينيها، صافحتها وحاولت الابتسام .. لم أشعر بغباء وعجز تعابير وجهي إلى هذا الحد من قبل .. شعرت أنني أطول مما ينبغي لوقوفي على الرصيف، إلى جانب فارق الطول بيننا، وددت لو كنت قصيراً جداً في تلك اللحظة، لو أتضائل حتى أصير لدى قدميها بدّلت وضعي معها في حركة حاولت أن تكون مهذبة، فأصبح بصري بالقرب من مستوى بصرها .. " إزيك يا أمي؟ .. كل سنة وانتو بخير .. أ .. آسف على الفترة اللي فاتت .. كنـ .. كنت مـ ....." قاطعتني حركة يدها وهي تشيح برأسها يمينا ويساراً لا تتقبل أسفاً .. " مش انت اللى تعمل كدة ! " .. اجتهدت للبحث عن كلمة مناسبة .. نظراتي زاغت وقلبي يدق في عنف، فحاولت أن أربّت عليه في حركة عصبية، ويدى الأخرى حائرة لم أعرف أين أضعها! فتارة بجيبي، ثم جانبي، ثم حككت بها شعر رأسي .. شعرت بأوصالي تتفكك ...

(6)

أستيقظُ على رنين الهاتف، أسمع صوته وبكائه الصارخ فلا أميز حرفاً، أسأله أن يهدأ ويخبرني ماذا حدث ॥ يقشعر بدني من ارتجافة صوته ولكني أطمئنه وأطمئن نفسي .. " إن شاء الله خير .. أنا جاي لك " وفي دقيقتين ارتديت ملابسي وغسلت وجهي، أصله لأجده يرتعش وهو خالٍ من روحه أو يكاد .. " هو في المستشفى دلوقتي ؟ " يحاول أن يتماسك ويجيبني: " آه .. صحينا لقينا وشه مزرق، وبيتنفس بصعوبة ، أنا باجهزله هدومه عشان ألحقه، رجليا مش شايلاني .. أنا خايف يروح مننا ! " أحاول التهوين عليه، وأساعده .. أربّت على كتفه كي يتماسك ، ثم نذهب، وحين نصل نجده في سريره يبتسم ابتسامته الرائعة، لم يقلقه سوى وجوهنا الفَـزِعة، يخبرَنا الطبيب أنها أزمة تنفس عابرة، جلسنا نمزح معه، ونطمئنه ثم تأهبنا للعودة إلى البيت، لم أرد له أن يمشي فحملته بين يديّ طوال الطريق إلى هناك وأنا ألومه: " وزنك زاد يا ولد، لو عايز تعيا تاني، قلل وزنك الأول وإلا ماحدش هايسأل فيك، أنت فاهم؟" يسخر مني: " انت عارف تشيل نفسك؟ " أنهج وأنا أصعد السلم: " حاضر، لينا بيت يلمنا .. حاااااااااضر " وبعد أن نرتاح قليلاً نتذكر ما حدث باليوم الحافل ونغرق في الضحك .. وهو يتحرك بحرية فأجذبه تجاهي وأهدده لو أفزعنا عليه هكذا ثانية فسوف آتي لألتهمه بنفسي، وأنا أدغدغه كعادتي فيفلت مني ويختبيء في حضن أختيه اللتين يحميانه مني، أتهمهما مازحاً بأن دلعهما هذا سيفسده، وأتوعده أن يسقط بين يديّ ثانية .. " في سنك كنت بعضّ العيال من عينيهم يا بني .. يا مدلّع ، لازم تغلظوا عليه شويةً، عشان يخشوشن كدة أو تسيبوهولي" وأقرن كلمتي الأخيرة بمد يدي تجاهه فيصرخان و يخبئانه في حضنهما أكثر في فزع، فتعلوا ضحكاتنا ..

(7)

تعلّلت بشقاء الأمر عليّ رغم معرفتي باستحالة تقبل أعذاري، لم أمر بمثل هذا من قبل، عجزت أن أواسي أحداً في ذلك وأنا بالكاد حاولت مواساة نفسي ولم أفلح، أسمع همهماتها وأذني تعمل بأقل طاقتها، أسمع صوته منادياً اسمي من مكان ما، خشيت أن أتلفت وهي تكلمني ॥ شعرت بخطواته حولي وأنه سيوكزني في ظهري ويجري كما يحب أن يفعل، رأيت طفلين يسيران أمامي، ورأيته أحدهما .. نفس حجمه ومشيته وشعره الناعم .. لو فقط ينظر ناحيتي ! زاغ بصري أكثر وعجزت عن متابعة حديثها، أرد عليها بكلام لا أميز حروفه .. وبصري يتابعه من جديد: أهو ... ؟

(8)

يأتيني اتصال فجراً من أحد أصدقائي الذي قلما يتصل بي .. أرد متوقعاً مقلب بشكل أو بآخر، ولكنه يلقنني الخبر، كنت مندمجاً في كتابة نص ساخر وغارقاً في الضحك حتى النخاع، لا أصدق ما يقول وأصرخ فيه ألا يمزح في هذه الأمور، ثم يبدأ صوتي ينخفض تدريجياً مع صوته الواهن الجاد، حروفي تتلعثم .. أمد يدي أضغط على زر إيقاف أغاني الأطفال التي أستمع إليها، أكررها على أذنيه عدة مرات: " بتكلم بجد ؟ .. بتكلم بجد ؟ " وهو يقسم لي المرة تلو المرة، فأخذنا نحوقل سوياً حتى لم نجد ما نقوله .. تداخلت السطور بعضها البعض في الورق الذي أمامي .. " وإمتى الدفنة؟ .. والجنازة ؟ وهما عاملين ايه؟ أكيد .. طبعاً .. أكيد .. لا إله إلا الله .. ماشي .. طبعاً مش هنام .. حاضر .. سلام .. " .. شيء ما يجعلني لا أصدق، غير قادر على الاستيعاب .. وقفت ودرت حول نفسي عدة دورات .. إنها مزحة سخيفة لا شك، لطمت نفسي لأتأكد أنني متيقظ، بضعة لطمات .. أنتظر أن أسمع تتر النهاية .. أو منبه الإيقاظ ، أو رجوع الأحداث إلى الخلف .. لا شيء من هذا يحدث ولكني لا أصدق رغماً عن ذلك .. باقِ على موعد الدفن وقت طويل ويستحيل أن أستطيع النوم الآن .. ماذا أفعل إذا ؟ اعتدت مشاهد معينة في الأفلام والمسلسلات عند حدوث مثل تلك المواقف، أيها يمكنني أن أفعل الآن ؟ أصبحُ فجأة بطل المشهد .. لا أود أن أنهار، ليس الآن على الأقل .. أقرر أن أكمل ما كنت أفعله .. النص الساخر ! نعم .. وهل من سخرية أكبر من هذا ؟ أشرع في إكماله متوقعاً أن أنهار في أية لحظة فأصرخ وأمزق الورق .. ولكني أجدني جامداً تماماً .. فقط دمعاتي تجاهد للتحرر من عينيّ وهي أوهن من ذلك وأكمل ما بدأت !
كوعاء ملآن عن آخره وفرغ تماماً فجأة كنت أنا في هذه اللحظة، أشعر بالخواء التام، وخلوي من قطرة إدراك واحدة ॥ تتداخل في ذهني الصور والوقت يمضي، النص الساخر .. عبد المنعم مدبولي .. أغنية الليلة الكبيرة .. أيمن يقوم بقيادة التوك توك .. سرعان ما أراه راقداً يغطيه رداء أخضر على محفة صغيرة يحملها العشرات، أجاهد لأضع يدي بين أيديهم المذهولة، وزنك أخف الآن بكثير يا أيمن ! .. أصوات تدعو له بالمغفرة .. يوارونه التراب .. يناديه أخوه من جواري : " أيمن ! رد عليّ يا أيمن " .. يسألونه أن يتماسك ويهزه أحدهم: " كفاية .. استغفر الله! كفاية .. " وأنا وجهي كصخرة صماء بلا أدنى معالم، ولا أتفوّه بحرف .. عيناي تدوران حولي كأنني في شاشة عرض عملاقة لا أشارك فيما يدور بها ..

(9)

أنقذتني ابنتها من عناء محاولاتي للنطق بجملة مفيدة ودوران عينيّ الموشكتين على الهروب من وجهي ॥ سألتني عن أحوالي وابتعدنا خطوتين عن أمها التي انشغلت بالحديث مع زوجة البواب .. حدثتها عن اللقاء الذي كنت أخشاه منذ زمن وها قد حان .. عن الذنب الذي حملته وحدي على مدار عام فأُثقل عليّ .. عن المأساة الأزلية في أن تظل تسأل نفسك عن الكلمات المناسبة التي تقال في مثل هذا الموقف .. فتعجز ويطول صمتك .. ويتأخر الحين الذي يجب أن تتحدث فيه .. ثم تبدأ بالإضافة إلى هذا تبحث عن عذر يبرر تأخرك .. فتتأخر أكثر .. وأكثر .. حتي يستحيل ظهورك .. ويعجز لسانك تماماً عن التفوه بحرف، أخبرتني أنها تفهم ما بي، وتقدر هذا وتؤكد لي أن أمها يستحيل ألا تسامحني .. " ماتحملش نفسك فوق طاقتك" .. وابتسمتْ .. فشردتُ قليلاً بمدخل العمارة .. لأتذكر ...

(10)

الآهات والأنين واللون الأسود وملايين الخواطر التي تجتث عقلي من بداية اليوم شيء ॥ وملامح وجهها وهي جالسة تتلقى العزاء شيء آخر .. أقف على مسافة من باب الشقة المفتوح ويمتد بصري مختلطاً بالسواد من حوله وينصب على وجهها الأحمر المختنق في جلال صمته، ويغلف أذنيّ صوت واحد كالأزيز .. يختلط فيه نواحهن والنهنهة الصادرة من بعضهن، وعبارات المواساة المكررة .. تصطدم ببعضها البعض في أذنيّ، تتجمد خطواتي وأتراجع، من المستحيل أن أقول شيئاً، ولن أقوى على البقاء صامتاً .. تكاد تزل قدمى على السلّم وأنا أتراجع بظهري، فأنتبه وأستند على الحائط، أركز بصري عليها ثانية، عيناها جامدتان لا تنظران إلى شيء، ربما جفتا من الدموع .. وبنتها ملتصقة بها تحتضنها .. تحاول أن تصبرها وهي ترتجف مثلها .. فلم أنتبه إلا وأنا أنزل درجات السلم مسرعاً كأنني أجري .. أخبر صديقي أنني لا أود أن أن أثقل عليها الآن، سآتي فيما بعد .. أرضي نفسي بأنني سأجهز كل الكلام الذي يمكن أن يقال وآتي فيما بعد، أي شيء يمكن عمله فيما بعد .. " انت محتاج أي حاجة ؟ .. لو احتجت أي حاجة كلمني ! " .. أودّعه وأمضي وهروبي جليّ لا يلحظه غيري .. هروب دام لعام كامل ..! هروب من موت لم أختبره من قبل ولم يمهلني فرصة لتدبره أو للتفاهم معه، لطمة أذهلتني عن أي فعل صائب يمكن فعله، وها هو الموت الذي كنت أفر منه، ها أنا ملاقيه ...

(11)

ابتسمتْ لي وأخبرتني أنها لامتني فقط لأنني ابنها، وسألتني ألا أحزن منها .. " المهم تسامحيني يا أمي " ربتت على يدي ودعتني أن آتي معهم فشكرتها .. أعطتني بعض الحلوى التي اشترتها من الدكان المجاور .. وودّعوني وهم يتمنون لي عيداً طيباً، وأنا قد تفككت تماماً، لم أعد أميز شيئاً مما حولي، أسرعت الخطى تجاه منزلي وأنا أرتجف، ألقيت ما أحمله جانباً وارتميت أرضاً، لتتحرر دموعي لأول مرة بعد كبت طويل، فأترك لها زمام الأمور .

17-11-2010

حتى تعود مصر سيدة الأرض

2011-03-29T02:53:00.001+02:00

حتى تعود مصر سيدة الأرض

مقالتي بمجلة الثقافة الجديدة : مارس - 2011

ثورة 25 يناير لم تكن كأي ثورة أخرى عرفها التاريخ، ثورة كانت هي الدليل القاطع على أننا لم نفقد شيئاً مما حاول حكامنا إفقادنا إياه طوال سنوات ماضية، لم نفقد إرادتنا وقدرتنا على الاتحاد وذكائنا وكرامتنا ورغبتنا الحقيقية في أن نكون أفضل، وتخطيطنا وقدرتنا على العمل الجماعي .. كما قامت تلك الثورة بصقل خبراتنا وقدرتنا على الحلم، وسعة الأفق والتضحية في سبيل ما نبتغيه .. وأكسبتنا الكثير جدا من الثقة في أنفسنا، ومساحات من القبول لكل مختلف عنا أصرت حكومتنا على الإيقاع بيننا وبينه طوال فترة حكمها لنا بمبدأ فرّق تسد، لنكره بعضنا بعضاً ولا يرتاح أحدنا في وجود الآخر، وهو المبدأ الذي لم يعد صالحاً للعمل الآن، بعد أن توحدت أهدافنا وتشابهت خطواتنا بشكل واضح وصريح، ولم يعد هناك معنى لكلام أو حتى حياة أحدنا لو لم يسع بكل جهده لكي تكون مصر أفضل، فخاب وخسر كل من حاول هدمنا أو شغلنا عن طريق الصواب كل هذه المدة، والمجد لكل من أشار لنا أن نخرج من طريق الصمت والخنوع الضال الذي كنا نسير به، ونحمد الله أن حِدنا عنه في ذلك اليوم المشرف الذي سنفخر به للأبد ..

أرى أن الشهداء الذين استشهدوا في تلك الثورة الكريمة حمّلونا عدة مسئوليات لا تقف عند البكاء عليهم والتأثر عند الحديث عنهم، ووصف محاسنهم وحكي حكاياتهم في أسى، واستمطار اللعنات على من قتلوهم ومن أمروا بقتلهم ومن سكتوا على قتلهم ومحاكمة كل أولئك بكل قسوة، رغم أهمية كل هذا، ولكن من المؤكد أن هذا ليس ما استشهدوا من أجله، لم أتشرف بمعرفة أي منهم للأسف ولكني أستطيع أن أجزم لك بأنه ما من أحد منهم وقف أمام مرآته قبل أن ينزل من بيته، وانتوى أن ينزل ليشارك بهذه الثورة ويموت فيبكي الناس عليه ويُحاسَب قاتليه وتتغير الحكومة، وينتهي الأمر عند هذا! فحين تتأمل في وجوههم وتحاول قراءة أعينهم، لن تبذل مجهوداً لتقرأ كل تلك الأحلام التي تطفو بأعينهم، ويبعثون بها الآن إليك، لتنفذها نيابة عنهم، وقد اغتالت يد الغدر أحلامهم، وأصبح السعي لتحقيق تلك الأحلام فرض عين على كل واحد منا، وإلا كانت خيانة منه لدمائهم الطاهرة الذكية التي روت أرض مصر بالعدل والخير والنقاء .. وسمحت لنفسي أن استخلص من بين تلك الأحلام الآتي :

1 – إسقاط الموروثات البالية الساذجة من طراز الرئيس الإله والرئيس الملهم والرئيس الأب ، التي تم بثها بيننا عبر عهود بحجة أن الرئيس يملك مقدرات الشعب، وهو من يقيم الدولة ويقعدها إن أراد وليس فقط يقوم بإدارتها وفقاً لاحتياجات شعبه وتنفيذاً لطلباتهم، فهو يخرج منهم وليس يخرج عليهم، وهذا طبقاً للعقد الذي يتم بينه وبينهم حين يقبل بهذه المسئولية والتكليف، وليس المكافأة أو التشريف له، فمصر ليست قطعة حلوى يكافأ بها من يحقق إنجازاً ما، فلا يُسأل بعدها عما يفعل بها .. بل هي مسئولية كبرى تمنح لمن يقدر عليها وتؤخذ منه حين لا يقدر عليها، وشعبه وحده من يحدد ذلك ويجب الإنصات إليه.

2 – الارتقاء بمستوى التعليم والبحث العلمي في مصر، فكل تلك الأمخاخ العاطلة و التي يتم تعطيلها على مدار سنوات في مصر يجب أن تفتح لها النوافذ لترى النور، وتساهم في تقدم هذا البلد، مضى زمن العصي والأسوار والحبس داخل المدارس لقضاء مدة الدراسة الإجبارية اليومية دون علم حقيقي يقدم بها، وهذا يلزمه الارتقاء بوضع المدرسين، وبمنهجية وضع المناهج الدراسية بالمدارس، يجب أن يصنع مستقبل مصر القادرون والمتيقظون وذوو النزاهة والمصداقية لدى الشعب، لا أن يصنعه المرتشون والفارغون وضيقوا الأفق ومنعدموا القدرة على الابتكار والتجديد، الذين لا هم لهم سوى مليء جيوبهم وكروشهم دون إفادة الوطن بشيء، وقد فسح لهم مجالا مفتوحاً في عهود الفساد الزائلة.

3 – نشر الوعي السياسي بين المصريين ليعرف كل مواطن ما له وما عليه وهذه مهمة السياسيين والمثقفين والإعلاميين، من دون تعالٍ على الناس أو توجيههم تجاه أيدلوجية وفكر معينين، بل شرح القوانين والسياسات التي يتم العمل بها بمنتهى الشفافية والحياد، وعلى الناس أن يختاروا ما يناسبهم.

4 – عودة المثقفين لدورهم الإساسي بين الناس، دون انفصال عن واقعهم ودون وضع حواجز تباعد بينهم تحت مسمى النخبوية أو تحت أي مسمى آخر، فالمثقف يحتاج النزول إلى الناس أحياناً، ليرتقوا هم إليه فيما بعد.

5 – ضبط الأوضاع الاقتصادية في البلد لتكون في أعلى مستوى إنتاجية ممكن، بالشكل الذي يتناسب مع قدراتها والتي نعلم جميعا أنها ليست بالقليلة أبداً، على الاقتصاديين أن يعملوا في تلك المرحلة بكل طاقاتهم، لتوجيهنا إلى سبل الارتقاء ببلدنا لتكون في المستوى الذي تستحقه وفي أسرع وقت ممكن، استغلالاً لإمكانياتنا ومنها قناة السويس مثلا، التي يجب أن تكون العملة المتداولة بها هي الجنية المصري لإعلاء قيمته، وأيضاً استغلال امكانياتنا الزراعية جيداً، للاكتفاء من محاصيلنا وخاصة القمح، واستغلال الأراضي غير المزروعة، التي أُهملت في السنوات الأخيرة، خاصة وقد استيقظت إرادة الشباب ولديهم المقدرة الآن على الحفر في الصخر، لكي تتقدم هذه البلد، وكلنا شاهدنا أكفأ وأرقى المستويات العلمية وهم يشاركون في تنظيف وتجميل ميدان التحرير وشوارع مصر بعد الأحداث الأخيرة، دون غضاضة في ذلك، وأيضاً الاهتمام بمصانع القطاع العام التي تم إهمالها بتعمد وتبجح واضحين، في سبيل مجاملة أصحاب القطاع الخاص الذين ينتجون نفس المنتجات، أو يقومون على نفس الصناعات .. وتُركت الساحة خالية لهم يفعلون بها ما يشاؤون تكريساً لفكرة الاحتكار، ومن ثم الاحتقار للمواطن.

6 – وجود جهاز مركزي قوي للمحاسبات ، يتمتع بالشفافية والنزاهة والاستقلال التامين، للرقابة على النقطة السابقة وغيرها، مع الإنصات إليه جيداً دون ترفع وغطرسة من السلطة التنفيذية، وقد كنا نشهد غطرستها تلك في السنوات الماضية، ورأينا ما آلت إليه الأمور.

7 – عودة الفنانين ولاعبي الكرة إلى وضعهم الطبيعي لدى الشعب، إلى مرفهين للشعب في الأساس، ومن أراد أن يتخطى دوره ذلك إلى دور أرقى، كمحرك ومرآة للشعب، فعليه أن يكون على قدر عال من الثقافة والتعايش مع الناس، والإدراك لحالتهم ووضعهم، لأن من يدَّعي الحرص على مصالح الشعب، والخوف عليهم – كما أظهر العديد خلال تلك الأحداث – دون أن يكون لديه القدر الكافي من الوعي والنزاهة ليفعل ذلك، فسيضع نفسه في حرج كبير، وكره كبير من أفراد الشعب، ولن يغفر له الناس ذلك.

8 – وجود مؤسسة إعلامية مصرية مستقلة، لا تخضع لتوجيه من أحد ولا يهمها سوى تقديم الحقيقة والمعلومة الصحيحة وفي أسرع وقت ممكن، وتوجيه الضوء على الأشخاص المجتهدين والمخلصين من أبناء البلد ليتعرف الناس عليهم جيداً، والاجتهاد في سبيل ذلك.

9 – أن يدرك كل إنسان قيمته وقدراته الحقيقية، ويعمل على استثمارها، وألا يحاول أحد أن يأخذ وضعاً أكبر من حجمه، ولا أن يوضع في غير مكانه الصحيح، فعلى من لا يفهم ما يجري جيداً، أن يصمت حتى يفهم وبعدها يتكلم، ويحترم الآخر الذي يختلف عنه، فربما يكون الفرق بينهما مجرد اختلاف في التوقيت، ولو تقابلا في ظروف أخرى فسيتفقا تماما على ما كانا يختلفان عليه، مثلما رأينا في ميدان التحرير والجميع تحت وطأة حرب واحدة، لم تميز بين أحد وآخر، واتحد الجميع تحت راية واحدة، وهي راية العدل، في مواجهة الظلم الواقع عليهم بكافة أنواعه.

10 – قبول الآخر أياً كان، لا معنى للحجب او الرقابة أو التضييق على أي فكر كان، فلا يحارَب الفكر إلا بفكر آخر، وأي شيء يتم منعه يمكن الوصول إليه من طرق أخرى في هذا العصر، ولذا يجب السماح لكل التيارات والاتجاهات الفكرية للعمل وتقديم برامجها السياسية والإصلاحية والثقافية على الناس بكل حرية، وعلى الشعب وحده أن يختار ما يناسبه، مع العمل على تربيتهم ثقافيا وعلميا في نفس الوقت بتطوير كل من وزارة التربية والتعليم والتعليم العالي، وأيضاً المواد التي يتم تقديمها في القنوات الفضائية، لأن ذلك هو ما يضمن الرقي الفكري للناس، وقدرتهم على الممارسة الفاعلة للحرية، وذلك سواء في الشارع أو في الأحزاب السياسية، لأن كل شيء هو مرآة لشيء آخر مكمل له.

11– إعادة تأهيل جهاز الشرطة بالكامل، لأن الوضع الذي كانوا فيه على مدى سنوات لا يؤهل أغلبهم سوى لأن يكونوا مرضى نفسيين، لا يفرقون بين المجرم، وبين المواطن العادي، وقد منحوا صلاحيات لا نهائية يستطيعون بها أن يمارسوا جميع أنواع القمع والترويع دون رقيب، ودون يد حازمة في التصرف مع خطاياهم.

12 – عدم السماح للفساد بأن يظهر ولو في أدنى صورة له، عدم السماح بالرشوة أو المحسوبية في أي مكان مهما قلت أهميته، ووضع كل مسئول امام مسئوليته الحقيقية، دون تفخيم له، ودون منحه ما لا يستحقه من مجاملات، فسيسهل هذا الحزم مهمة المحاسبين للفساد، وأخد الإجراءات ضد الفاسدين، فكلنا يرى الآن صعوبة محاسبة كل هؤلاء الفاسدين في الدولة وقد تغلغل فسادهم في كل سنتيمتر في البلد وفاحت رائحته، ومن الصعب الآن الإطاحة بهم جميعا مرة واحدة.

13 – عودة العلماء والدعاة والمصلحين والمفكرين الذين يستطيعون المساهمة في الإصلاح الواقعي والفكري على هذه الأرض، إلى ممارسة أنشطتهم بكل حرية، وقد منعتهم النظم السابقة طويلاً عن ذلك خوفاً من شعبيتهم، فالمنافسة يجب أن تكون منافسة جدارة وأحقية وإفادة، وليس مجرد منافسة على شعبية غير حقيقية، لا يمكن تحقيقها بالإرغام أبداً.

14 – عودة الأغاني الوطنية الحقيقية غير المزيفة، التي نغنيها حبا حقيقياً في الوطن، وليس لمجرد إلصاقها بحملات انتخابية، ومكاسب سياسية انتهازية، وانتصارات كروية سخيفة لاهية للشعب عن حقوقهم وواجباتهم.

15 – القدرة على الحلم، أؤكد عليها من جديد، وأهمية المحافظة على الحلم وعدم سرقته ممن سعوا إلى تحقيقه بأي شكل كان، فالحالم يجب أن يحلم بحذر خوفاً من أن يعجز عن التصرف حين يتحقق حلمه، وألا يستطيع الحفاظ عليه من السارقين والقافزين، المتربصين بالحالمين دائماً، لعدم قدرتهم على الاجتهاد.

أكتفي بهذا القدر.. ويمكنك أن تتأمل في أعين الشهداء وقد وزعت صورهم في كل مكان، لتستقي منها أحلاما وأحلاما أخرى، نرجو أن نكون جديرين بها، ونحققها في أسرع وقت ممكن .. كفرض عين علينا يفرضه ما حققوه من إنجاز وتضحية .. والله الموفِّق.

أوعى تكون زعلت يا ريس ..

2011-02-18T06:32:00.003+02:00

أوعى تكون زعلت يا ريس ..

شعبك وحب يفهمك بالذوق

بس انت اللى خدتها أفش

سبتنا وقعدت فوق

وحلفت ماتسمعش

شايفك متفاجيء ومكدب

ومصدق إعلامك المتكركب

واللي مفهمك إنا

عمرنا منك مازعلنا

عشان انت ماتغلطش

ودي تيجي إزاي ؟

ده آمون مابيغلطش

وزيوس مابيغلطش

وأي إله متربي كويس

مابيغلطش !

هل ينفع نسأل عـ الريس مرة ..

يقولولنا ماجاش ؟

ماضحكش ؟

ماهزرش ؟

أو حد حكاله حالتنا، وماطـنـّش ؟

شوفتنا عدينا يوم

بدون ماتكعبلنا سحنتك ..

ونحلف بحكمتك ..

ونطمن على جتتك ؟

عمرك شوفتنا شككنا فيك ..

ولّا اتأمّرنا عليك ..

ولّا حد قالك: لأ ؟

ده حتى لو بالحق

كانوا بتوعك يقولوله:

اتأدب !

واتلم !

ده ولي الأمر

ده أبوك بالأمر

ويجيبك ويوديك بالأمر.

بس الجديد في الأمر

إن الكدبة ماعرفتش تطول

وان المذلول

مابقاش مذلول

وعرف يتكلم ويقول:

لأ

لذا فمالكش حق

تغصب علينا تاريخك

وتحز في نفسك مننا

ده احنا غلابة

سبناك تموّت فينا اللى أغلى من روحنا

تموّت حلمنا

ومازعلناش ..

وقولنا أهو قدر ونصيب

ومسيرنا يجيلنا ناس

ياخدولنا حقنا

تلاتين سنة

مستنيين .

بعضنا دوّر عليه برة ..

وساب هنا

مع إنه ماضاعش إلا هنا

ومش هاييجي إلا هنا

تلاتين سنة نقولك حاضر

تقول كن .. فيقولولك يكون

لحد ماصدقت انك ملكت الكون

وان اللى يخالفك كافر

مجنون

فخرستنا

تلاتين سنة

جوابات كتير بعتهالك وانا صغير

أكيد مكانتش بتوصلك ..

مكنتش أعرفلك عنوان

كنت مصدق إنها لو وصلت

الوضع هايتغير

كنت احكيلك عن كل جديد أعرفه عنك

وابعتلك صورة قصتهالك

وانت في طيارتك

أنا أصلي بعيد عنك

كان نفسي أطلع زيك

طيار برضك

وفي نفس الحرب

وكنت احكيلك عـ الفقرا اللي باشوفهم

وإنك لازم يوم تسأل عنهم

وتغير حالهم

قولت أكيد بطلت تطير

وإنك عايش ويانا عـ الأرض

كترت جواباتي

مجانيش الرد

حتى اما الملايين طقت وانفجرت

وقالولك: شكراً .. إرحل

مارضتش ترد

شوف قولنالك حرّص .. كام مرة

من أفعى غبيّـة عفيّـة بتزحف حواليك

وبإيدك تقرص فينا

وتلسعنا

وتقيدنا وتعيش حرة

ايه؟ مكنتش شايف؟

ولا حاسس ..

وانت في إيدك ديلها ؟

ماحدش قالك خد بالك

ولا مرة ؟

ولّا انت اتعودت تبات برة ؟

مـ الآخر لامؤاخذة يا ريس

مانتاش أب

ومانتاش رب

وماعرفتش تفهمنا كويس

كام مرة نقولك اسمعنا

المصري بيصبر ..

ويسامح

بس ماينساش ولا بيتيس

كام مرة ، هزرت في أرواحنا

كبضاعة خسرانة

وبتهيس

وتجيب سيرة العبارة، وتضحك

وخلقت بظلمك وطاغوتك

للظلم متين مليون ريس

فاكر اما حفيدك مات يا بيه ؟

كلنا قريناله الفاتحة

وقد ايه زعلنا عليه

ومصر كانت ميتم

ولو اننا فرحنا انه نفد من أعمالكم ..

وإن واحد منكم مات نضيف

لكن زعلنا عليك انت

ايوة انت

واستنينا بلهفة نشوفك عامل ايه

اشمعنا شبابنا يا ريس

مازعلتش عليه ؟

وروحت وجيت

ونمت صبحت ناسيه ..

لحد اما قالولك:

هات سيرته بكلمتين

لا وبعد ايه ؟

بعد الدم ما غرّق سجادتك

وطال كرسيك

وده دم غالي يا بيه

عمر تمنه ماكنت هاتقدر عليه

أصوات أخرى غير صوت العقل ..

2011-02-09T14:01:00.001+02:00

أصوات أخرى غير صوت العقل ..

أبدأ كلامي بتحياتي (الحارّة) لكل محتكري صوت العقل في العالم، سواء محتكرينه من اليمين أو من الشمال، ولأنني وجدت الجميع قد احتكروا (صوت العقل) ، وكأن من يختلف عنك في الرأي هو من كلاب الشوارع ليس إلا، احتكرت الحديث عن صوت المؤخرة .. على الأقل أضمن بهذا ألا يتنازعني أحد عليه .. فلا أتسبب في مزيد من الصراعات ..

أعدك يا من ساء به حظه وجلبه إلى هرطقتي، ألا تجد صوت عقل واحد هاهنا، وإن صادف أن وجدته فهو من عندك، أما ما عدا ذلك فمن عندي .. وصوت المؤخرة هنا يحتمل معنيين، أحدهما خاص بالمهذبين ويعني: صوت المتأخرين الواقفين في المؤخرة وينادون بالانسحاب والعودة، والآخر خاص بغير المهذبين (وأنا منهم) ولا يعني سوى الــ ....

كنت قبل الأحداث أسخر من الثورة، ولم أصدقها .. حقي .. خاصة عندما أسأل أكثر من شخص عمّا ينتويه بالظبط، عن أهدافه ، عن خطته .. فيقول لي: مش عارف بس هانعملها يعني هانعملها .. إزاي؟ .. مش مهم ، إشمعنى تونس عملتها ؟ .. طب انت عارف ايه اللى حصل في تونس ومتابعه ؟ .. لأ .. أهو كلهم رؤسا ولاد كلب طلعوا عين شعوبهم وهانجريهم كلهم عـ السعودية .. فأشعرني ذلك بأن الأمر مجرد موضه، وأن الترزي اللى فصّل جلابية الثورة في تونس، أكيد مش هايعرف يفصّل نفس الجلابية في مصر .. خاصة ولم يكن قد اتضح شكل الجلابية في تونس بعد، وأيضاً لم أكن أصدق كثرة المشاركين ، وأن الأمر لن يتخطى مظاهرة يوم واحد، ككثير مما رأيته من مظاهرات، لأن عدد النائمين في ماء البطيخ أكبر دائماً .. ولكني كنت مخطئاً ...

أعترف أنني كنت مخطئاً وسعدت بكوني كذلك، فوجئت بالأعداد الكبيرة والمشاركة القوية واستمرارها لأيام، وانخفاض عدد النائمين في ماء البطيخ بشكل مدهش، وشعرت بكهرباء القوة والإيمان تسير في الهواء من واحد إلى آخر، آمنت بها ثم انضممت إليها ما أن خرجت من امتحاني الأخير، كنت بين المتظاهرين، أحمي نفسي من رصاص مطاطي وخراطيش وقنابل مسيلة للدموع بإلقاء الحجارة على الأمن المركزي، والاختباء منهم، ومحاولة التحرك بسرعة، وقد حرمونا منذ أول وهلة من سلمية المظاهرة، مع أول قنبلة مسيلة للدموع ألقيت علينا ما أن قلنا "السلام عليكم ورحمة الله" الثانية في الصلاة – كأنهم يودون الانتهاء من الأمر سريعاً ليلحقوا بالمظاهرة التي تليها ! – فكان طبيعياً أن ندافع عن أنفسنا بكل الوسائل الممكنة، على الأقل حتى يتراجعوا، وما كان الطوب الأسود (البازلت) الغبي الذي يوضع على طول شريط الترام ببعيد عن متناول أيدينا .. استنشقت الغازات المسيلة للدموع لأول مرة .. شيء قميء يجثم على النفس ويخترق أنفك فجأة دون أن تراه، تتنفسه، أدركت منذ اول وهلة أنها رائحة مبارك، والهدف غير المحدد الذي نزلت به، هدف الغضب، تحدد في هذه اللحظة، ووجدتني وانا أدمع أقول لنفسي ولأخي ومن حولي: حلو، كويس، خلينا نتعود على "لأ" ونعرف قيمتها. وتذكرت كل الآباء والحكماء وكبار السن الذين خافوا علينا وعلى بعدنا عن المشي بجوار (الحيط) وكأنه الصراط المستقيم، أردت أن أصرخ فيهم حينئذ : " دعونا ! لم تنفعنا طريقتكم لسنوات مضت، لم تجلب لنا هنيء العيش ولا مستقر السكن ولا ثابت العمل ولا رقيّ التعليم ولا سلامة الصحة .. دعونا نجرب طريقتنا .. فطريقتكم لم تنفعكم ولن تنفعنا " سعدت بجدار الخوف من النظام ومن الشرطة الذي ظل يتهدم مؤخراً حتى انهار تماماً، ووراءه ينهار جدار الكفر بهذا الشعب وبقدرته على التغيير، والذي كان يزداد علواً مؤخراً بفعل اليأس والعديد من المحاولات الفاشلة للتغيير .. وقد كنت أؤمن به قدييييييييماً جدا .. واستعدت إيماني به كاملا حينها فحسب ..

بصل .. كوكاكولا .. دماء .. اختناقات .. صراخ .. استغاثات .. دعاء .. هتافات .. صوت انفجارات وطلقات نفقد رهبتنا لها تدريجياً .. غضب .. كر وفر .. متفرقين في شارعين متعامدين في تقاطع طريقين .. القتلة في طريق ونحن في الآخر، نتجمع ونشد من أزر بعضنا البعض ونظهر إليهم نقذفهم بما تيسر من أحجارنا ونرد عليهم قنابلهم بقدر ما نستطيع، ثم نحتمي منهم ، يصرخ عجوز : " الإخوان فييييييين حد يقولي فين الإخواااااااااااااان ؟ " .. نصرخ فيه أن يصمت : " إحنا مع بعض .. إحنا مصريين .. هانجيب حقنا ماحدش هايجيبلنا حقنا " .. دماء وإصابات أكثر .. وجوه أعرفها ولا أعرفها .. عيون غير عادية .. أحدهم يجري في ألم وهو يمسك بمنطقة رجولته، تنزف من بين أصابعه الدماء ! أسمع أخي يصرخ بأنهم كسروا نظارته، وكادت تذهب عينه لولا نظارته التي حمتها ، حين أصابها شيء ما ، نرجح أنه رصاصة مطاطية .. وأخي بدون نظارته يكون غير قابل للتظاهر على الإطلاق، يكفي أنه حين كان يفر للاحتماء منهم .. كان شبه يتحرك نحوهم وليس ناحيتي ! فتحركت تجاهه وجذبته إليّ .. وأكملنا ما بدأناه ، وأنا أنظر له من حين لآخر .. وأتعمد أن يظل بالقرب مني .. فلو غفلت عنه قد أجده في أي لحظة ممسكاً بذراع أحد العساكر هاتفاً له : " يلا يا حاتم نمشي من هنا قبل ولاد الكلب دول مايخشوا علينا!" ، أفكر .. (إيه المظاهرة العوء دي!) .. سألته أن يعود للمنزل وحده لو يستطيع فصرخ فيّ: " مش هاسيبك" .. لأ جدع يااا .. يا فرحتي .. مانا مش عارف أركز في المعركة بسببك .. بضعة نقاشات استقررنا بعدها على ترك جانب المظاهرة العنيف هذا ونتجه للجانب الآخر الذي نفذت منه القنابل المسيلة للدموع، وشرمخ كل طرف فيه الآخر شرمخة عنيفة حتى أنهكوا، فتركهم الضابط ليتظاهروا كما يشاءون (على سبيل الهدنة) وقد احمرّت أغلب الوجوه في الطرفين بشكل يشي بعنف المعركة التي دارت، بالقرب من أحجار الترام البازلت الأسود المقدسة، التي من غباء الشرطة أنها لم تعمل حسابها في مظاهرات القائد إبراهيم، بالإسكندرية ..

بمجرد أن تركتهم الشرطة يتظاهرون بحرية، ورغم كل ما دار كان الناس يصافحون الضابط ويشكرونه، ويحيون عساكر الأمن ويقولون : عارفين انكو غلابة وغصب عنكم واحنا بنعمل ده عشانكم .. اضربونا بس بالراحة .. دوسني بس ماتعورنيش .. مش لازم ضرب يموّت .. حرام عليكم .. فيردون : والله غصبن عننا .. ربنا يوفقكم ! معلش .. حقكوا علينا ! .. وضابط يعتلي مدرعة ويغطي فمه بمنديل دامٍ .. يهتفون به : " هايسيبك ويمشي .. هايبيعك وهاتفضل معانا " فلا يرد على أحد .. نتجمع أمام باب المسجد نهتف وندعو حاملين كل أوجاعنا وآلامنا .. يا رب .. يااااااااا رب .. يااااااااااااااا رب .. فتهطل بضع قطرات تقوي من عزمنا وتشعرنا بقرب الأعلى الرحيم منا .. فيعلوا صوتنا .. ياااااااااااااااا رب .. يااااااااااااااااااااااا رب .. ننظر على يسارنا فنجد من بعيد سيارات الأمن المركزي التي كنا نحاربها منذ قليل .. تحترق ! .. نشعر بأن العساكر ينظمون صفوفهم حولنا .. يطوقوننا ويقتربون منا شيئاً فشيئاً .. انتبهنا لذلك فحذرنا من حولنا ليحذروا من حولهم .. وخرج بعضنا لنكن خارج هذا النطاق .. فنمنعهم من محاصرتنا ..

نتحرك ونشاهد ما يحدث بكل مكان .. عنف .. عنف .. المزيد من العنف .. الاتصالات مقطوعة ، لابد أن اخبار ما يحدث قد وصل ولو بعضها إلى المنزل، ولا شك أنهم بدءوا في التحول هناك إلى فقاعات غازية من الفزع علينا . شاركنا في الأحداث عنفاً وسلماً ما استطعنا .. فلنكتفي بهذا القدر إذاً، عشان خاطر بس الغلابة اللى زمانهم بيتحولوا في البيت دلوقتي .. وكلما سرنا بضعة خطوات في اتجاه العودة يشدنا مشهد آخر .. أو تطور جديد .. نشارك فيه ونرفض أن نعود .. مظاهرات أكثر حشداً وثقة وغضباً .. درسنا في التجارة أن المكاسب تغري دائما بمزيد من المكاسب .. حشود من الناس أراها تسير في اتجاه شارع فؤاد من قناة السويس، حيث مبنى محافظة الإسكندرية بعد أمتار .. أمد بصري إلى أبعد مدي من الناحية الأخرى .. عدد من عربات الأمن المركزي والعساكر .. ليس بالكثير أبدا .. ووراءهم أرى حشوداً أخري قادمة .. وهؤلاء القلة من العساكر في المنتصف .. أكملنا طريق عودتنا وأنا أقول لأخي : مبنى المحافظة ده أكيد هايتحرق !

عدنا للمنزل وبدأنا نتابع الأخبار بمزاق مختلف .. علمت فيما بعد أن بعض العساكر عندما التفتوا فلم يجدوا الضباط حولهم .. خلعوا لبسهم العسكري وساروا على طريق الكورنيش هاربين حتى يجدوا من ينقذهم ويعيدهم لوحداتهم أو لأي داهية تأخدهم من هنا حيث الغضب الجارف، الذي كان يمكن حله بكلمتين في البداية !! ثم حدثت التطورات التي تعرفونها .. انسحاب أمني .. هروب مساجين .. أقسام شرطة أغلقت بالجنازير منذ صلاة الجمعة وقد فرغت ممن فيها من مسجلين خطر ومجرمين وكائنات فضائية وقد عرفوا وجهتهم جيداً .. تخريب وتهديدات وحالة نهم إعلامي مصري للكذب والخداع بمنتهى السذاجة .. سهر ليالي بالشوم والسكاكين أمام العمارات، تحاول الحكومة الخبيثة فرملة ثورتنا وربطنا ببيوتنا .. ولكننا الحمد لله كنا أنذال بالقدر الكافي ، أو وزعنا مهمات الحراسة بالتناوب، أو أدركنا سذاجة اللعبة .. فلم يفلح ذلك معنا واستمرت المظاهرات واشتدت حشداً وقد آمن الناس بها وبأنفسهم أكثر، فيصيبنا دهاء مبارك وما حوله من أفاع في مقتل، بخطابه المحنك المتزوق اللذيذ الرايق المؤثر عن وفاته على هذه الأرض، ومن أجلكمممممممم وفي سبيلكمممممممممم وتلبية مطالبنا حتة حتة " بأسلوب الاستربتيز" كما عبـّر صديقي عمر خضر .. وبهذا الخطاب القاتل مع حبة تحابيش عن أمن مصر وسلامة مصر وأعداء مصر وأجندات مصر والمؤدلجين والمسيسين في أنحاء مصر .. نتحول إلى جبهتين كل واحدة أكثر تعصباً وعنفاً من الأخرى .. وكل منهما لديه المقنع والمنطقي و " أم صوت العقل " من التبريرات .. فننسى الموضوع الأساسي .. اللى ماتوا دول في رقبة مين ؟ ده لو فنجهان قهوة اللى اندلق، في حد بيحاسب عليه .. مين اللى هيحاسب على كل اللي ماتوا غدر دول ؟ ثم ننخرط في أحاديث جانبية عن الحرية مقابل الغذاء .. والتغيير السريع مقابل العيش المدعم .. وعن الرئيس جوز الأب .. " سلملي على جوزك يا إسماعيل بيه " وغيرها من سخافات، فيزداد الوضع سوءاً وعبثية تشمئز منه نفسي، فأنعزل في بيتنا القديم الخاوي، أحاول الهروب إلى كتبي من الأحداث، فأتكعبل فيها بـ عبارات تصف ما يحدث بدقة، ترغمني على مزيد من التفكير، وتجبرني أن أمسك بقلمي، وقد وضّحت لي خلوتي الرؤيةَ إلى حد ما .. لأكتب ما أكتبه .....

ما الذي يمكن استخلاصه من هذه الثورة ؟

1 – سقوط نظرية الرئيس الإله : الرئيس اللى مانقدرش نعمل حاجة من غيره، اللى حامينا وكاسينا، ومن غيره نضيع ، كل ده انتهى أو في سبيله للانتهاء للي لسه عقله ما أدركش هذا، هو مجرد بني آدم زينا يا جماعة، وربنا اللى فوق هو بس اللى بيحفظنا وهو اللى حمى بلدنا آلاف السنين من أخطار أفظع بكتير من اللى بنواجهها دلوقتي .. وفي حالات كان الشعب فيها أقل وعياً بكتير من الشعب دلوقتي .. عبد الناصر لما مات فجأة والبلد في حالة نكسة ومتعلقة بيه جدا ورايحة في داهية ومنهارة وكان أنور السادات بالنسبة لهم وجه غريب مش مألوف، ومش محبوب من تنظيم الضباط الأحرار، وطلع زي عفريت العلبة كدة بعد ما اتعين كنائب رئيس من فترة قليلة .. ولا كانت القوى السياسية حاباه ولا الشعب كان عارف هو اللى حاكم ولا مراكز القوى اللى معاه اللى كانت بتغطي عليه أحياناً .. والأعداء مكانوش على الأبواب بقى، لأ دول كانوا قاعدين في الصالون .. ورغم كدة البلد قامت وفاقت وحاربت وانتصرت، وده عبد الناصر يعني .. اللى مهما اختلفنا عليه ماحدش يقدر يفتح بقه ويقول عليه خاين او حرامي أو كان شعبه كارهه .. إضافة إلى أن الرؤساء في أي حتة عندهم حاجة ظريفة كدة بيعملوها لما ييجوا ينتصروا في الحروب أو ينهزموا أو يتقدموا بالبلد أو يتقهقروا بيها، إنهم بياخدوا معاهم حاجة ظريفة كدة اسمها (الشعب) عارفينه ؟ .. يبقى ييجي مبارك ده اللى فقد كل شرعيته وصلاحياته وقدراته وترهل تماماً ومش عارف يحمي شعبه (لوا افترضنا بسلامة نية إنه مش هو اللى بيحاربهم) لا من فقر ولا من مرض ولا من كلاب الداخلية ولا من البلطجية ولا من وزراءه وقراراتهم الهوجاء .. ده اللى هانضيع من غيره ونتشرد ؟؟ يا سلاااااااااااااااام !

2 – سقوط نظرية الرئيس الأب : وكذلك الرئيس الجد والرئيس الخال .. والرئيس جوز الأم .. وأوصل سلامي لماما وبابا وخالي حسن اللى شغال في العراق وجدو ونينة بمناسبة عيد ميلادهم ....

بغض النظر عن إن دي مش لغة سياسة وإننا في عصر بينتخب الريس عشان يحقق مطالبه وآماله وطموحاته السياسية، مش عشان ياخده من إيده ويجيبله عسلية ويهشتكه على حجره ويقوله يا بيبي .. بغض النظر عن الفكرة دي، لو افترضنا إن أبوك بيقتل في اخواتك كل يوم ويبهدل أمك وحارمك من كل حقوقك ومجوّعك .. أبسطها خالص لو انت ابن صالح، هاتسيبله البيت وتمشي، ده لو أنت مؤدب قوي يعني، وده يتطلب انك تكون اتربيت برة البيت ده أصلا .. بس المشكلة ان صعب 85 مليون يسيبوله البيت ويمشوا !! هو كتير منهم حاولوا الحقيقة بس أعتقد مش هانعرف

نمشي كلنا بأي حال من الأحوال .. ولذلك بكل أدب بنطلب منه يخليها عليه المرة دي ويطلع هو برة .. برة حكم مصر

3 – لا تتكلم قبل أن تفهم : وطبعا عشان تعمل كدة لازم تكون بتفهم أصلاً .. يعني ايه بتفهم ؟ يعني تقعد مع نفسك .. تسأل الكبار .. تعرف كل آراء اللى بيفهموا عنك .. تعرف حدودك وايه اللى تعرفه وايه اللى ماتعرفوش، وتعترف بجهلك وبخطئك حين ينبغي ذلك .. مش عيب خالص .. لكن كل اللى اتكلموا وجعجعوا دول ونطوا عـ الفضائيات أو عـ الجرايد أو عـ النت وهما مش فاهمين وأزعجونا وعملولنا دوشة وبمنتهى التسرع ومن غير ماياخدوا نفَسهم، هما فعلا اللى ممكن يضيعونا كلنا لأنهم لغوشوا علينا وعلى أسماعنا ومعرفناش نوصل لآراء الكثير من العقلاء اللي فاهمين الأحداث وعارفين بيقولوا إيه .. والأهم من كل ده ، تحترم رأي الآخر دائماً ..

4 – مشاهدة برنامج صباح الخير يا مصر: (معلش دي نقطة مخصوصة كدة خلوها على جنب) .. عندما تشاهد هذا البرنامج الجميل لو حصل واتزنقت مرة في معمعة الأحداث صباحاً مع تلفاز ليس به محطات أخرى تنقذك من وحل معرفة الأخبار عن طريقه .. ستدرك ما أقصده ، فهو يتمتع بكمية غير اعتيادية من المذيعات، الفاتنات، الرائعات، مرتديات الميني جيب.. (بألوان غامقة جدا عشان الحزن اللى في القلب) وذوات السيقان الرائعة .. ولم أفهم مما يقولون حرفاً بكل أمانة! ولكني سرعان ما أدركت أنني إذا أردت أن أفهم ما يقولون يمكنني ببساطة جلب كل عناوين أخبارهم التي بها أداة نفي وأقوم بإزالة أداة النفي .. وجمل الإثبات أقوم بنفيها، أما ما عدا هذين فهو تهييس مطلق ليس إلا ..

5 – أي شعب ينقسم لمُحرّكين ومتحركين : المُحرّكين دائما أقل بكثييييير من المتحركين .. المحركين يعني اللى عندهم قدرة يأثروا في الناس، زي مثلا شباب الفيس بوك ، وزي البرادعي ، وزي الإخوان ، وزي مبارك ونظامه ، وزي الإعلام بأنواعه .. كل دول بيحركوا في الناس بطريقة معينة على حسب مصداقيتهم لدى الناس .. يعني البعض هايحرك الناس معاه والبعض هايحرك الناس ضده ، والبعض هايجبر الناس انها تتجاهله تماما .. المفترض بقى الشخص يعرف هو في أي قسم منهما .. ويمكن يكون في الاتنين .. ولما يحرّك هايحرّك إزاي ؟ ولما يتحرك هايتحرك لفين وهكذا .. مش كل الناس فاهمة .. مش كل الناس عارفة .. لكن الفاهمين كتير ، والمتكلمين كتير ، ونقدر ببعض العقل نسمعهم ونفهم كلامهم ونقارن بينه وبين ما نعرفه ونقيس كلامهم على اختباراتنا السابقة لهم ، واللى نقتنع بيه هو اللى نمشي عليه ، سهلة خالص .. المحركين يراعوا ربنا في اللى بيعملوه .. والمتحركين يشغلوا مخهم قبل أي حاجة ..

6 – وائل غنيم .. فحسب

استخلصت من لقائه الرائع اللى مش هاتكلم عنه لأنه بيتكلم عن نفسه جدا، ملحوظة بس جت في عقلي بشأنه: إنه ماحدش كان يعرفه، قليلين جدا يعرفوا عنه القليل جدا .. شوفوا في دقائق حبيناه قد ايه وصدقناه قد ايه ؟ تفتكروا لما حد يطلع في التلفزيون ويعمل لنفسه دعاية انتخابية لمدة شهر .. فيها برنامجه وسبل تحقيقه ليها وكل حاجة عنه وهو مين وبيعمل إيه وعمل ايه قبل كدة .. مش هانقدر نعرفه كويس ؟ ونحكم عليه ينفع يبقى ريس لينا ولا لأ ؟ هل هايبقى صعب قوي نختار ريس لينا في بلد فيها كل الإمكانيات والقدرات اللى شوفناها الأيام دي ؟ مجرد سؤال ..

7 – يجب محاكمة الرئيس : تعالى بس مالك اتخضيت كدة ليه، محاكمة الرئيس دي مش كلمة وحشة على فكرة، ممكن نحاكمه ويطلع بريء ( لو انت واحد مـ اللي عيطوا من خطابه ولا حاجة ) خليك معايا واحدة واحدة كدة، أي حد في الدنيا بيعمل شيء صالح بنكافئه ، ولو عمل شيء غير صالح بنعاقبه، أنا ماقدرش أعرف مبارك عمل ايه السنين دي كلها، الراجل بيحكم البلد من قبل ما ابويا يكتب على أمي، وماعرفتش أزوره في قصر الرياسة خالص الحقيقة ولا أتابع تنفيذ سياساته، أي نعم بعتله شوية جوابات كتير وأنا صغير بس مكانش بيرد عليا خالص، لكن اللى اعرفه إنه ما شاء الله عاصر وتعامل مع ناس كتير، يقدروا يتكلموا عنه أحسن مني ومنك، وهل هو عمل لصالح البلد فعلاً ولا لأ .. لو هو شايف إنه بريء ونضيف وفلوسه الـ 40 ولا 70 مليار دول - أيا كان الرقم - من عرق جبينه، - على أساس مثلاً إنه كان بيشتغل (فري لانسر) مع كل شركات العالم من ورانا (علشان العين وحشة) طول السنين دي من مقره السري بمقر الرئاسة - لو هو شايف إنه فلة شمعة منورة، نعمله محاكمة حلوة صغيرة كدة، وتستجوب شهود مـ اللى تعاملوا معاه مادياً من وزراء ورجال أعمال وأصحاب مصالح داخل مصر وخارجها وكل كائن تعامل مع هذا الباشمهندس وعائلته ، ولو المحكمة برأته وثبت بالدليل القاطع إنه بريء وعمره ما سرق ولا نهب ولا استغل سلطاته لا هو ولا عيلته في أموال المصريين، وإن الفلوس دي طلعت ورث من جوز عمته الله يرحمه، مستعد أروحله ومعايا الناس كلها نعتذرله ونقوله إحنا أسفييييييييين يا صلاااااااااح ! إن شا الله يحكمنا 15 فترة كمان .. ده من حيث المحاكمة المادية ..

من ناحية الإجرام اللى حصل في المظاهرات دي بقى ، وبغض النظر عن أي حوادث إجرام حصلت قبل كدة في عهده، فانا عاوز واحد بس يثبتلي إن مبارك مش مسئول عن الناس اللى ماتت دي .. واحد بس يقنعني بكده وأنا هاسكت علطول .. يعني لما عرف في الأيام الأولى إن في مئات من الشباب ماتت، كان ايه تصرفه ؟ هل ضرب العادلي على إيده مثلاً وقاله بالراحة شوية عـ العيال مش كدة؟ ولا قاله: ماهم مامشيوش اهو يا ابن الكلب، اقتلنا

حبة كمان خلينا نخلص مـ العيال دي. ولا خاصمه وبطل يكلمه .. ولا نيـّل ايه بالظبط ؟ ولا هو ماحدش قاله أساساً ؟

8 – إزاي نكرّم الرئيس ؟ سؤال طرحه العديد من مشجعي مبارك، وشردت فيه قليلاً، فكرت في ماتش اعتزال يلعب فبه ويجمعهم جميعاً ونحكم نحن عليه ونكون نحن متفرجينه أيضاً .. ولكني تذكرت ملايين مواضيع التعبير التي كتبتها عنه أنا وأجيال سبقتني وأجيال تلتني في مراحل التعليم المختلفة، ورسمه في حصص الرسم .. وصورته فوق كل سبورة وبكل مكتب عام، (وتلك من تفاصيل تأليه الحاكم التي تحدثنا عنها منذ قليل) تذكرت مشهده السنوي والسادات يقلّده وسام نجمة الشرف بعد حرب اكتوبر، تذكرت أوبريتات اكتوبر السنوية التي ظلت تمجده وتسبح بنضاله الشنيع المريع في حرب اكتوبر وتذكرنا به كل لحظة، ومشهده الخالد وهو يشرح لنا (دخلنا .. هجمنا على جميع وسائل الدفاع الجوي .. هجمنا على مطارات العدو الموجودة في سينا .. هجمنا على مراكز القيادة.. دمرنا 95 % بدون مبالغة ) .. في حد فيكو مش حافظ المشهد ده زي اسمه ؟ تذكرت اليافطات المعلّقة له في كل مكان في الجمهورية، والأماكن والمنشآت المسماة باسمه، بصراحة أنا مش عارف إزاى نكرمه أكتر من كدة (ده بيركب ببلاش)، مع بس ملاحظة صغيرة: إنه لما اتعين قائد للقوات الجوية ماتعينش عشان يوزع عـ العساكر بيبسي وكولا .. وكونه يموّت نفسه في الدفاع عن مصر ده مش أوبشن منفرد نزل في النسخة بتاعته هو بس وتميزه عن غيره، ماعتقدش في حد مـ اللى حاربوا في اكتوبر كان رايح يتسلّى، بل بالعكس، التأليه الفظيع لمبارك ودوره في اكتوبر ده دارى على ناس كتير جداً أكثر أهمية منه بكثير، ولو سألت ناس كتير عنها دلوقتي ولا هاتعرف عنها أي حاجة، أبسطهم اللى عرف إيه سر خط بارليف أصلا وإزاي يتخلصوا منه ويوقعوه ، وهو اللواء باقي زكي يوسف، وناس كتير زي الشاذلي والجمسي وغيرهم كتير مـ اللى ما أخدوش ربع تمن عشر التكريم والتظبيط اللى اتظبطه مبارك .. ده غير وجوده كصفحة أولى دائما في جميع الجرائد للحديث عن إنجازاته يومياً، ( الله يخرب بيتك أنت ورانا ورانا في كل حتة ؟ ) لدرجة إنه يتعمله صورة تعبيرية تجعله يقود أوباما والعالم للسلام .. انا بيتهيألي إنه اتكرم أكتر من فراعنة كتير حققوا انجازات عاشت لآلاف السنين .. فمعلش كفاية تكريم لحد كدة .. وكتر خيرنا قوي كدة .. مش عاوزين الراجل يتأنزح علينا ولا حاجة ..

9 – كيفية خروج الرئيس : بصوا بقى عشان النقطة دي وجعوا دماغنا بيها .. سواء يخرج من باب الخدامين، أو يتشقلب أو يمشي عـ الحيط، يحل مجلس الشعب الأول ولا يحل الواجب ولا يحله على روحه، انا مافهمش في القانون والدستور غير مادة واحدة، الأمة مصدر السلطات، والأمة كلها نزلت لأمه في الشارع وقالتله أطلع برة، دستور ومش دستور بقى دي تحلوها يا سلطات قضائية ويا سلطات تشريعية في أسرع وقت لأن الشعب اللي بيغلي ده واللى انفجر عن بكرة أبيه في وجه النظام، ماحدش ممكن يقف قصاد انفجاره التالي لو حصلت استفزازات أو مماطلات من الحكومة بأي شكل .. حوار بقى هيبته ومش هيبته فـ دي انسوا انها تحصل .. العالم كله شاف هو عمل فينا ايه .. الأطفال في أمريكا بيهتفوا ضده .. وبرة مفيش بقى حوار ابويا وخالتي والجو ده .. ولا مايعرفش ولا مخبيين عليه .. في حاجة اسمها رئيس وفي وزارة داخلية تحت سيطرة الرئيس المفروض تحمي الشعب مش تجري وراهم وتقتلهم زي ما كان الأمريكي القديم بيجري ورا الهنود الحمر ويذبح فيهم ويولّع في خيامهم .. مبارك أصبح بالنسبة للعالم كله مجرم .. ولو خلص الحوار على إننا قولناله خليها علينا المرة دي، واطلع يا عم خلاص مش عاوزين منك حاجة .. لو سامحناه على الفلوس اللى سرقها والذل والبهدلة، مش هانعرف نسامحه على دم اللى ماتوا .. ولو حصلت وخرج معزز مكرم وقعد في بيته، العالم كله هايتف علينا عن جدارة واستحقاق .. بعد ما العالم كله انبهر بينا ومش مصدق اللى حصل، مع العلم ان العالم المتحضر كله بعيدة عنه تماما أحداث العنف والقتل الغبي المتعمد اللى حصلت في المظاهرات عندنا ، لذلك هما شايفينا أبطال بشكل غير عادي لأننا صمدنا ومازلنا .. فياريت مانضيعش احترام العالم لينا اللى ما صدقنا حصلنا عليه - والأهم منه احترامنا لأنفسنا - بسبب حجج فارغة، وعواطف لا تسمن ولا تغني من جوع .. وأي حد يدافع عن الرئيس ويقولي كرامته ومناخيره وتاريخه، يكتبلي كدة إقرار بإنه يتحمل كمية الدم اللى سقطت على أرض مصر دي، وإنه مستعد هو اللى يتسأل عنها .. اتفقنا ؟

10 – عمر سليمان : ما أسخم من ستي إلا سيدي ..

لا يصلح سوى أن يكون الوجه الذي يرفعه لنا مبارك أثناء انشغاله بإكمال مسرحيته ، أو ذهابه لقضاء حاجته ..

11 – حرية عظماء مصر على أرضها: كل العظماء والعباقرة اللى النظام السابق كان بيكرشهم ويضيق عليهم ويتجاهلهم ويتجاهل أفكارهم للرقي بالبلد وإعلاء مستواها، هايرجعوا دلوقتي بكل شوقنا ليهم وحبنا ، وعلمهم ومقدرتهم على الإصلاح، زي فاروق الباز وزويل وعمرو خالد وكل الدعاة والعلماء والمصلحين وأسماء كتيرة جدا مش على بالي أو هاتظهر الأيام الجاية، واللى هاينوروا وش مصر أكتر إن شاء الله ..

12 – بقينا نعرف نغني أغاني وطنية بجد : أغاني مالهاش علاقة بالانتخابات ولا بالريس ولا بالكورة، أغاني ليها علاقة بمصر فعلا و بينا، بقينا عارفين علم مصر يعني ايه، بقينا عارفين نبص في وشوش بعض ونضحك ونحس بالفخر والعزة، عرفنا احنا مين كويس .. وبس .. ودي بالذات كنا محتاجين نعرفها قوي ونتمنى نفضل عارفينها علطول ..

13 – السادات قال في فيلم أيام السادات جملة لن أنساها : إذا أردت أن تحلم فاحلم بحذر .. لأن أحلامك ممكن تتحقق فعلا . دلوقتي احنا حلمنا في الحرية اتحقق ولسه هايتحقق أكتر إن شاء الله ، هل إحنا قد الحرية دي ؟ هل هنحافظ عليها وهناخد بالنا من بعضنا على أساسها ؟ هل معاملتنا هاتتغير لبعض وعطاءنا لبلدنا هايختلف فنقدر نعلى بيها بجد، بعد ما كسرنا عدة قيود من اللى كانت مكتفانا ؟ هل هانقدر نحافظ على حلمنا وثورتنا وماحدش يسرقها مننا ؟ هل هانعرف نوعِّي كل اللى مش فاهم ونخليه يصدق اللى حصل ويصدق قدرة مصر .. ويفهم معنى اللى حصل كويس ؟ ده اللى لازم ناخد بالنا منه قوي الفترة الجاية ..

وبس

يمكن تكون أطول حاجة كتبتها .. بس حبيت أسجل فيها كل آرائي بقدر الإمكان .. للتسجيل في حد ذاته .. ولكي أفرغ كل ما في عقلي من زخم .. ولأشارككم آرائي بنحو مكثف ..

نبوءات الساحرة السمراء

2011-01-22T21:35:00.005+02:00

نبوءات الساحرة السمراء

- - - - - - - - - - - - - - - - - - -

مبتدأ :

"هذا هو اسمُكْ .."

قالت ..

ولم تغـب في الممر اللولبيّ ،

كامرأة محمود !

وباحتفاء درويشيّ

لا يكذبْ ..

همست إلي أن :

اقتربْ !

وشرَعت في التجلّي ...

" بضع سنوات تتيهَ في الأرض

فلا تأسَى عليك امرأةٌ

بالنجم أنت مهتدٍ

تَراهُن يُومضون

ويَمضون

فتمضي إلى اللاشيء

حتى تهتدي بي

إليّ "

كغصنٍ شجرة عجوز ..

كان قوامها

هشة .. نحيلة ..

مشيها كالطيران برهاناً على

درويشيّـة التكوين

كعصفور بَنى عشه في الهواء

فيطير في سكونه وإن لم يطِر ..

جاءتني ..

في هالة من النور،

والتيه ..

ليُغنيني صمتها البليغ عن الصخب

فأستلذ بحديثها الذي أترقب

وأنتظر ..

" ولسوف تـُبتلى بحبهن

اللعنة ليست أن يكرهك النساء

فهذا عليك هيّن

بل هي أن تطوّح بين أهوائهن

حتى تلتقط بالكاد أنفاسك

فتكون أوهى من صدّهن

وأكثر تحليقاً من أن تستبقيك أرضٌ بها

فيرتدي لسانك الرفضَ

الذي يتأخر ..

فلا يكون مهذباً !

وتقترف النسيان الذي لا يُغتفر

لذا ستـُبتلى

وتـُبتلى

وبكل كتاب تـُلعن "

أَطَمَعٌ مني أن أسألكِ الفهم ؟

ماذا يدين رجلاً ..

لا يغفر ألّا تفهمه امرأته

ويغفر ما دون ذلك ؟

ماذا لو كنتُ صندوقاً بألف قفل

أهداكِ - دون سواكِ - كل مفاتحه ..

هل يُلام إن ظل مغلقاً على نفسه ؟

لو كنتِ أوهن من فتحه فلمَ تحاولين ؟

ماذا لو أُغلق على أناملك،

فأدماها ؟

فقط تسلِّلين إليه مزيداً من الظلمة ..

ومزيداً من الدماء !

والوجع

3 -

" يصيبك الملل العظيم

ملل من عاش ومات

وحوسب ونال جزاءَه

وعاد للدنيا يكرر ذات الأمر من جديد !

فتزهد حتى في الزهد !

سيزيف يلقى صخرته في وجه آلهته

ويقعد يتسلّى بمشاهدة محاولاتك الساذجة

لكتابة قصيدة تعلم أنك لن تتمها

تستجدي بها ألمك أن يهجرك

ويتخذ الحروف سُكنى "

أكره كل شيء يربطني إلى شيء

يمرضني كل ما هو منظم ..

ولا أتعافى من عشوائيتي

هل رأيتيني مرة مرتدياً ساعةً ؟

أو جئتك مرة في ميعادي ؟

حتى حزامي ، ما كنت أتركه يلفني

لولا أنه يقوم بما ..

تعجز عنه نحافتي !

أحس بلامنطقية الأشياء

من يملك أن يؤكد

أن المنطق منطقيٌ ؟

" ستقاسي الغياب تلو الغياب

ولا تستطيع نبوءتي أن تغير شيئاً

فالوحدة مرضك

ودوائك

والناس لا يحملون إليك من البهجة

بقدر ما يحملون إليك من الوجع

تلمح في أعينهم :

ما أنت إلا بشر مثلنا

وتظل تأمل أن تقنعهم ..

بأنك نبيّ !

فيكفرون بك

وتستمر ملحمة الغياب "

ولي سيدتي في كل خطوة أخطوها ألم

فشل الطبيب حين أراد أن يخلصني من وجعي

أن يستخلصه كله ..

ترك بعضه معي ليصاحبني

وأصاحبه

ويكبر معي

نلقي على بعضنا البعض التحية في الصباح

وفي المساء .. ينام بجواري

وقد يذهب معي إلى السينما ..

ويتباهى بي أمام حبيبتي التي خبأت عنها سره

أحيانا يشتد بنا الخلاف

وأحاول طرده بأن أقتلني

فيحميني من ذاتي

بأن يوجعني أكثر

لأرتضي الوجع الأقل

وأرجع عما أنتوي.

اعتدت أن أمشي على أوجاعي حتى ..

أكلت الأرض من قدميّ

أيعقل إذاً أن أسرف في الوجع

سيدتي ..

حين عني ترحلين ؟

" وستهوى سمراء ..

وما يدريك ما عشق السمراء !

عشق لم تتنسمه سماءك من قبل

ولم يسكن أرضك

سمراء يحوي عقلها السموات السبع

والأرض ..

فتأملُ أن تلج إليها من إحدى عينيها الواسعتين

لتصبح جزءً من عالمها الأزرق كلون حلمك

لديها شغفك الطفولي بالطيران

ومثلك ترجو أن يتعطل معها قانون الجاذبية

لدقائق

فقط لدقائق

كافية لأن تنسج أغنية من بضع سحابات بيضاء

وبعض الفساتين لإبنتها المستقبلية "

كيف أصير يوماً ما أريد

وأنا لا أدري ما أريد ؟

لا أشغل نفسي بانتظار شيءٍ

ولا أترقب تحقق أمانيّ من عدمه

لا أحس بمضيّ التواريخ

ولا خفة ذاكرتي التي لا تحتفظ بشيء

فقط يشغلني القدر الهائل من السخرية

الكامن في كل شيء حولي ..

فقط أفكر في كل المستحيلات الممكنة الحدوث ...

أفكر مثلاً في فرصة أن أستقل قطاراً

وأنا أقرأ كتاباً عادياً جدا ..

ليس من أكثر الكتب مبيعاً، ولا لكاتب مشهور

فيصادف أن فتاة جميلة تجلس بالمقعد المجاور

تقرأ نفس الكتاب !

فننظر لبعضنا البعض ونبتسم

دون كلام ! ..

" في رأس العام .. يموت عزيزٌ عليك

لم تتخيل يوماً فقده

لم تضمه مرةً إليك بقدر ما تحبه

بحجة أن المشاعر يمكن أن تؤجل !

ولذا تصيبك بدايات الأشياء ونهاياتها دوماً ..

بالاكتئاب "

ماذا لو كان الضياع فيكِ أحلى من التحقق دونك ؟

ماذا لو صرتُ لاشيء ،

لا شيء يدرك مروره كالطيف بعالمك

فيصير شيئاً من جديد .. ؟

ماذا لو استطعت أن أجعل منك أنا أخرى

فأضمن أن لا أوجع حين أوجع

إلا أنا ؟

" ستموت صغيراً

وأنت تجاهد أن تستبقي آخر قطرة فن لديك ..

ولا تفزعك الرؤيا بقدر ما يفزعك الانتظار

ويؤرقك السؤال:

متى؟ "

ليس السؤال متى .. ولا لماذا ..

ولكن كيف ؟

كيف تنساب حروف اسمي الأربع إلى أعلى

لتتجمع بين يديّ خالقها

هل ستذهب كاملة ؟

هل سأفقد نقطتي حرف التاء ؟

هل سأدرك ما أنا ..

ومكاني من الأنا ؟

أتشاغل بأن أفعل كل ما وجدتني أفعله

وأكثر ..

و أبرر لنفسي ألا ضرر في أن أبقى وحيداً

وقد ظللت وحدي كل هذه الأعوام

دون أن أتركني

ولم يبق لي إلا أنا

ولم يصغِ إليً سواي ..

منتهى :

هذا هو اسمُكِ

ترينه وإن عجزتُ عن البوح

وأنت ببعض منك تعرفين ..

من تملك كل أسباب غيابي عني

ورحيلي إليّ

كنت أحلم أنك أقوى

وأعلم هشاشتك .. كخاطرة .. كغمامة بيضاء

أخشى ألا تعرفين كيف تتسلقين خواطري إلى عقلي الطفل

أو ألا أستطيع أن أمسك بيدك حين تزل قدمك

على قمة جبلي الأزرق ..

ولكني سأجتهد .

كتبت في الفترة من 12/2010 إلى 1/2011

يلفـُّـنـا السـواد

2011-01-04T12:00:00.005+02:00

يلفـُّـنـا السـواد

مبدئيا أحب أن أخلع عني رداء فاهم الأمور، ومحلل الأحداث، وقاريء الكف، الرداء الذي يحب أن يرتديه الكثيرون في مثل هذه المناسبات، وأؤكد أنني لا أفهم شيئاً على الإطلاق مما يحدث، وكل ما سأقوله الآن لن يفيدك بأي شيء، ولكنه مجرد توثيق لأفكاري، لكي أقرأها بعد سنوات – لو كان لي عمر ولم أنفجر – وأقول: يااااه ، مانا كنت فاهم أهو .. أو: ياااااااه ، ده انا كنت عبيط قوي ..

البداية يعلمها الجميع : أن الله الذي خلقنا، أعطانا حرية الإيمان به من عدمه ، ونحن نرفض أن نعطي لبعضنا البعض أية حرية من أي نوع ! كيف تجرؤ على ألا تؤمن بما أؤمن به ؟ هل أنت أذكى مني ؟ بالتأكيد لا .. لابد أنك أكثر غباءً وضيق أفق بكثير لتفعل شيئاً لا أفعله .. لتشجع نادياً لا أشجعه .. لتعتنق فكرا سياسيا لا أسير عليه .. أو حتى لو أعجبت بفنان لا أعجب به، لابد أن أسخر منك ومما تؤمن به وأحقر من شأنه ، وأؤكد لك في كل لحظة مدى الهوة السحيقة التي تقع فيها ومدى سذاجتك وتفاهة ما تؤمن به ... لماذا ؟ فقط لأنه ليس ما أؤمن به .. فقط لأنك لست أنا .. والأدهى أنني لا أقبل منك أن تعاملني بالمثل لأنني لا أضع نفسي أبدا مكانك .. ولِمَ أضع نفسي مكانك طالما أن مكاني هو الصحيح ؟ ولو وجدتك متفقاً معي – مصادفة – فسنبحث عن آخر يختلف عنا ونعامله بتلك الطريقة سوياً !

لن أتكلم عن الحادثة ذاتها لأني أراها ليست هي القضية ، نعم ليست هي القضية ، الإرهاب موجود في كل أنحاء العالم ولابد من قنبلة تنفجر هنا أو هناك من حين لآخر ، وفي كل مكان هناك من يجهز قنبلة ما ليفجرها في مكان ما، لغرض أو لآخر، أنا نفسي لو لم أكن أعمل شيئاً ما في حياتي لاشتركت بأول منظمة إرهابية أمر بها في هذا الزمن المُحبط العبثيّ إلى أقٌصى حد، أما القضية فهي أنه أصبح من الممكن غرز أية مفاهيم في عقل أي شخص في لحظات، فلا يفرق بين يمينٍ ويسار، ولا بين أوامر الله الواضحة الصريحة، وبين تفسيرات وتأويلات المفسرين لها، والذين يفسرونها كما يرتضون هم، دون أن يفكروا ولو للحظة في الأخذ بأكثر من رأي .. فالرأي الأوحد أسهل دائماً، ويرضي ويشبع تلك المساحة الصغيرة جداً، الضيقة جداً المخصصة لتشغيل المخ في عقولنا، والتي لم يتبقى غيرها، بعد أن أكل الجهلُ أمخاخنا وأكلتها نتائج المباريات، وحركة دوران المدربين واللاعبين بالأندية المختلفة، ومن هن (الفنانات) اللاتي يرتدين (من غير هدوم) هذا العام، وآخر صيحة في (وصلات الردح) بين أطياف المجتمع المختلفة من فنانين وسياسيين ومن يطلق عليهم رجال دين، وغير هذا كثير .. فلا يتبقى بعد كل هذا الشغل الشاغل والجهد الجهيد، إلا مساحة ضيقة جدا من الرؤية لا تصلح أبدا لاحتواء أكثر من رأي ..

الحادثة ما هي إلا اختبار قاسٍ لمشاعر المسلمين والمسيحيين تجاه بعضهما البعض، مئات الناس يموتون سنويا، جراء الإهمال الحكومي، وليس عنا ببعيد حريق قصر ثقافة بني سويف وقطار الصعيد وصخرة الدويقة وغرق إحدى (العبارات اللي بيغرقوا) عبارة السلام .. وقد اختبرتنا حكومتنا الجميلة في هذا كثيرا ونحن ننجح في الاختبار دائماً، نغير صور بروفايلاتنا ونثور قليلاً وسرعان ما ننسى الأمر، ونعتاده، حتى أصبحت فكرة أن يموت (المصريون) هباءً ولا نستطيع أن نأخذ حقهم، ولا حتى إصلاح ما تسبب في إزهاق أرواحهم، أصبحت تقليدية جدا ومكررة جدا حد السخافة، وأعتقد أنه لو مرت فترة دون أن تحدث مصيبة ما في البلد فسنشعر بخلل شديد.. وفكرة أن الأمن لا يحمي سوى النظام، وليس لديه الوقت ليقوم بحماية الناس على الإطلاق أصبحت مفهومة ومستساغة وأغلب الناس قد اقتنعوا بها، كما أنها ليست الحادثة الأولى التي تحمل صبغة الاحتقان الطائفي ولن تكون الأخيرة، طالما ظل أمننا مشغولاً بألا يقترب أي كائنٍ كان من الدائرة المحيطة بالنظام فحسب .. باختصار تقطعت كل أواصر الثقة بين الشعب والحكومة منذ زمن، ولكن الجديد هذه المرة والذي أصبح ملموساً تماما هو قطع أواصر الثقة والأمان بين الشعب والشعب ..!

وهنا نعود لقضيتنا الأساسية وهي إمكانية غرز أية مفاهيم في عقل أي شخص في لحظات،: ما مدى تقبلك لشريكك في هذا الوطن ؟ ما مدى ثقتك فيه وفي أنه يحبك وحريص عليك ؟ ما مدى تقبلك لوجوده بجوارك يمارس حياته وحقوقه بشكل طبيعي تماما، لا يقل عنك ولا يزيد ؟ ما مدى ثقتك في أبناء دينك أنت وأنهم معتدلون ولم يصل أحدهم إلى التطرف ؟ هل ثمة عداوة بين أحدكما وبين الآخر ؟ هل انتزع أحدكما حقاً من حقوق الآخر ؟ حاول أن تجيب عن تلك الأسئلة مرة أخرى واضعاً نفسك مكان الآخر .. لو استطعت أن تجد إجابة معتدلة منطقية على كل هذه الأسئلة ولا يستطيع أحد أن يشكك بشأنها لديك، فأهلا بك في أرض وطن قابل لأن يقاوم مشاكله ولا يغرق، وإن لم تجد، أو كان من السهل أن يشكك أحدهم بشأنها لديك، فأهلا بك في قاع المحيط، ودَع العالم يعيش على جثتك، وافرح بضياعكما سوياً ..

سيدي المؤمن بوجود الإله، المؤمن بالحق والخير والفضيلة، المؤمن بأن الإنسان بكل أطيافه وعقائده هو وحده خليفة الله في الأرض ، وأن الله خلقنا أمماً وشعوبا لنتعارف على بعضنا البعض، وأن أكرمنا عند الله أتقانا، أكثرنا حرصا على تنفيذ أوامر الله، وحرصاً على بقاء الخير في الإنسانية وتعمير الأرض، لا تبحث عن ما يميزك عن الآخر، اكتفِ بالبحث عما تشتركان فيه سوياً، إن ما يميزك عن الآخر هو اختيارك لما أنت عليه، وهذا يكفي، لا تحتاج أن تظهر العيوب أو الأخطاء في الآخر، يكفي تماما أنك اخترت موقفك واخترت أن تكون ما أنت عليه، لا تحتاج أن تتحدث عن أنهم كافرون، والبحث في دلائل كفرهم، فهم يمكنهم أن يفعلوا معك المثل، فتصبحون في دائرة مغلقة، ولو تخيلت نفسك الأقلية في بلد أغلب من يسكنها من ديانة أخرى، ستدرك أهمية ألا يشغلك سوى ما تشترك فيه مع الناس وليس نواقصهم لديك، فصدقني الخيط الفاصل بينك وبينهم واهٍ جداً، ستثور عليّ وتحتد وتقول إنهم يقولون على الله كذا وكذا، فأقول لك: هل الله رفضهم؟ هل طلب منك أن تأخذ له حقه مثلا؟ لابد أنك تعلم أنه لو آمن من في الأرض كلهم جميعا لن يزيد ذلك في ملك الله شيئا ولو كفر من في الأرض كلهم جميعا لن ينقص ذلك من ملك الله شيئاً .. ولابد تعلم قصة عابد النار الذي مر ببيت سيدنا إبراهيم فطرده إبراهيم عندما رآه يسجد للنار، فأوحى إليه ربه: "أنا أحتمله كل هذه السنين وأنت ترفض أن تحتمله هذه الدقائق؟" أنا لا أطالبك بأن تغض البصر عن ما ترفضه في ديانات الآخرين، بل أطالبك باحترامها، أطالبك باحترام أهمية الصليب بالنسبة إليهم لو كنت مسلماً، واحترام كنائسهم وصلواتهم، وكل ما يقدسونه، احترمه ولا تسخر منه، فبدون هذا تعطي لهم الحق في السخرية من مقدساتك بالتبعية، حتى إن كنت أنا وأنت نعلم أن رؤيتهم ليست كرؤيتنا، ما مشكلتك في هذا؟ أنت رفضت رؤيتهم تلك واخترت الإسلام دينا، ويكفي هذا الموقف منك، لا تحتاج دليل أكبر لكي تعترض على ما في دينهم! ولكن فقط ضع نفسك مكانهم، أو تخيل نفسك في بلد مسيحية أوروبية، وسخر أحدهم من سجادة صلاتك أو أذكارك أو أي شيء تقدسه، ماذا سيكون رد فعلك؟ هل سيدفعك هذا إلى تغيير ديانتك مثلا؟ أم ستزداد تمسكا بها وغضباً ممن سخر منك؟

أنا لا أستطيع أن أطالب الأمن بحمايتنا، فأنا أشفق عليه بعد ما حدث أن يحمي نملة، خاصة وأن لنا باع طويل معهم في (تكبير مخهم مننا) .. وأخشى أن الحادثة التي نفذت بمنتهى السهولة وبعد تهديدات واضحة وصريحة ردت عليها الحكومة بأنه (عاوزين راجل بس ييجي هنا واحنا هانطلع عين أمه) فطلع عين أمنا احنا كالعادة، أخشى أنها ستغري كل طفل يلهو بالكبريت أن يأتي لبلد الأمن والأمان ليلهو قليلاً فالأمر أصبح سهلاً ومسلياً، ومشعلوا الحرائق جاهزون دائماً يجهزون لنا جحيما مستعراً .. ولولا ستر ربنا لكنا احترقنا منذ زمن، ولكني أستطيع أن اطالبك أنت أيها المواطن بأشياء بسيطة جداً جداً تفعلها، تمنع تماماً أية فتنة يمكن أن تحدث، أطالبك أن تهنئهم في أعيادهم وتزورهم وهم مرضى وتصاحبهم، أحبهم واجعلهم يحبونك، لا تضع حدا فاصلا بينك وبينهم أبدا، فلا يفصل بينكما سوى علاقة كل منكما بربه والتي لا يحق لأحد التدخل بها، ولو أزلت تلك الفروق بينك وبين الآخر لوجدت أنكما لا تختلفان في شيء .. وكما قَبَلَكما الله معاً وقَبَلَ غيركما كثيرين، يسهل عليكما أن تقبلا بعضكما البعض ..

القضية أننا شعب واحد شئنا أم أبينا، وبدون شعارات فارغة وادعاءات تغيب عنها الحقيقة نحن واحد، لن تصحو يوماً لتجد نفسك أنت ومن يدينون بدينك وحدكم في هذه البلد ! ولا تفرق عصا الأمن المركزي بين قفا أحدنا وقفا آخر في المظاهرات، ولا تكف دعاية الحزب الوطني عن إقناعنا بأن أولادنا (هانطمن على مستقبلهم) .. ومعاً معرضون لأكياس الدم الملوثة، والماء والهواء الملوثين، ومعاً نعاني من ارتفاع سعر الطماطم والسكر، إلخ إلخ .. الخلاصة إن فكرة كوننا شعب واحد ونعاني من نفس المشاكل فكرة بديهية لا تحتاج أن يدلّل عليها، ولكن المشكلة هو كل ما يقال إثر حادثة كهذه وما يتم تداوله بين الناس بسببها، تخيل فقط الأطفال الذين خرجوا من الكنيسة تحفهم مظاهر الاحتفال والفرحة، ليفاجئوا بهذا الانفجار وهذه المشاهد التي شاهدناها بأعينهم، ويفقدوا الأب أو الأخ أو الأم .. ثم يكبروا قليلا ليجدونك لا تهنئهم في أعيادهم، وتتجنبهم، وتخبر أولادك ألا يصاحبوهم في المدرسة، وتسخر من صلبانهم، ولا تحاول أن تقترب منهم بأي شكل أو بآخر، حاول أن تقنعهم في تلك اللحظة إذاً يا فالح بأن من قام بتلك الحادثة ليس مسلماً وأنه من المؤكد (كخة) من خارج البلاد.. وأن المسلم فلة شمعة منورة لا يفعل تلك الأشياء .. كيف ستقنعها وهي التي لم تر منك حسناً من قبل ؟ لو كانت ترى منك حسناً كانت ستصدقك أصلا دون أن تتكلم ..

تعلمنا من قبل أن الإعلام يستطيع أن يهدم في خطوة واحدة كل ما بناه التعليم في سنوات، ولنا في موقعة الجزائر خير دليل، ولا أقصد بالإعلام هنا الفضائيات فحسب، بل أقصد الكلمة المسموعة بوجه عام، الكلمة المسموعة ذات التأثير التي يتناقلها الناس فيحلون بها مشكلة في لحظات، أو يخربون بها العالم في لحظات أيضاً، الكلمة المسموعة التي تجعل ممثلا مثل عادل إمام يخرج في إحدى الإعلانات ويتقاضى مبلغاً مهولاً نظير أن يتحدث في ثوان عن أن: (كلنا واحد وإننا جامدين وحلوين وكل ما نتكلم أكتر في التليفون كل ما هانبقى أقوى وأحلى وتبقى شبكة الاتصالات دي رقم واحد) !.. بضعة كلمات كهذه كفيلة بأن تشعر بالفخر لانتمائك لهذه الشركة، وتسرع للاتصال بأحدهم تبثه أشواقك وحبك فوراً ! الكلمة المسموعة التي أسعى لها هنا والتي أرى أنها وحدها ستصلح ما أفسدناه على مدى سنين من الزيف والتخفي وراء شعارات غير حقيقية، هي الحب، إذا استطعت أن تحب صاحب الديانة الأخرى وتجعله يحبك، ستحل المشكلة، سيحدث انفجار واثنان وعشرة دون أن يهز هذا شعرة لديك أو لديه، فأنت تعلم أنك تحبهم وتعلم أنهم يحبونك، لن تصدق أبدا أن من يفعلها منهم، ولا منك .. فقنبلة الفتنة الطائفية لا تتفجر مرة واحدة، وإلا لانتهت مصر منذ زمن، بل هي تلسع ببطء، وتحرق، وتجرح، حتى لا يستطيع المصاب شيئاً سوى الانفجار في النهاية، والذي سيكون انفجارا أقوى بكثير جداً من كل ما فجرته هذه القنبلة .. أرجو ألا يحدث أبداً، وإن حدث فأتمنى أن أكون أول من يموت فيه، لأني لست مستعداً لأرى تبعات هذا الانفجار في حياتي أبدا ...

لولا ماشاهدته حين ذهبت في اليوم التالي من الحادثة لأتبرع بالدم من تهافت الناس على التبرع وسرعة توفير كمية الدم المطلوبة بزيادة في ساعات، لكان قد أصابني اكتئاب شديد لجم لساني، ومنعنى من الكلام، ولكن ما زال لدي أمل في أننا نستطيع أن نقلل من أصوات الجهلاء، ونستطيع أن نلمّ شتاتنا من جديد، بالكثير من المجهود، والكثير من الحب الحقيقي غير الزائف، المقتنع بحق الناس جميعا في الحياة سوياً، وأن الله وحده يملك حق التفريق بين كل واحد وآخر، وأنه ليس السبيل لتكون أفضل أن تعيب في الآخر، بل أن تكون الأفضل في ذاتك، فحسب ..

عاوزة تبقى بطلة فيلمي ؟

2010-11-30T06:34:00.000+02:00

عاوزة تبقى بطلة فيلمي ؟

قاريها في عينيكي ..

نفسِك تكوني حكايتي وغنوتي

وفرحتي وهمّي ..

وابقى ليكي ..

طب اسمحيلي أقولك .... بلاش

أصل الفيلم مايسواش ..

وان كان لوشوش الناس مرايات

فبعض الوشوش مالهاش ..

أيوة

أنا أصلي وِشوش

مش وش ..

ماقصدش إني بغش !

ولا كل شوية بغير وش

لكني أما لقيتني

لقيتني كتير

مجنون ورزين ..

منتشي

ومكلكع وبسيط

وأهبل

وعبيط

وشوية مكركب مشغول

وشوية بانِشّ

وأبات كائن موجود

أصبح ألاقيني

محدش

هل من مراية بقى

تساع كل دول ؟

هه هه

مش معقول ..

دايماً بخاف من باب مقفول

ألاقيه في الآخر

فيعكر خوفي خطوتي

واتكعبل

واتبهدل

وأقع في النص

مقتول

عارف .. هاتقولي انك غير ..

وبلمسة بإيدك

هانسى

ولقلبي التايه عندك مرسى

هأأو

وداني سمعتها كتير

وفي لحظة ما القلب يكن ويتهد ويهدى

مليون فكرة ورعشة تخليه يطير

وأطير

سواء برضايا

أو من غير

مش محتاجة تحاصريني شمال ويمين ..

ده أنا غلبان

هاحبك في كلمتين

بس .. وبعدين ؟

ياما قبلك خطّوا في قلبي

بس ماكملوش خطوتين

لا عارف بيخشوه ازاي

ولا بيتوهوا فين !

لكنهم مش بيفارقوه

إلا لما يقشطوه

حتى صبح المسكين ..

مجرد ضالّ

من الضالين

آه قلبي براح

لكن ..

بيضيق

علّي قلوبهم مش بتليق

على كونه مجنون ..

مسجون ، وطليق ..

بألف حالة وحال

يصبح على شيء وينام على شيء

اشمعنى قلبك يعني اللي يطيق ..

كل اللى قبلك ماحتملوش ؟

وفاتوه غريق !

لأ مش هاكتب عنك !

2010-11-01T05:11:00.001+02:00

لأ مش هاكتب عنك !

ماتحاوليش

أنا حالف ما اكتب عنك تاني

شايفك بتلفي وبتدوري

وبتلبسي في وشوش الناس

وصوتك يتخبى في صوتهم :

راح يكتب ايه عني جديد ؟

لأ مش هاكتب

يمكن عاوز احكيلك

يمكن خايف

بس خلاص

اتعودت ودانك تسمعني

حتى ولو ماسمعتش رد

حتى ولو ماتكلمتش

سكوتي بينده اسمك

لكن برضه مانيش حاكي

عارفة ؟

الصبح صحيت مالقيتش النت

فتحت جهازي واتفرجت على فورست جامب

اول مرة اشوفه ومعرفش أعيط

فاكرة جامب لما تحصله مشكلة

كان دايما بيجري

كان غبي

كان طفل

بس جيني كانت دايما بتعرف تحتويه

كانت بتفهمه

بس مقدرتش تعيش معاه

مين يقدر يستحمل راجل طفل ؟

حتى لما كان بيرجعلها كل مرة

احسن .. وأشهر .. وأكبر

وبيحبها أكتر

برضه مكنتش بتعرف تفضل معاه

تفتكري ليه ؟

يمكن ....

وانتى مالك ؟

انا بحكيلك ليه ؟

لأ .. انا بكلم نفسي

ملكيش فيه

عيل مش عيل ..

فاهماه مش فاهماه ..

رأيك مايهمش

أنا عارف إنك بتضحكي دلوقتي

وعارفة اني بمثل

انتى وحشتيني قوي

لكن لو شوفتك

هاصرخ في وشك

وممكن اقتلك !

أو هاعمل ماعرفكيش

أما بعد

لما لقيت النت مجاش

قومت أقعد مع نفسي شوية

مالقتنيش

أول مرة اجي اقعد معايا مالقانيش

قعدت ادور عليا

في كتبي

في ادراجي

في اوراقي

في مزيكتي

وسعي كدة ..

انتى بتدوري على ايه ؟

بتساعديني ؟

انتى آخر حد ممكن يلاقيني

مكانش يصح أبداً أسيبك جوه

في حاجات كتير بوظتيها

لكن برضه مش هاقولك

ولا هاحكي لحد

مانا حالف ماكتب عنك تاني

ومش هاكتب

مش هاكتب

اللّباد : أن تختار الألوان التي يرسمك بها العالم ، وترسمه بها ..

2010-10-05T04:15:00.009+02:00

اللباد : أن تختار الألوان التي يرسمك بها العالم ، وترسمه بها ..
. . . . . . .
تحقيق لي عن الفنان الكبير محيى الدين اللباد بمجلة الثقافة الجديدة أكتوبر / 2010
مع تصميمي للغلاف الخلفي للكتاب الذي يتحدث عنه وعن أعماله :

أتمنى أن يعجبكم :

.
.
.

الغلاف الأمامي: يحتوي لوحة أبو زيد الهلالي
للفنان محيى الدين اللباد

الأولى

الثانية

الثالثة

الرابعة

الغلاف الخلفي : تصميمي

رحمة الله على الفنان الكبير محيي الدين اللباد

2010-09-09T18:08:00.003+02:00

.
.
.
.

اللباد الكبير
صانع الكتب
بحبك
وكان نفسي في يوم أقابلك ..
الله يرحمك !!

.
.
.
.
.
وهذا تحقيق صغير عن الفنان العملاق
به بعض الشهادات عنه من الوسط الأدبي
في عدد الأخبار الصادر يوم الخميس 9/9/2010

سألتمسك في فنك الغالي الذي تركته لنا
وأسأل الله أن يرحمك ويدخلك الجنة
ويبارك لنا في فنك ..

4 صور ضربشمسوية + تصميم مصري يومي

2010-07-21T12:53:00.005+03:00

4 صور ضربشمسوية
+
تصميم مصري يومي

:)

ملحمة ضربة شمس2 + حتة المصري اليوم1

2010-06-30T10:23:00.009+03:00

ملحمة ضربة شمس*2 + حتة المصري اليوم*1

من غير كلام كتير
الوليمة النهاردة شهية
ليا ولأصحابي اللى بحبهم
وكلكم تقدروا تشاركو

بس اقروا التفاصيل
عييييشوا
:)

فترة حضانة ميكروب الوحدة

2010-06-19T14:50:00.003+03:00

فترة حضانة ميكروب الوحدة

عارفة ذبابة مايو ؟

ده نوع من الذباب متوسط عمره - حسب معلوماتي القابلة للتصحيح من أي خبير حشرات في الأرجاء - 36 ساعة تقريبا وربما أقل ..

تفتكري ده بيعيش ليه ؟

لا لا مش هو ده السؤال .. السؤال الأهم: لو تخيلنا انك ذبابة مايو برضه - أو أي حشرة محترمة أخرى - وبعد ما ذكر الذبابة المايو كبر وبلغ أشده وشد حيله .. يعني اسم الله على مقامك قفّل واحد وعشرين ساعة كدة بالصلاة عـ النبي .. وجه قالك انه بيحبك .. ونفسه يعيش معاكي بقية عمره ، وتهفّـوا مع بعض في الشوارع ، وترزلوا على وشوش الناس .. روحتي انتى ايه .. قولتيله: معلش مش هاعرف دلوقتي .. ممكن نخليها بكرة !!

عارفة ذبابة مايو ؟

ده نوع من الذباب متوسط عمره - حسب معلوماتي القابلة للتصحيح من أي خبير حشرات في الأرجاء - 36 ساعة تقريبا وربما أقل ..

تفتكري ده بيعيش ليه ؟

لا لا مش هو ده السؤال .. السؤال الأهم: لو تخيلنا انك ذبابة مايو برضه - أو أي حشرة محترمة أخرى - وبعد ما ذكر الذبابة المايو كبر وبلغ أشده وشد حيله .. يعني اسم الله على مقامك قفّل واحد وعشرين ساعة كدة بالصلاة عـ النبي .. وجه قالك انه بيحبك .. ونفسه يعيش معاكي بقية عمره ، وتهفّـوا مع بعض في الشوارع ، وترزلوا على وشوش الناس .. روحتي انتى ايه .. قولتيله: معلش مش هاعرف دلوقتي .. ممكن نخليها بكرة !!

36 ساعة - 21 ساعة - 24 ساعة = *@%$#&)*#!@#$*@ !!

تفتكري قد ايه ممكن ذبابة مايو يرد عليكي رد مش كويس في هذه الحالة ، وكمية الكلام البذيء اللى هايطرب آذانك ( أو قرون استشعارك) بيه ؟؟

ده بالظبط اللى بيبقى على لساني لما بتقوليلي أصبر .. أصبر على البعد والحرمان اللى احنا فيهم ، على أساس إن بكرة هتروق وتحلى .. وان كل ده هايعدي ويتنسى .. باستنكر كلامك جدا ساعتها لأن الحاجات دي مافيهاش صبر .. بتموت مع الوقت .. وسهل جدا تموت مع البعد .. مع الهجر .. مع الحرمان من التواجد .. ومن الحرية .. بتضعف مناعتها جدا وبتبقى معرضة للموت مع أول نزلة (دفء) جديد ..

ولما بتزيد حالة الاحتياج الذي لا يلبّى دي عن الحد ..
يصبح البني آدم مننا في بيئة صالحة تماما للإصابة بميكروب الوحدة ..

وده أخطر ما في الأمر .. لأنه بيتغلغل في خلايا الواحد .. بيخليه يتعود يحلم من غيرك .. يفكر .. يتكلم .. يشتغل ...... يعمل كل حاجة من غيرك .. مـ الآخر بيتعود مايطلبش لأن طلباته لا تلبى .. بيتعود مايحتاجش .. مايفكرش في حد تاني يكمله .. هو لوحده بيعمل كل حاجة .. مكتفي بذاته تماماً ..

صدقيني أنا مش بلومك .. بس مش لازم زي الأغنيات كل قصة يكون فيها واحد ظالم والتاني مظلوم .. ممكن جدا الاتنين يكونوا ظالمين .. أو مظلومين .. عادي جدا .. وبالنسبة لي مايفرقش كتير تصنيف دوري هايكون ايه في آخر الحدوتة .. اللي يهمني اني ارتاح .. لأني بجد تعبت .. ومش قادر ابقى بطل فيلمك .. فيلمك يناسبه واحد كلاسيكي أو اعتيادي اكتر مني بمراحل .. يناسب اتنين زي روميو وجولييت مثلا (اللى ماتوا منتحرين في الآخر) وانا ماليش مزاج انتحر الحقيقة ..

انشغلت فترة طويلة في منع المخلوقات الفضائية من الولوج إلى مجال غلافي الجوي .. كنت محصن تماما ضد أي محاولات .. لأني معتمد على إنك في ضهري .. وبصيت ورايا لقيتك بعيدة .. بعييييييدة قوي .. اضعف بكتير من اني اتسند عليكي .. الدعابة في الموضوع بقى اني المفروض (لأني الراجل) أنا اللى يتم الاستناد إليه .. هأأو ..

كدبة كبيرة قوي ان الاحتياج يقسم لمذكر ومؤنث .. الاحتياج واحد وتلبيته بتكون بطريقة واحدة بس .. غير كدة مش هايبقى قدامه حل غير انه ينتهي ..

عارفة انا ايه ؟

انا طيارة ورق بتطير من غير خيط .. ولو كان لزاما عليها تتربط بخيط فلابد يكون من فوق .. اللي ماسكه مركزه في السما مش على الأرض .. إزاى بقى تتجرأي وتطلبي تمسكي طرف الخيط وانتى حتى مش قادرة تقفي على الأرض ؟؟

ولأني تعبت من كل محاولات هروبي من تلك المأساة المهيمنة .. قررت المرة دي انى ماهربش .. انى ماعملش حاجة خالص .. مامسحش نمرتك وايميلك زي مابعمل كل مرة .. وارجع ارجعهم تاني مع أول محاولة صلح بارعة تقومي بيها .. مازعقش ومانفعلش واتنططلك في التليفون واشتكي .... الخ الخ من طفولتي المتأخرة ..
كل ده كانت مجرد أعراض مقاومة عيالي للميكروب .. ميكانيزم دفاع فاشلة ..

حتى الكلام ده مش هاكتبه .. انا سبته يتكتب لوحده تماماً ..

هاسيب الميكروب ياخد راحته ويخلص فترة الحضانة بتاعته .. واترك المرض يظهر ويسيطر على الأوضاع في سلطة مطلقة بكل أعراضه المحببة .. الاعتصام بالذات .. الإيواء إلى جبل يعصمني من الخوف .. الطيران بحرية .. وأثق أني قريبا جدا سأستيقظ من نومي وانا أقول: "إيه أم الزهق اللى كنت مزهقه لنفسي ده ؟"
وسأنتظر (كنت) هذه بمنتهى الشغف ..

وبس ..

أن تمتحن في مادة ماتعرفش في أمها كلمة ..

2010-06-12T02:04:00.001+03:00

أن تمتحن في مادة ماتعرفش في أمها كلمة ..

ايه الحكاية : " مجرد ثرثرة فارغة لا أنصحك بقرائتها " ...

أن تمتحن في مادة ماتعرفش في أمها كلمة

كيف تبدأ الليلة من هذا الطراز ؟؟ لابد ان لديكم خبرة نضيفة في هذا المجال وستسهلون عليّا الشرح ، ففتحوا مخكوا معايا بقى وركزوا عشان هحاول ماطوّلش واجيب مـ الآخر .. أو هاطول وأجيب مـ الأول ، انا حر ..
إذا كنت طالبا نجيبا مثلي لا تحضر ولو قليلا في الكلية ولم تدرك أسامي المواد إلا منذ ساعات ، وتعتمد على أهداف الوقت الضايع فيكون البروجرام بتاع حفلة اليوم الواحد كالتاتي:

تبدأ الليلة من دول - بالصلاة عـ النبي - بالكثير من النفخ والتنطيط والقفز من حيز المذاكرة إلى المطبخ والبلكونة والحمام والتلفون (لا سيّما بعض التلافزيون) عدة مرات على سبيل (اعمل بس أو أشوف بس البتاع ده وأرجع أكمل) .. وطبعا بيكون تحت إيدك الورق اللى بيلخص الليلة أو مذكرة ليلة الامتحان والتي يمارس السيطرة عليها تجار الورق باقتدار في مختلف الكليات .. ويكون من المؤسف أن تصادف جلستك تلك أحداث قميئة من طراز أن يموت شاب على ايد اتنين مخبرين كلاب اعترض على طريقتهم الهمجية في تفتيشه فسحلوه وضربوه حتى الموت .. أو مثلا حدوث معركة بين باعة جائلين وشرطة الإزالة وتتطور في عنف حتى تضطر قوات الأمن المركزي ومكافحة الشغب إلى التدخل بنفسها وأنت تجلس لمتابعة الأخبار لأن تلك الأحداث الأخيرة - ببساطة - تحدث حيث بيتك القديم في ميدان الساعة قبل أن تعزّل منه منذ أشهر وحيث يقطن كل أصدقائك فتسهر تنتظر الأخبار والجديد بشغف ونفخ ..

وكل ده بيحصل وانت على أمل انه مازالت هناك بضعة ساعات تستطيع فيها عمل المعجزات .. وانك سرعان ماستشم رائحة السؤال اللى جاي بالنص في الامتحان وتحفظه عن ظهر قلب وتخش تظبط الليلة في اللجنة .. تلقي نظرة على الورق فلا تفهم شيئا فتعود بسرعة للفيس اللعين الذي يفتح لك باباً على الحياة (التي لا تفهمها أيضا بالمناسبة) وتظل على ثقتك بأنك في لحظة ما سينشط جهاز المذاكرة لديك وتنكب على الورق حتى تبتلعه ابتلاعا بس اللحظة دي لسه ماجتش ( أًصبر شوية مستعجل على ايه) .. وعلى سبيل الصبر وتسلية الفراغ (خطوات الشيطان) تتجرأ على فتح أي نوع من الميديا على جهازك مثل حفلة ياني الموسيقية التي تعشقها ولم تشاهدها كاملة من قبل قط .. أو فيلم كارتوني اكتشفت فجأة انك تحبه جدا وتود مشاهدته .. أو حتى حاجة (حلوة) من الحاجات إياها طقت في دماغك إذ فجأة وساعتها يبقى (اتفوووو عليك فعلا) - بس ابقى قولي جبتها منين - والكثير والكثير من الأفكار النيرة التي لا تدري لها منبثقا .. (ماحبكتش تعرف يعني ايه منبثقا دلوقتي يعني) .. المهم ترسي في الآخر على حفلة ياني لتكتشف انك محتاج تنزلها من على النت كاملة (7 أجزاء) والأجمل أن بعد ما انزلتهم تكتشف ان ما انزلته كان به عيب ولم يفك الضغط .. فياني ياني ياني .. مش هاعمل كدة تاني ...

مع الوقت تبدأ في فقدان الأعصاب والأمل تماما وتدرك أن سعد زغلول حين قال: "مافيش فايدة" مكانتش (....) عريانة .. وأنه كان محقا تماما .. فتقرر ان تأخذ دشا باردا وقد تبقى على ميعاد امتحانك القليل جدا .. وتنزل إلى الامتحان بقلب مفتوح وابتسامة عريضة وملابس غير مكوية وقلم وحيد كعدة أداء امتحان وسماعات الإم بي ثري في أذنيك تشدو عن شجر الليمون الدبلان على أرضه .. وعن الكل شيء اللي بيتسرق منك ..

مأساة أن تمتحن في مادة لا تعرف عنها ولا كلمة .. انك تروح متأخر شوية فتلاقي اللجنة اتملت خالص ومالكش مكان غير كرسي واحد بس قدااااام خالص في وش المراقب (آه اللجنة عندنا بالوصول مش بأرقام الجلوس) .. طبعا في ناس مابتحبش تقعد قدام المراقب عشان مش هاتعرف تغش وكدة .. أما أنا فمشكلتي أقسى من ذلك .. أننى أعلم أني لن أكتب كلمة في ورقة الإجابة .. وستراقبني ألف عين مراقب سمج ملول فاضي لا شك ستندهش من صمتي الرهيب .. والأدهى أن تعرض المساعدة من طراز (طب حاول يابني) او استخفاف (بروح أمه) من طراز: (إيه مافيش حاجة خالص اهي هي هي) ولو حدث مثل ذلك في حالتي تلك فلا شك ان المشرحة ستزداد بعض القتلى اليوم .. خاصة أنني من الطراز الخجول الكسوف الذي لا يود ان يموت في الشارع فقط لكي لا يتجمع حوله الناس لأن هذا سيضايقه جدا .. فما بالك بأن أجلس لمدة ساعة (وهنا نذكر أن الهروب من الامتحان جائز في نصف الوقت الذي مدته الأصلية ساعتان - بعملية حسابية بسيطة يصبح نصف الوقت ساعة واحدة - وهذا هو ما أنتظره) ساعة كاملة تحت وطأة مراقباتهم وسخافاتهم وهمهماتهم اللعينة .. سأحاول تخطيها ببعض الخدع ككتابة أي كلام في ورقة الإجابة .. ولكن المشكلة هنا أن هذه المادة من النوع الذي لا ينفع فيه افتكاس أي كلام .. عاوزة حسابات وأرقام ومعلومات ليس معي أدناها .. والأوحش من هذا ان كله من حولي يستخدم المساطر للتسطير والآلة الحاسبة للحساب وأنا عارٍ بينهم بقلمي الأزرق الوحيد (مفضوح مفضوح يعني) .. حاولت التستر من الفضيحة عن طريق كتابة الأسئلة من جديد في ورقة الإجابة (وتلك طريقة طفولية جدا .. ده احنا ماعملنهاش من أيام ثانوي يا جدع عيب على شنبك) .. ولكني لاحظت حركات ارتعاشية ليدي فتبدأ في رسم أو كتابة شيء ما .. بدون وعي مني .. مما يضعني في مأزق كيف سأكمل هذا الشيء .. لأني لو سبته كدة هايبقى شكله وحش قوي ..

فكرت أكتب للدكتور في الورقة : أنا عارف ان منظر ورقتي هايجيب لك السكر والضغط والبطن والإيدز من أول فسوة .. بس ارجوك اعذرني .. بلاش عشاني .. والنبي يا اخويا انا غلبان في عقلي عايزك بس توصي عليا تنزلني في طنطا .. وابويا بيجري على يتامى .. بيجرى بسرعة جدا .. ده غير حقنة البلهارسيا اللي لازم اخدها .. عشان الروماتيزم اللى عندي .. انا لسه فاكك السلك .. ولكني أدركت مبكرا أنه ما من أمل في طراوة قلبه .. وأنه لا شك عتيق في هذه المهنة ويأكل عشرين طالب فاشل زيي على الريق كل يوم مع ساندوتش المعكرونة .. واكتفيت بدلا من الدعاء عليه .. باللعنة التي لا شك ستصيبه حين يرى ما فعلته من أعجوبة في ورقة الإجابة من تركيب الأسئلة على أسئلة أخرى بطريقة لوغاريتيمة ستنبثق لها من أم رأسه عدة أفكار جوهينة-مية (تاني بتسأل عن تنبثق برضه؟) ..

فكرت برضه اشغل وقت فراغي باني ارسم شوية في ورقة الأسئلة لكن للأسف هايكون ده صعب جدا وانا في معقل المراقبة بين الأوغاد .. فجاءني الإلهام في هذه اللحظة أن اكتب نقط عريضة مـ اللي بتيجي في ذهني عشان اروح اكتبها كنوت عـ الفيس بوك .. وبقيت باكتب خطوط هولامية عريضة لأفكاري على الورقة غير مقروءة .. عشان في بيض آخر في قوانين لجان الامتحان ان الواحد مايكتبش (القطنة مابتكدبش) على ورقة الأسئلة أبدا .. فما بالك لو خدوا بالهم وكمان لقوا اللي كاتبه واللى طفح بشتيمتهم واستمطار اللعنات عليهم .. ففضلت انه يكون بالشفرة الحاتمية غير سهلة القراءة .. السيء في الأمر بقى ان من جلست أمامي مباشرة في اللجنة كمراقبة كان لديها نوع من الانحراف في إحدى عينيها عن العين الأخرى .. فلم اكن استطيع ان أحدد هل تنظر ناحيتي أم لا .. مما زاد الطين بلة ..

تهاجمك في تلك اللحظة (عزيزي الممتحن الفاشل) عدة خواطر .. منها مثلا لماذا تترك كل وظائفك من تغيير العالم وإصلاح الكون وتظبيط التظابيط .. لتأتي هنا وتضيع وقتك في هذا الكلام الفارغ والوضع المهين ؟ وطبعا تظبيط التظابيط هذا قد يشمل عدة أشياء لولبية رائعة .. منها أن تكون قد أوجدت لنفسك عملا مثلا وأحببته .. أو انك بتقوم بمهمة جليلة بتظبيط مائة فتاة في الدقيقة .. أو بتحضر لثورة عارمة تجتاج البلاد .. أو كل هذا معا !! حينئذ تدرك أن أبوك (مع كامل احترامي) مكانتش جدعنة منه انه دخلك التعليم .. وأصلا مكانتش حركة خالص انه يخلفك أساسا .. وانك ياما قولت ملكش علام من الأول بس محدش صدقك ..

تغرق في محاولات تلويث بياض الورق الناصع بأي نيلة من عقلك .. تسمعهم يهمهمون وتشعر ان الهمهمة تستهدفك في استقصاد .. تشعر بنهنهة فتاة جوارك من صعوبة الامتحان وتشتكي وتهتز في الكرسي الذي يصدر صوت التزييق (إييييييييييييء) .. تنبعج ملامح وجهك وخاصة في منتصفه لتستعد لإصدار صوت رخيم يصدر من الأنف .. لولا أن هدأتها مراقبة ما واشارت إلى زميلتها أن أعينوا بعض يرحمكم الله فهدأت قليلا .. وشاب عن يسارك ينتهز الفرصة (وهو يتلفت ناحيتك كل حين منذ بداية الامتحان بالمناسبة - بخصوص المادة يعني ماتسرحش - ولكنك ترفض استجداءه للغش ليس لسبب أخلاقي لا سمح الله ولكن ليقينك انك لا تملك شيئا تعطيه اياه .. وحتى لو كان كريما وود أن يعطيك شيئا بلا مقابل فماذا أو ماذا أو ماذا ستأخذ منه ؟ لا شيء .. فلا داع إذا لتلك المخاطرة الغير مجدية بأن يخرج إليك قُـلة من المراقبين بكلمة لا داعي لها .. فيزداد عدد الجثث في المشرحة من جديد) ينتهز الفرصة حمص هذا ويسألك عن (ب) في ثانيا في السؤال الثاني !! وحياة أمك ؟ .. تهمله وتتأهب يدك الممسكة بالقلم بعصبية لفعل شيء ما سيصعّب عليه المذاكرة فيما تبقى من امتحانات إلا نائما ، على بطنه ..

وبينما أحدهم يمر بكشف الإمضاءات ويضعه أمامي (لأني أول الصف يا أقوياء الملاحظة) تعزم عليه أخرى بالمرور به (على ترابيزتي في مساحتي الخاصة) ويتعازمون ويتعازمون و (لأ خليها عليا المرة دي) (لا مانت لفيت كتير) (ياختي ادينا بنضيع الوقت شوية أهي هي هي) كل هذا فوق أم رأسي .. تذكرت إحدى عملياتي الجراحية (ودي فرصة اقولكوا فيها انى عملت عمليات جراحية قبل كدة) لما استيقظت من البنج بعد العملية (تخيلوا واحد يستيقظ من البنج) في الأسانسير والنقالة تحملني يحركونها بي من دور غرفة العمليات إلى الغرفة التي سأبيت فيها فوقت بقى على صوت عركة ممرضة بتشتكي لممرضة تانية عن شيء ما فعلته ممرضة تالتة (شوف يا أخي التركيز بتاع واحد بيقوم مـ البنج) وعلا صوتهم وزعيق زعيق .. فقولت بصوت واهن .. طب يا جماعة ممكن تنزلوني هنا عشان تتخانقوا براحتكو ومازعجكوش يعني .. وتحفزت لشيء فاحش سأفعله لو لم ينزاحوا من فوق رأسي (المراقبين .. رجعنا لموضوعنا خلاص فوق) فورا .. ولكنهم رحلوا قبل ان أحدد ما هو للأسف ..

فكرت أيضا في هذا الميقات الغير مناسب إطلاقا للامتحان وهو الثامنة صباحا يوم جمعة .. وكيف أنني لم انم من اليوم السابق مما يعني انني إما ان انام وأضيّع صلاة الجمعة .. أو أذهب الي الصلاة وانا في تلك الحالة المابعد الامتحانية والتي تأخذني فيها كريزة ضحك هائلة .. ولا شك ان الخطيب لن يتكلم عن الامتحان الذي خرجت منه كليما مصدوما ويطبطب عليّ .. لا شك سيتحدث عن أشياء كبيرة هائلة جادة جدا .. وذلك سيصادف ملامح الضحك البلهاء على وجهي فأتذكر مشهد يحيى الفخراني حين سألوه: انت جاي تعزي ولا جاي تهرج ؟ فقال لا انا جاي أهرّج .. وحين يحاولون اسكاتي لا شك سأضحك أكتر .. سأضحك جدا .. سأصرخ من الضحك .. وحينها مثلا سيكون الخطيب يتكلم عن الذين سيعذبون في النار ويكونوا جمرا لها ولا شك ان الناس حينئذ ستثور عليّ وتشنقني وتعلقني من رقبتي على باب المسجد .. وفي النهاية يقومون بدفني في أقرب معبد يهودي .. انسجمت في الخاطر الرهيب لبعض الوقت ومسكت بطني بصعوبة عن الرجرجة .. وان كان هذا سهلا تماما .. لعدم احتوائي على بطن تقريبا ..

المهم تمر اللحظات في تلك الهلاوس والوساوس .. وسرعان ما أهرب حين تحين لحظة المنتصف وأهرول إلى الخارج .. واضرب السماعات في أذني لأسمع خليطا من شجر اللمون الدبلان على أرضه .. وأبص لروحي فجأة .. وكاكي كاكي كاكي كاك .. ولو قادر بص في عيني وقولي عملتلك ايه بروح أمك ؟ واختمها بحالة اللامبالاة وولا على باله .. ولا على باله .. وحين أصل البيت الذي يستعد أهله فيه للسفر ويندهشون لعودتي مبكرا .. أفرد لهم يدي ذات أصبع الإبهام الطويل وأفرده دونا عن قبضة يدي المضمومة إلى أعلى علامة النجاح والتظبيط والتوفيق لاختصار الكلام .. وإن كنت أعني بتلك الإشارة شيئا مختلفا تماما ...... وبس

ملحمة ضربة شمس - الدستور - الجزء الأول

2010-06-09T10:18:00.010+03:00

ملحمة ضربة شمس - الدستور - الجزء الأول

مش شرط يعني انه عشان في جزء أول هايبقى في جزء تاني
بس ده لزوم الأكشن والساسبنس وكدة
D:

إيه الموضوع بقى ؟

لأن الحياة عادلة .. تأخذ بقدر ما تعطي .. قررت تفرحني شوية كتير النهاردة
:)
النهاردة حصل اكتساح رهيب للعبد لله في جريدة الدستور الأسبوعية
في صفحتيّ ضربة شمس التي يشرف عليها العزيز خالد كساب
والاكتساح تم بصورتين من تصويري وتدوينة من تدويناتي
وهذا أسعدني جدا لا شك
والأجمل من ذلك أن ينطلق معي في تلك الضربة شمس بعض الأصدقاء

وهم: مصطفى السيد سمير

و دعاء إسماعيل

ومحمد طارق

ومحمد السيد

بكتاباتهم الألمعية

وحكايتي مع ضربة شمس كانت حكاية طفل معجب بحاجة حلوة بيتابعها كل فترة وبينبهر بيها
من زماااان جدا أيام ثانوي ..
ومكنتش متخيل اني هانتمي ليها بسهولة كدة
والأجمل ان صورة من تصويري تبقى الصورة الرئيسية لمقال خالد كساب نفسه
وتاخد نص الصفحة ..

والتانية تاخد تلت الصفحة مع مقال محمد طارق اللى فوق دهون
يعني حاجة حلوة قوي بالصلاة عـ النبي
D:

خالد كساب بقى شخص في يوم من الأيام (قريبا يعني) فرحت قوي انى اتصورت معاه

وانه كتبلي اهداء على كتابه (إهداءين على كتاب واحد بالمناسبة زي ماهتشوفوا في الصور)

وشيء مبهر انه يقتنع بحاجاتي كدة وينشرها معاه لصيقة بكتابته
فحاجة بييييس بيييييس يعني

وآدي الموضوع الصغنطط بتاعي واللى تم اختياره
من التدوينة السابقة .. يا ربنا كان نفسي أفرحك بيا

والمهم بقى ان اللى بيتنشر ده كله في ورشة ضربة شمس باعته ناس عاديين جدا
بيصوروا او بيكتبوا او بيرسموا .. بس بيحاولوا يعملوا كل ده بطريقة مميزة وتعبر عنهم
وباب النشر مفتوح للجميع .. واللي يحب ينشر في الصفحتين دول
يبعت على ميل خالد كساب
kh_kassab@yahoo.com
ويقرا التفاصيل في المقال بتاعه

وعيشوا يا معلمين
ونشوفكوا على خير دايما ان شاء الله

يا ربنا.. كان نفسي أفرّحك بيا

2010-05-25T19:47:00.002+03:00

يا ربنا
كان نفسي أفرّحك بيا
بس مش عارف
مش قادر أوسّع خطوتي
ولا أنط النطة اللى واثق اني مخلوق عشان انطها
مش لاقي للطيران سبيل
عيّل ضايع
تايه من نفسي
والعتمة واخداني في سرداب طويل
ساقع ..

ليه كل الوشوش حواليا باهتة ..
والضباب راسم ملامحه في كلامهم ؟
ليه كل خطوة لقدام تجيبني لورا ؟
أقابل مدّعين أكتر
وألاقي الحقيقيين أقل
حتى الحقيقة بتظهر متأخرة !!

ليه مع كل يوم قلوبنا تنشف ..
وابتسامتنا تضيق ..
ووشنا يتكرمش ..
ده حتى البنت أم ضفاير ..
ماعادتش تضحكلي !!
مش دول اللى اتخلقت عشانهم ..
واللى اتخلقوا عشاني ؟
مين اللي هايغير مين ؟
هاتتوه ملامحي في توهانهم ..
ولا هايتخلقلي بينهم وصول ؟
ولا الوصول مش مكتوبلي ... !

حتى المراية جننتني
ايديا باشوفهم جناحين ساعات ..
وساعات مش بشوفهم ..
عينيا بيضيعو مني ساعات ..
وساعات
كل الساعات تقف .. والكون يقف ، يتفرج عليا
يصقفلي مرة
ويضحك عليا مرات ..
وأتوه أكتر ..

عارف يا ربنا ، إنه مش هنا دار الوصول ..
مش هنا خلاصة الحكاية
ده بس الممر ..
والخطوتين القصيرين قوي بينك وبيني
بس أرجوك
لحد ما تخلص الخطوتين
خليك معايا ..

.
.

قلبي في متاهة

2010-04-26T15:43:00.002+02:00

قلبـي في متاهـة

قلبي في متاهة
وانتى في آخرها
جناحاتي اتقصقصت
لما غمضتي عينيكي عني
لما ماعودتش أشوفني فيها
ولا أحس صوتي في حروفك
مش لاقيني بين رتوشك
خليتي سماكي تتقفل
وتتفتحلي ميت سما

عارفة كام وش بقابله في سكتي ؟
ولو انهم مش مشوقين قوي للحياة زيك
بس دورهم خطير
ماعادش اسمك قضيتي
أي حاجة ممكن تيجي في أي وقت
بقت دقات قلبي دي
ورعشة إيديا
وضحكتي الصافية .. قوي
قضية مؤجلة .. مش شاغلاني قوي

صدقيني
الموت مش بييجي فجأة
الموت زرعة بتتروى .. من هجر .. وملل .. وعناد
لحد ما يبقى حاجة جميلة قوي
ومنتـَظرة
وشبه علاج

مش عيب ايدك لما تناديني أملّها
وهي اللي أحيتني ؟

ليه شوقتيني أقفلها ؟
قلبي في متاهة
وحكايتنا بقيت خايف أكملها

فاكرة لما كنتي حلوة قوي ؟

2010-04-18T16:54:00.003+02:00

فاكرة لما كنتي حلوة قوي ؟

فاكرة لما كنتي حلوة قوي ؟
وكنت باحب أصوّرك .. وانتى بتضحكي ..
وانتى بتبصي لفوق بعيييييد كأنك بتنادي عـ السما تنزلّنا ..
وأقولك انك أجمل حد هايعدي قدام الكاميرا دي طول عمري ..
وانتى مكسوفة وعينيكي مش راضية تثبت على عينيا ..

طب فاكرة لما كنا لسه حيرانين وبنداري ؟
كانوا حوالينا وبيحاولوا يصحصحوا الحكاية أكتر ..
كل حاجة كانت بتشجعنا .. بتقول ياللا .. كملوا ..
التفاصيل .. الرسايل اللى من فوق .. الصُدَف
كل شيء مظبوط بالمللي علينا
أغنيتي أخت أغنيتك .. ضحكتي بنت ضحكتك .. لهفتي منحوتة من لهفتك
كنتي حقيقية قوي .. وموجودة قوي ..
لما كنت باتتبع خطواتك اللي ماشية ورا حكايتي بكسوف ..

طب فاكرة حواديتي اللي كنت باحب أألفهالك ؟
وكنتي ماترضيش تنامي من غير ماحكيها ..
لما كنت باقولك انك بقيتي معايا في كل حاجة ..
جوه عينيا وانا باصور .. في قلمي وانا باكتب .. معايا قوي ..

فاكرة لما قولتلك انى باحتاجلك قوي ؟
واني لما باحتاج حاجة قوي بخاف منها ..
انك ماتعرفيش معنى الفقد زيي ..
وإني أخاف عليكي تجربيه ..

فاكرة كام مرة قولتلك: اوعي تبقى موجودة ومش موجودة ..
ومافهمتنيش .. ؟
فاكرة لما كنت باغلس عليكي بأغنية منير : بتبعديني عن حياتك بالملل
وكانت بتضايقك قوي ؟ ...........

بصي ..
مش عارف ليه مش مستنى رد منك ..
يمكن اتعودت على سكوتك ..
لكن انا فاكر كل ده .. كل ده محفور في دماغي قوي ..
بس اللى بحاول افتكره ........

أول مرة تدخلي تنامي من غير ما تطلبي مني حدوتة كمان ..
أول مرة ادخل انام من غير ما أدور على اسمك على الموبايل ..
أول مرة أسمع تهاني أو مواساة على حاجة .. وانا مش مستني اسمعها منك ..
أول مرة أحس انى لوحدي .. قوي ..
أول مرة أحس ان الرسايل دي .. بتهزر ..
أول مرة أحس اني معرفش عنك حاجة ..
أول مرة أسأل نفسي: هي حلوة فعلا ؟
أول مرة أمسك كاميرتي / أمسك قلمي / أشتغل ..من غير ما اسمع صوتك في عقلي ..
أول مرة امشي على البحر وايديا في جيوبي .. من غير ماحس بإيد ماسكة ايدي جوه جيبي ..
أول مرة تكوني قدامي عاوز اقولك كلام كتييييييير وماقولش ولا كلمة ..

أول مرة أحس انك مش موجودة .. خالص .. !

تصدقي مش فاكر ؟

.

إعدل الشبشب

2010-03-18T16:36:00.000+02:00

إعـدل الشبشـب!

بخطواتي السريعة المتعجلة أدخل إلى البيت وأنا أخلع شبشبي لدى الباب حتى لا تغضب أمي .. وما أن أدخل حتى: ...... "عُــمر!" ..... تشخط فيّ أمي: "إعدل الشبشب" .. دائما أنفذ أمرها دون مناقشة ولكني هذه المرة سألتها: "ليه؟" فأجابتني وهي تشير لأعلى: "عشان عيب كدة يبقى في وش ربنا" قلت: "حـاضر" وقمت لأعدله .. وإن لم أفهم ردها جيدا .. ولكني أحسست أن الأمر مهم ...

ليلاً أخرج مع أبي لزيارة أقاربنا، وقد أخذ معه كيس القمامة ليلقيه بأسفل .. وعلى بوابة العمارة ينظر حوله .. ألاحظ حيرته .. لا أثر لصندوق القمامة .. أخبره أنني كل يوم أجد الصندوق في مكان مختلف .. أو لا أجده أصلاً .. أبحث معه بنظري عن مكانه .. فأجده يجذبني من يدي: "يلا بينا" ! .. أنظر ليده الأخرى الخاوية .. ثم ألتفت وراءه لأجد الكيس الخاص بنا مستقراً بجوار بضعة أكياس أخرى على الرصيف المقابل ..! أنظر له مندهشاً .. ثم أقتنع بهذا الحل السهل ..

بعدها بأيام أخرج مع أبي ثانية .. ومعه كيس قمامة آخر .. يؤذي بصري منظر كومة القمامة التي تضخمت سريعا وقد نهشتها القطط .. سددت أنفي .. وجذبته من يده قبل أن ينفذ حله السهل: "بابا .. هو مش الزبالة دي عيب تبقى في وش ربنا برضه؟" أجابني: "بس يا حبيبي .. هافهمك بعدين" .. يغيظني رده .. أقف على قدم واحدة وأتعلق بذراعه وأريه باطن الشبشب في قدمي الأخرى ... "بص شبشبي من تحت .. شكله مش بيبقى وحش ولا حاجة .. هو مترّب بس شوية .. بس مش وحش قوي زي الزبالة دي و....." يتلفت حوله ويجذبني من يدي بقوة لأعتدل .. ونبتعد: "وطي صوتك .. وعيب يا ولد ترفع رجلك في وشي كدة.. امشي وانت ساكت" أصمت ويتجعد وجهي بعدم الفهم ..

"إعدل الشبشب يا عُـمر .. هو لازم كل مرة حد يقولك .. وبعدين إيه اللى أخّرك كدة؟" أنظر لها ولا أرد وأجري مسرعاً إلى الحمام .. أغلق الباب .. وأفكر في الصندوق البعيد الذي مشيت إليه لألقي فيه كيس القمامة هذه المرة ..

أنتظر حتى ينام الجميع .. أذهب إلى باب البيت .. أقلب كل أحذيتهم وشباشبهم .. وأترك شبشبي الصغير معدولاً .. أعود إلى سريري وأبتسم .. وأنام مطمئناً ..

حـاتـم عـرفـة
1/9/2009

آخر نجاحات 2009 - حوار بمجلة الشباب

2009-12-31T18:56:00.004+02:00

نشـر هذا الحوار معي اليوم بعدد يناير 2010 بمجلة الشباب
أتمنى أن يعجبكم

اضغط على الصورة لتقرأ بوضوح

عبقرية محيي الدين اللبـَّاد

2009-12-26T08:37:00.029+02:00

عبقرية محيي الدين اللبـَّاد

تستطيع تلخيص رسالته في بيت الشعر القائل: "إن عشقنا فعذرنا .. أن في وجهنا نظر" .. وهو البيت الذي وضعه شعاراً على أغلفة موسوعته الرائعة: "نظـر!".. ولأنه صاحب نظرة فريدة وثاقبة لكل ما حوله .. عشق كل ما حوله من جمال .. فعبر عنه بريشته وقلمه .. واستفزه كل ما حوله من قبح .. فنقده .. وشرح ما فيه من عيوب .. وحاربه بقلمه وريشته طوال الوقت ..

يقول عن نفسه: "عندما كنت صغيراً ، كنا نسكن بقرب جامع السلطان حسن ، وكان الترام الذي يمر في الشارع الكبير – عندما يدور بجوار الجامع – يصدر صوتاً عظيماً. وكان سائق الترام عندي أعظم وأهم رجل في العالم، لأنه يقود هذا الوحش العملاق المهيب – وظللت أتمنى أن أصبح سائق ترام عندما أكبر . وكبرت ولكني لم أتمكن من أن أكون سائق ترام بل ولم أستطع حتى أن أتعلم قيادة السيارات....... لكني تعلمت الرسم وأصبحت مجرد رسام" ..... يقولها في تواضع ولكنه يعلم ما يعنيه الرسم من قوة بصرية مؤثرة .. ومؤثر ثقافي لا حدود له .. يستطيع أن يغير العالم .. خاصة وأنه يعد من أحد أقطاب فن الكاريكاتير في مصر في الفترة التي عمل بها بمجلتيّ روز اليوسف وصباح الخير .. إنه الفنان محيي الدين اللباد .. رب الريشة والقلم كما أطلق عليه الناقد الفني الكبير: د. على الراعي ..

كتاب كشكول الرسام لمحيي الدين اللباد
ويظهر على غلافه رسمه لنفسه وهو سائق ترام
كما كان يحلم أن يكون في طفولته

أقل ما يمكنني قوله عن هذا الرجل أنني كلما أقرأ أكثر عنه وعن تاريخه كلما شعرت بالفخر لأنني أنتمى إلى مجال التصميم الجرافيكي الذي هو من روّاده، ومن أكثر الذين ساهموا في جعل شكل التصميمات الدعائية في مصر تتخذ شكلها الحالي .. ليس فقط بفنه وريشته .. ولكن أيضا بقلمه الصحفي اللاذع الناقد لكل الظواهر الفنية السلبية التي ظهرت على مدار حياته .. والتي سنتناول بعضها بعد قليل ..

نبذة صغيرة عنه :

- ولد في القاهرة عام 1940 .

- درس التصوير في كلية الفنون الجميلة 1957 – 1962 .

- عمل رساما للكاريكاتير أثناء دراسته الثانوية، ثم التحق رساماً بروز اليوسف وصباح الخير قبل أن ينهي دراسته بالكلية.

- في عام 1962 عمل رساما ومؤلفاً لكتب الأطفال في "دار المعارف" وفي مجلة "سندباد" التي أصدرتها الدار.. وشارك فيما بعد في تأسيس عدد من المجلات المتخصصة ودور النشر .. وفي عام 1968، أصبح مديرا للتحرير ومديرا فنيا لمجلة "سمير" .. وكذلك شارك في تأسيس دار "الفتى العربي" للنشر، عام 1974...

- صدر له عدد من كتب الأطفال، وكتب الكبار في مصر وفي بلاد عربية أخرى، نالت عدداً من الجوائز المحلية والعربية والدولية، ونشر بعضها مترجماً إلى اللغات الأجنبية.

والسيرة الذاتية طويلة ملأى بالإنجازات العظيمة التي قام بها هذا الرجل .. وسأعرض لكم في النهاية بعض المصادر يمكنكم الإطلاع عليها لمن يحب الاستزادة .. حيث سأركز هنا على ما لمسني وأثر فيّ .. في تاريخ هذا الرجل .. ومن ذلك:

إدراكه الواضح لمستقبله وطريقه منذ طفولته حيث يقول عن نفسه: " قررت في عمر مبكر أن أعد نفسي لأكون على ما أنا عليه الآن. كان هذا الاختيار قد اتضح في السابعة أو الثامنة من العمر، إذ لم أكن استمتع بمشاهدة الأعمال الفنية المعقدة حرفياً، أتذكر حين كنت أتصفح مجلة الهلال في تلك الفترة، وأشاهد النسخ المصورة للوحات عالمية كانت كثيراً ما تصيبني بضجر لم أكن أعي مصدره، وفي ذات الوقت كان اهتمامي يتحول نحو رسائل بصرية أبسط بكثير، أقرب إلى واقعنا اليومي المعاش .اتجه اهتمامي إلى العلامات التجارية للمنتجات المتداولة آنذاك: باكو زهرة الغسيل ماركة زوزو، زجاجة كوكاكولا، طوابع البريد، علب الكبريت، ماركات السجائر، شخصية ميشلان، وغيرها من منتجات ارتسمت علاماتها في وجداني الذاتي، لتمثل فيما بعد ذاكرتي البصرية الأولى. أتذكر أيضاً اهتمامي بطريقة كتابة عناوين الأخبار في الصحف، وما كانت تحمله من رسائل بصرية قوية باللون الأسود، وعندما دخلت كلية الفنون الجميلة بالقاهرة كانت غايتي التخرج منها وأن أعمل ما أقوم بعمله الآن، وليس لأكون "فنانا" مصورا؛ أرسم اللوحات التي تعلق على الحيطان.

مفردات شكلت الذاكرة البصرية للفنان محيي الدين اللباد،
وكانت الحافز الأول لاهتمامه بفن الجرافيك

نظر محيي الدين اللباد فوجد رجلا يصيح: "أمجاد يا عرب .. أمجاد" ومد بصره إلى بقية الجسد، فوجد عليه قميصاً يحمل علم أمريكا!! ساءته هذه الظاهرة السلبية فتصدى لها.. بالقلم وبالفن كما اعتاد دوما.. نقدها في مقالاته واقترح أشكالا فنية لها أصل في تراثنا.. فاستبدل بات مانن وسوبر مان وكل هؤلاء الخوارق المزيفين بأبطال السير الشعبية مثل أبو زيد الهلالي والملك الظاهر.. ووجد استخداما خلاقا للتي شيرت .. بل وكتب كتابا خاصا عن هذا الفن .. بهذا العنوان .. تي-شيرت..

محيي الدين اللباد له أبحاث ودراسات عميقة في تاريخ الفنون البصرية ببلدنا .. أعانه على هذا تاريخه الطويل وكل هؤلاء الفنانين الذين زاملهم وجاورهم في حياته واتصل بهم بشكل مباشر.. وكثيرا ما كتب عنهم وعن تفاصيل لا يعرفها أحد عنهم .. وبقلمه اللاذع الخفيف الدم إلى حد رهيب .. ونتيجة لكل هذا الإرث الفني العملاق الذي عايشه كان أول من اقترح أن يكون هناك متحف للكاريكاتير في مصر.. يعتني بالرسوم المطبوعة وتصميم الصحف والكتب وكل ما هو نادر في هذا المجال.. وفي هذا العام 2009 تحقق هذا الاقتراح بشكل أو بآخر في أول معرض للكاريكاتير على مستوى الوطن العربي وهو معرض "محمد عبلة" للكاريكاتير بالفيوم .. وضم أعمالا للفنان اللباد والعديد من فناني الكاريكاتير المصريين.

شبه الناقد (د. على الراعي) نظرة الفنان اللباد الثورية لفن الكاريكاتير .. بنظرة الأديب برنارد شو لفن الكوميديا في المسرح .. حيث رأى اللباد أننا: نميل إلى تصوير الحمق والحمقى، ونسعى إلى عرض نوادرهم على الأنظار في مختلف أشكال التعبير: الرسـم، والمسـرح، والحكاية والكرتون. ويلاحظ أننا بهذا الاهتمام نرفع عن أنفسنا الاتهام بأننا قد نكون - بدورنا – حمقى، ولكننا لا نريد أن نعترف بهذا،...... الواقع أننا كلنا حمقى ولا مجال للتفضيل بيننا وبين غيرنا في هذا المجال .. وكذا قال برنارد شو: لا مجال للمفاضلة بين من يظهرون على خشبة المسرح ومن يجلسون في القاعة.. كلنا حمقى وكلنا ذوو عيوب .. وهكذا أصبحت الكوميديا والكاريكاتير أكثر إنسانية وأقرب إلى القلوب.

وعن الطفولة وتقدير الطفل كتب محيي الدين اللباد الكثير والكثير من المقالات.. وظهر اهتمامه ذلك في العديد من الكتب التي ألفها ورسمها للطفل.. كان يحترم بشدة الطفل داخل كل واحد فينا .. ويرجو ألا نتركه يموت داخلنا وأن نفسح له المساحة للتعبير عن رأيه والاستمتاع بالحياة ببساطة .. وكذلك أن نعطي أطفالنا الحرية لاختيار حياتهم وألا نقتل إبداعهم ونضيق آفاقهم بالأوامر والنواهي والحواديت الموجهة النمطية بأغراض تربوية تخنقهم.. وقد شعرت بإحساس بنوة حقيقي تجاهه عندما قرأت له وهو يتحدث عن علاقته بإبنه (أحمد اللباد الفنان الكبير أيضاً) ويقول: "لقد حرصت على أن أبتعد عنه وأن أتركه يتطور على خطوط من صنع نفسه، فإن سلطة الأب وسلطة (الأسطى) المتمثلة في شخصي كانت كفيلة بأن تعوق تقدمه" .. وذكرتني كلماته تلك بكل ما فعله ويفعله معي أبي حتى الآن.. ويعكس تلك النظرة عمليا في هذا الرسم..

ومن الحكايات الظريفة التي يحكيها لنا اللباد ما لاحظه في فترة الانتخابات في الثمانينات وما حملته الملصقات الانتخابية من رموز بصرية سخيفة اختارتها البيروقراطية للمرشحين تحايلا على مشكلة الأمية في بلادنا.. "حيث اكتشفت وزارة الداخلية حينها فجأة أنها بحاجة إلى 100 رمز بصري حيث وصل عدد المرشحين الفرديين في بعض الدوائر إلى 94 مرشحا للدائرة الواحدة......... المهم .. كيف حلت وزارة الداخلية هذا المأزق ؟ توجهت إلى المطابع الأميرية في إمبابة ليتعاونوا مع بعض المسئولين في المطابع في اختيار الرموز البصرية المطلوبة .. وكان مصدرهم هو: كتب الأطفال والعلوم ( أخبار اليوم – 28 / 3 / 1987 ) !! وبهذا امتلأت ملصقات ويافطات المرشحين برموز من شاكلة: كنكة – سلحفاة – شاكوش – جمجمة – ساطور – مفك – حدوة حصان (أو حمار) ..... إلخ. ولا شك أن الكثير من الشكاوى من التحيز وعدم الاحترام قد ثارت من المرشح الذي أعطوه رمز لمبة الجاز بينما أعطوا لمنافسه رمز النجفة الكهربائية أو بين من حمل رمز السلحفاة ومنافسه يحمل رمز القطار ..... إلخ) .. ويستمر اللباد في سخريته اللاذعة .. ويصاحب مقاله رسم كاريكاتيري لاذع كالعادة..

كنت أشعر بسعادة جمة وأنا أجمع المعلومات وأقرأ في موسوعات اللباد لكي أنفذ هذا المقال .. وشعرت بأنني أحد من جاوره في مجاورته الشهيرة "ورشة مجاورة – يناير – 2004" والتي اجتمع فيها لمدة شهر مع مجموعة من الشباب من مختلف العالم العربي المهتمين بمجال الرسم والكاريكاتير والجرافيك ليطرح كل منهم نظراته وأفكاره وفنونه على الآخر ونتج عنها العديد من الأعمال الفنية غاية في الروعة .. شعرت في إبحاري في عالمه بالفعل بأنني واحد منهم.. وأن مساحة عقلي قد اتسعت خلال جلسات إطلاعي تلك بشكل كبير .. لتسع كل تلك النظريات الفنية التي تحدث عنها اللباد وملأت عقلي وعينيّ.. ولذا أحببت أن يشاركني الجميع هذا الذي رأيت وعايشت لعل الإفادة تعم وتشمل أكبر عدد ممكن .. ولأن تاريخ هذا الرجل بحق يستحق أن يعرفه كل من في هذا المجال ..

وفي النهاية أترككم ..

مع أعمال محيي الدين اللباد ..

لهذا الكتاب قصة :
إذ أنه في أواخر عام 1974 ، كتب كاتب القصة السوري " زكريا تامر "
نصاً قصيراً ظريفاً للأطفال بعنوان "البيت" وملخصه كالتالي:
الفرخة لها بيت، بيت الفرخة اسمه القن
الأرنب له بيت، بيت الأرنب اسمه الجحر
الحصان له بيت، بيت الحصان اسمه الأصطبل
السمكة لها بيت، بيت السمكة هو النهر
العصفور له بيت، بيت العصفور اسمه العش
كل إنسان له بيت..
أين بيت الفلسطيني ؟
بيت الفلسطيني في فلسطيني . لكن عدو الفلسطيني اغتصبه وطرده منه
من عدو الفلسطيني ؟
عدو الفلسطيني هو من احتل بيت الفلسطيني.
كيف يستعيد الفلسطيني بيته؟
سيستعيد الفلسطيني بيته بالنضال والتضحية، وسيعود الفلسطيني إلى بيته، بيت الفلسطيني للفلسطيني !
.
هنا ينتهي النص .. ويأتي دور الرسام العبقري محيي الدين اللباد
ليرسمه في شكل كتاب مصور أصدرته دار العربي عام 1974
ومنه تلك الصفحة السابقة التي أمامكم

وكان لدى الفنان محيي الدين اللباد اهتمام خاص بالخط العربي ..
وفي تلك اللوحة يعبر عن قلقه من أنواع الخط العربي الكمبيوترية الدخيلة على الخط العربي الأصلي ..
وما يمكن أن تفسده من ذوق عام .. لو لم يتم الحفاظ على تراث الخط العربي الأصيل

المصادر..

كتاب الهلال / عن الكاريكاتير والأغاني والإذاعة / يوليو – 2004 / د. على الراعي

نظَـر – اللباد – 1

نظَـر – اللباد – 2

نظَـر – اللباد – 3

نظَـر – اللباد – 4

مصادر أخرى .........

مدونة تفاصيل – تي شيرت

مدونة تفاصيل – كشكول الرسام

الشيخشاب - موقع خط

الملتقى التربوي العربي

........................................
وأنا أنصح كل المهتمين بالفنون وكل من قرأوا تلك المقالة باقتناء موسوعة نظـر الرائعة لمحيي الدين اللباد ..
وهي متوفرة بمكتبة العربي بالعنوان التالي:

60 شارع القصـر العيني (11451) - القاهرة

تليفون: 27954529 - 27921943 - فاكس: 27947566

.......................................

وأنتظر آرائكم وتفاعلكم ..

تحياتي

أن تموت يوم ميلادك

2009-12-17T18:12:00.004+02:00

"ملحوظة: يمكنك اعتبار كل الأحداث القصصية الواردة مجرد أحداث قصصية"

أن تمـوت يوم ميـلادك

"الموت مش شر"... هكذا كانت تقاطعك في ثقة حين تقول لها: "بعد الشر عليكي....." كلما ذكرتْ الموت، فتخرق بهذا الرد سمعك لتدخل معها في نقاش ليس له آخر عن النسبية وما هو ليس بشر بالنسبة لها وشر بالنسبة لك .. فتتحدث فجأة عن ابن جارتهم الطفل الذي ستزوجه لابنتها - عندما تنجب بنتاً - فتبتسم وتسألها وأنت تملأ عينيك حباً: "ماذا سنسميها؟" .. تجيبك دون تفكير: "فيـروز" .. تنتبه على لحن أغنية: "حبوا بعضن .. تركوا بعضن" يقرص أذنيك من مكانٍ ما .. فلا تجدها حولك ..
"بديت القصة تحت الشتي" .. أن تتذكرها وتدرك مدى اتساع الفراغ الذي تركتك فيه .. تسير تحت سماء تدِّعي الشتاء وهي بلا مطر .. وقد استكثرته عليك .. وأنت تستجديها أن تسقط قطرة مطر واحدة تغسل بعض أحزانك .. تباً لهذا الشتاء الذي لم يعد يحفظ الحميمية التي بينك وبينه .. كنت تستمطره فيمطرك بلا تأخر .. كلما تحتاجه يحتويك .. فجأة أصبح عاصياً .. فقيراً .. كما أصبحت هي ..
"تحت الشتا تركوا بعضن" كانت تحب مناداتك بأسماء كثيرة .. شخصيات كارتونية .. أسامي خضروات وفواكه .. صفات تحبها .. طفلة بحق ترى فيك كل شيء .. وتريك كل شيء فيها .. ثم لم تعد تناديك إلا بإسمك .. ولم تعد ترى وجهك في عينيها .. أخبرتها بهذا كثيرا ولكنها لم تفهمك ..
يصيبك اكتئاب الأعياد الموسمي .. فتشعر ببلاهة كل هؤلاء المبتسمين والمهنئين الذين قرروا فجأة أن الكون جميل ولابد أن يكون كذلك .. وهذه المرة العيد يخصك بشدة .. فكلهم يلقون بابتساماتهم وتهانيهم ووجوههم المنبسطة تجاهك .. في يوم ميلادك ..
الهدية الأولى .. طائرة .. يعلمون هوسك بالطائرات فقررت إحداهم أن تهديك واحدة .. لم تدرك ماذا تفعل بها .. حجمها كبير ولم تأتك هدية كهذه من قبل .. لم تُرد أن يراك أحد بها .. أنت نفسك لا تفهمها .. تشعر أنها غريبة عليك .. ترفضك بشكل أو بآخر .. وترفض امتلاكك لها .. أخذتها إلى بيتك القديم الخاوي لتنفرد بها .. "ماذا كان سيصبح شكلها لو أتتك منها هي؟ .. لا شك كانت ستصبح صغيرة وأنيقة .. وهي تحب الألوان الموف والأزرق والـ..... لا يهم .. يكفي أنها كانت ستكون منها .. وربما كانت تلصق بها ورقة عليها إمضائها الطفولية الساذجة المحببة إليك" .. تتأمل حجم الطائرة الكبير .. يتطفل على مساحتك الخاصة .. تستفزك بألوانها الباهتة ولمعان أطرافها الغير مبرر .. و .. وخوائها منها .. تمسكها في غل وهي تصفعك بملامح الكره في تفاصيلها .. تسقطها تحت قدميك وتقفز عليها .. ترقص .. تتقافز .. فتنبعج وتنبعج وينقطع القماش الذي يغطيها .. لتدرك أنها من ورق مقوى رديء .. في ثواني يتحول بين يديك لقصاصات والقماش إلى خِرَق ..
موسيقى صوفية تتغنى بمأساة الحلّاج تستمع إليها .. يحدثهم الحلّاج بأن يقتلوه ويحرقوه بعظامه الفانيات .. فتسأله أن يفسح لك مكانا جواره .. تخنقك كل تلك الفرحة التي تحتشد حولك في خضم هذا (الفيس بوك) اللعين .. العلامة الحمراء على يمين الشاشة بأسفل تمتليء بالأرقام .. تجيب هوسهم المفاجيء بيومك - الذي يسرق منك عاماً جديداً - بهوس مماثل وأنت تسخر من نفسك .. تبحث عن إسمها بينهم رغم علمك باستحالة ذلك بعد (الديليت) العظيم .. لا يجيبك الحلّاج ويغرق في في نداءاته لهم .. "أقتلوني يا ثِقاتي .. إن في قتلي حياتي ... وحياتي في مماتي .. ومماتي في حياتي" .. هم يحرقونه لحبه لله الذي لم يفهموه .. وأنت لحبك لها الذي لم تفهمه .. وفي أيام الخصام بينكما حين تحدثها عن الألم الذي يغمر جسدك وشعورك بالإنهاك .. لم تكن تصدقك ..تقضي لياليك تحاول أن تلوّن قلبها بالأبيض .. حتى إذا ما أتممت رونقه من عندك .. تصحو مغبرّا بغبار إنكارها لذاك ... أقتلوني ... يا ثِقاتي ..
الهدية الثانية .. ميدالية عليها أول حرف من اسمك .. تخنقك نظراتها المعتذرة عن ماضٍ لم تعد تعبأ به .. أهدتك إياها في مركب صغير تؤرجحه مياه النيل .. تنظر لها في يدك لا تدري ما تفعل بها .. لو منها لم تكن لتجلبها خشبية .. هي تحب الألوان والتفاصيل اللامعة .. وتتقن صناعة مثل تلك الأشياء .. كانت ســــ ... تكتفي بمراقبة أثر سقوطها وسط تلك الدوائر الصغيرة التي تتسع في المياه أمامك ..
إنه كبرياؤك الذي لم يعد يحتمل .. برد الشتاء القاسي الذي اعتدت فيه على الوحدة شجّعك .. فتربصت بها غير مدرك لتربصك .. وانتظرت لها خطأ واحد تخطؤه .. فانهلت عليها بغضبك .. وظهرك محنيّ من حمل ثقيل طالما أنهكك .. لا تقدر على مسك لسانك وقد ثار يمينا وشمالا وفوقا وتحتا .. وفيروز تراودك عن حلمك ويستحثك يأسها أن تتمادى: "وليالي سهر وغيرة .. تخلص بكلمة صغيرة"
ثم هدية ثالثة .. كوفية بألوانها المفضلة .. أتتك من أخرى .. لا ترى فيها سوى ألوان باهتة غريبة .. موف وأزرق كانا كأن خلقهما لم يكتمل بعد .. بهتت الألوان بين يديك .. فلم تغادر تلك "درج الجوارب" بعدئذ ..
تحاول أن تتذكر ذلك الشتاء القديم الذي جمعكما معا .. كانت تملؤك شهوة عجيبة للحياة اكتملت بوجودها .. كان برداً يدفعك للدفء وهذا البرد يدفعك للعراء والسقم .. وشهوة أعجب إلى الموت .. اكتملت برحيلها .. تلك الصور والرسوم التي تحيط بك في مهنتك .. كانت تزداد تألقاً وهي تتشبع بآرائها .. أما الآن والخواء محيط .. لا ترى فيهم لونا .. ولا تسمع لهم ركزاً .. تود لو تهجر كل هذا .. "سئمت نفسي حياتي .. في الرسوم البالياتِ" ..
وهدية رابعة .. الكثير من الشيكولاتة .. مجموعة منتقاة من كل الأنواع التي تحبها .. كنت كلما أهديتها واحدة تحبَ أن تراقبَ شفتيها الناضجتين وفمها الصغير الذي يتلذذ بها في متعة طفولية .. ولكن هذه لم يمسها لسانك .. أخوتك تفاجئوا بكرمك، وأنت داخل إليهم بتلك العلبة .. وإن لم تمنعهم المفاجأة أن يدعوها فارغة في دقائق ..
سيظل الشتاء عاصياً إذاً .. حتى وأنت تتجول في الشوارع ليل نهار .. حتى والمطر يتساقط حولك .. فيمس كل الناس والأشياء إلا أنت .. حتى وأنت ترتعش من برد خاوي من معناه .. من ضمتها .. تراقب شاشة هاتفك التي ترن وتضيء برقم غريب .. "هل يمكن أن تكون هي؟" .. في يوم مولدها الفائت اتصلت بها رغم خصامك لها .. وهنئتها .. وصالحتها .. هل تفعل مثلك؟ ..تمد يدك لترد فيسكت قبل أن تفعل .. تتصل بالرقم .. لا أحد يجيبك "أتكون تراجعَت؟" أنت تعلم أنك ستسامحها ما أن تقول: "الألو" الرائعة .. ستسامحها على كل شيء وتعتذر لها عن جميع ما فعلت .. فقط لو كانت هي .. يرن هاتفك ثانية بنفس الرقم الغريب .. فترد مسرعا .. تسمع صوت رجولي غليظ على الطرف الآخر:
-"عبـ عزيز موجود يا بلدينا؟"
-" إزيك؟ .. أنا آسف! .. كل سنة وانا طيب آه .. وحشتيـ......."
-" بتجول ايه يا بيه؟ بنجولك عبـ عزيز عندييك؟"
-" أنا عارف إني زعلتك .. بس انتى كمان..........."
تفيق على سُبة وصوت انقطاع الخط: " تيييييييييت .. تييييييييييت " .. ثم يجيبك الصمت فيصدّع رأسك .. ويمزق أذنيك .. تعود لموسيقاك وصوفيتك .. وتفتح ماسيدجات التهاني المتتالية في آلية .. لتسمحها دون أن تكمل قراءتها .. وتستجدي الشتاء الذي أسرى بك من نور إلى ظلمة .. أن يتركك في حالك .

16 – 12 - 2009

لم تأتِ .. قصيدة لمحمود درويش

2009-10-28T16:10:00.001+02:00

لم تأتِ

لم تأتِ.
قلتُ: ولن .. إذاً
سأعيد ترتيب المساء بما يليق بخيبتي
وغيابها:
أطفأت نور شموعها،
أشعلتُ نور الكهرباء،
شربتُ كأس نبيذها وكسرته
أبدلتُ موسيقى الكمنجات السريعة
بالأغاني الفارسية.

قلتُ: لن تأتي. سأنضو ربطة العنق الأنيقة
(هكذا أرتاح أكثر)
أرتدي بيجامة زرقاء. أمشي حافيا لو شئتُ.
أجلسُ بارتخاء القرفصاء على أريكتها
فأنساها
وأنسى كلّ أشياء الغياب.

أعدتُ ما أعددتُ من أدوات حفلتنا
إلى أدراجها. وفتحتُ كلّ نوافذي وستائري
لا سرّ في جسدي أمام الليل إلاّ
ما انتظرتُ وما خسرتُ.

سخرتُ من هوسي بتنظيف الهواء لأجلها
(عطرته برذاذ ماء الورد والليمون)
لن تأتي ..
سأنقل نبتة الأوركيد من جهة اليمين إلى اليسار
لكي أعاقبها على نسيانها..

غطّيتُ مرآة الجدار بمعطفٍ كي لا أرى إشعاع صورتها
فأندم

قلتُ: أنسى ما اقتبستُ لها
من الغزل القديم، لأنها لا تستحقّ قصيدة
حتى ولو مسروقة ..

ونسيتها، وأكلتُ وجبتي السرعة واقفاً
وقرأتُ فصلاً من كتاب مدرسيّ
عن كواكبنا البعيدة
وكتبتُ كي أنسى إساءتها، قصيدة

كتبتُ هذي القصيدة!

----
محمود درويش

فقط .......... للذكرى

جفـاء الصديـق - لإبن العميد

2009-10-11T02:35:00.003+02:00

" وصل كتابك فصادفني قريب العهد بانطلاق من عنت الفراق، ووافقني مستريح الأعضاء والجوانح من جوى الاشتياق.. فإن الدهر جرى على حكمه المألوف في تحويل الأحوال، وجرى على رسمه المعروف في تبديل الأشكال، وأعتقني من مخالتك عتقا لا تستحق به ولاءَ، وأبرأني من عهدتك براءة لا تستوجب دركا ولا استثناء، ونزع من عنقي ربقة الذل في إخائك بيدي جفائك، وتغلغل في مسالك أنفاسي فعـوض عن النزاع إليك نزوعا منك ، ومن الذهاب فيك رجوعا دونك. وكشف عن عيني ضبابات ما ألقاه الهوى على بصري ورفع عني غيابات ما سدله الشك دون نظري، حتى حدر النقاب على صفحات شيمك، وسفر عن وجوه خليقتك فلم أجد إلا منكرا ولم ألق إلا مستنكرا فوليت منهم فرارا وملئت منهم رعبا. فاذهب فقد ألقيت حبلك على غاربك ورددت إليك ذمم عهدك. "

الذي لا يتحمل الهزيمة

2009-10-08T23:51:00.004+02:00

فالهزيمة مسئولية ..

مسئولية أن تجد الوقت الكافي لتحزن ..

وتبكي

وتتألم

وتسأل نفسك عن كذا..

وعن كذا..

ولماذا ؟

وكيف ؟

وأن تبحث عيناك عن مشهد غروب ..

أو سماء مظلمة ..

وتبحث أذناك عن صوت ناي حزين في أغنية لمنير ..

أن تصمت وترفض الكتابة أصلا

(مش عارف انت بتكتب ليه دلوقتي!).

بس

يمكن..

يمكن لما ترمي إزازتك اللى فيها رسالتك

اللى فيها وشك الحزين

ويلاقيها واحد في يوم من الأيام

تبقى تواسي نفسك بإن في شخص على هذا الكون

عرف انك بتغرق

وعلى وشه اترسمت نظرة حزن

بس انت عارف انك مش هاتعرف تتهزم

انت فاشل في ده

وهاتستمر

ويمكن ده يكون انهزامك

يا رمضاني..

2009-09-06T17:28:00.014+02:00

يا رمضاني..

أعترف أنني افتقدتك..

بكل ما تعنيه لي..

وأنني أفتقدك من الآن ونحن مازلنا في منتصف أيامك..

تفاصيل بسيطة ارتبطت بك هذه المرة تشعرني بغبطة لا نهائية..

أشعر ببعض التألق فيك هذه المرة..

نسمات ليلك وشمس نهارك يسكناني ويحركان فيّ بضعة حواتم أخرى..

فأراني أحمل كاميرتي وأسير في شوراع تلألأت بوجودك نهارا.. وتناغمت فيها أرواحك ليلا.. أصور هذا وذاك وتلك الزينة وذلك الفانوس.. شوارع ملؤها محبتك وضيافتك.. وملأتها بنورك.. وقد زادتني تفاصيلك في الأرض هوسا بالتصوير فوق هوسي .. فزاد نصيبي من إلهامك بضعة صور أعتقدها جيدة وسأظل أذكرها بك دوما..

أراني وقد صفيت نفسي وأزاح الله عنها الكثير من الهموم لإخلاء الطريق بيني وبينه.. يعلم أني في حاجة إليه فيقربني بعطفه قليلا.. علني أقترب كثيرا فأنهل من رحمته.. يحنو عليّ رغم قسوتي على نفسي.. ويشدني إليه رغم ابتعادي..

أراني أجلس إلى القرآن جلسة قد أفتقدها أحيانا في أيام أخرى.. جلسة الود والصداقة.. جلسة استشعار المعاني والتماسها في كل ما حولي ومن فوقي ومن تحتي.. جلسة المتعلم الباحث في دأب عن معانيه ومعانيّ..

أجدني وقد وهنت كل حججي.. فأنكب على حروف اللغة العربية وقد قررت تعلمها.. أذهب لمدرسة الخط العربي ويختبرونني اختبار القبول لأنجح وأصبح أخيرا طالبا بالصف الأول بمدرسة محمد إبراهيم للخط العربي..

فليبدأ مشوار طويل من الانغماس في بحر حروف وكلمات ليتني نقطة فيها..
حروف لغتي وديني والكثير من تاريخي..
ولعلني بعد أن أصادق حروف الله عز وجل ..
وأصبح ملازما لها لا أنفصل عنها ..
ربما حينها أجدني جديرا بمغفرة الله..

رمضاني جئت متميزا بشدة هذا العام.. وقد تغيـّر فيّ الكثير..
أسألك أن تعطيني مما أعطاك الله من تميز ونقاء وطهر..
وأن تزدني انغماسا فيك خلال بضعة الأيام القليلة الآتية..
لعلني أنهل منك ما أستطيع قبل رحيلك..

ايه رأيك تسمع كتاب .. مروة رخا ؟

2009-09-04T02:10:00.002+02:00

:)

موضوع مهم وجميل

ناقشته الصحفية الرائعة شيماء الجمال في إحدى مقالات جريدة عين

وأُخذ رأيي فيه بصفتي شاب ومصمم أغلفة وكدة يعني :)

.

.

.

.

أتمنى يعجبكم

تصميم الأغلفة بـ " الفوتوشوب " إبداع تكنولوجي.. أم خداع؟

2009-09-01T16:37:00.005+02:00

سؤال تطرحه جريدة المال في تحقيقها الصحفي عن الأغلفة في عددها اليوم الثلاثاء 1 / 9 / 2009 ..
وتحاول أن تجيب عليه.... باستشارة بعض المصممين وأصحاب دور النشر والكتاب..

لأجد نفسي في تحقيق واحد مع الأساتذة أحمد اللباد وحلمي التوني .. مرة واحدة
:)

وأيضا مع صديقي العزيز وسيم المغربي
ومصمم الأغلفة عمار درويش ..
ومحمد هاشم مدير دار ميريت..
ورحاب الدين الهواري مدير دار شمس.

نتحدث عن فن الأغلفة ونجيب عن هذا السؤال كل من منظوره..
وقامت بمحاورتنا الصحفية الشاطرة التي أحييها بشدة: ناني محمد.

لذا أترككم مع التحقيق الذي أتمنى أن يعجبكم .. وأنتظر معرفة آرائكم :)
تحياتي

اضغط على الصورة لقراءة المقال بحجم واضح

خبر عن دار الكتب ونبيل فاروق والمهندس الصاوي، في جريدة عين، وإسمي صغير كدة معاهم :)

2009-08-31T21:28:00.002+02:00

النهاردة حصلت حاجة ظريفة قوي.. كنت معدي جنب بياع الجرايد.. وبالصدفة كدة قررت اني اشتري جريدة عين.. معرفش ليه وانا مش متعود اشتري جرايد يعني.. لكن حسيت انى عاوز اشتري الجريدة مع انها بتطلع يوم الخميس والنهاردة الاتنين.. بس جت معايا كدة.. حسيت انى هلاقي فيها حاجة تهمني..

وفوجئت فعلا بإن فيها خبر عن دار الكتب ومهرجان تبادل الكتب اللى عملوه .. واللى شارك فيه مكتبات ودور نشر كتير.. وكنت حاضر فيه وفرحت بيه جدا.. وكلام بقى مع مصطفى الحسيني مؤسس دار الكتب.. والأستاذ نبيل فاروق حبيبنا طبعا والمهندس الصاوي صاحب ساقية الصاوي.. وقولت أروح علطول أخد المقال الجميل ده اسكانر وابعتهم لصحابي اللي اتعرفت عليهم في دار الكتب عشان افرحهم .. وفوجئت للمرة التانية إن اسمي مكتوب في المقال .. مع مجموعة من الكتاب الشباب اللي حضروا الاحتفالية منهم محمد الغزالي ومي بهاء الدين ومشيرة محمود وريم جهاد.. على أساس يعني اني حد مهم مـ اللى حضر الاحتفالية وكدة .. وشكرا لشيماء الجمال الصحفية .. ودايما فاكرانا كدة بالخير.

D:

المهم فرحت قوي ان اسمي مذكور وسط كل الناس اللى بحبهم دول في الخبر ده .. وإن الحاسة السابعة عندي مازالت شغالة كويس.. وقولت أهديكم المقال ده بقى عشان تفرحوا بيه زيي..
كل سنة وانتو طيبين.
.
.
آه وكمان بيتين كدا على ما قسم للأبنودي فوق
:)
بالهنا

يمكنك فعص الصورة لتكبيرها وقراءة المقال بشكل واضح
D:

أن تكون كوباية شاي

2009-07-31T08:46:00.005+03:00

إنها تجربة عجائبية قمت بها مع إحدى زميلات بحر الحياة وهي مريم عمر
والفكرة تدور عن التجلي والتقمص والتحور - وشوية حاجات كدة –
أشكرها كثيرا على تلك المشاركة.
وتعاا اشربوا شاي

أن تكون كوباية شاي

سألتني عن إسمي .. فقلت لها :
- مش مهم.. كان ممكن يكون ليا اي اسم تاني غير اسمي .. اول ماتولدت كنت مجرد (ولد) وبعدها اختارولي اسم .. كان ممكن كمان اكون اتخلقت في هيئة حاجة تانية .. طيارة .. موجة .. فراشة .. فجلة

- وانا كان ممكن أكون سما أو قمر أو صرصار لسه خارج من البلاعه وبيدور على النور اللى مش هيلاقيه غير فى الحمام وينضرب بالشبشب او ممكن أكون قنبله حلوه وكويسه ومش عايزه تموت الناس اللى ملهمش ذنب فى حاجه بس حظها كدة او كوباية شاي .. مش بتعمل حاجة فـ الدنيا غير انها تتشرب

- تفتكري ايه يكون إحساس كوباية الشاي وهي بتتشرب .. وبتسمع مننا صوت شفففففففف .. أو إحساس الوردة وهي بتتشم وبتسمع مننا صوت : شمممممممم .. وايه رأيها في ريحتنا مثلا

- هى لو كوبايه او ورده بتحترم الغرض اللى اتخلقت عشانو ..أكيد هتكون فرحانه وحاسه بكل الرضا لكن لو كوبايه بتحقد على الكائنات اللى اعلى منها ..ممكن ........

- ممكن تكون هي الكوباية اللى بتلسع ضهر العيال الأشقية أو المدهولين .. أو تنكسر من إيديهم

- دا معناه انها ذكيه جدا وبعيده النظر وبجد تبقى كوبايه رائعة

- أو الوردة اللى تغلطي وتمسكيها من شوكها وتعورك .. بس استني خلينا في كوباية الشاي هتعملي ايه بقى ؟

- هطلع بخار لما أكون زعلانه .. ولما اكون فرحانه هبص فى السما .. وممكن اعمل اشكال بالبخار الى هيطلع منى .. والعب بفقاقيع الشاى بتاعتى

- ومين اللى كنتي هاتلسعيه ؟

- ألسع ناس كتير مش فاهمين هما بيعملوا ايه ومش بيفكرو في أثر اللى بيعملوه على الناس وممكن يجرحوهم وهما مش حاسيين

- وأنا كنت هاملى المج وانا سخن .. واقعد بين ايدين عيل بردان في عز الشتا .. واتمدد كبقايا في دستة كوبايات جنب بواب سهران
لكن ممكن تبقى باردة .. أو ناقصك سكر .. أو غير متصالحة مع النعناع في حين إن اللى عاوزك عاوزك بنعناعك .. ساعتها ........ ؟

- لو بردانة هاكون حزينه شويه وزعلانه من نفسى ومش عايزاه يشربنى ولما أفتكر ان هو اللى سابنى لحد ما بردت هكبر دماغى ولسان حالي يقول اذهب إلى الجحيم اذن .. والسكر .......

- والسكر نصيب .. هو ليه نصيبه من السكر .. وانا ليا نصيبي من السكر الدايب فيا .. هو ممكن يخلص نصيبه من السكر .. في دنيته .. والدكتور يقوله انسى يا عم القمور .. مفيش سكر تاني .. وانا ممكن أتشبع .. أو أعطش للسكر .. والنعناع .......... ؟

- مش هو برضو اللى محطش نعناع ؟ كوبايه الشاى ذنبها ايه ؟

- مممممممم وإمتى كنتي هاتندلقي ؟

- لما حظى الوحش يسوقنى لحد تايه زيى يخبطنى فى اى حاجه وممكن أحس انى عايزه انتحر وادلق نفسى ..بس طبعا انا كجماد مليش الصلاحيه انى اعمل كدا

- وانا ممكن أندلق عشان أحرم حد مني ..
. . في كتير كانوا زينا في يوم من الأيام .. شوية مية مش أكتر .. بس منهم اللى بقى كركريه واللى بقى ينسون واللى اتعلم في مدارس خاصة وبقى مياه غازية ..

- واللى بقى بارد .. واللى بقى سخن .. واللى بقى غالي .. واللى بقى رخيص .. لكن على حسب رؤيتى ككوباية شاى عجوزه .. المفروض يفكر بقى فى اللى هيشربه وينسى اللى فات وهل هيقدر يوصل رسالته ولا لأ

. . . . . .

- ممممممم على فكرة .. كوباية الشاي بتاعتي بردت وأنا باكلمك..

- على فكرة أنا ماليش في الشاي

لمعي يحتسي شايه الصباحي :)

كيف تصمم غلاف كتاب ؟

2009-07-11T01:41:00.012+03:00

طلب مني أحد أصدقائي الأعضاء بجروب المصمم حاتم عرفة
أن أقوم بعمل درس أشرح فيه كيفية تصميم غلاف كتاب من الألف إلى الياء
و إن كان ذلك صعبا إلى حد ما من خلال النت
ولكني سأحاول أن أفعل هذا بقدر الإمكان

و ما سأشرحه الآن يتطلب أن يكون لدى المتلقي خلفية ما عن أدوات الفوتوشوب
وكيفية استخدامها
وتعليم تلك الأدوات متوفر بالكثير من المنتديات

والآن
تابعوا معي شرحي لكيفية تصميم أحد أغلفة كتبي
التي خرجت للنور بالفعل
و أتمنى أن يعينني الله على أن يستفيد أكبر قدر ممكن بهذا الذي سأقوم بشرحه
:)
.........

الخطوة الأولى من أي تصميم هي فتح ملف جديد للتصميم
وتحديد خصائصه
و ذلك من خلال قائمة
File > new

أو بالضغط على زريّ
Ctrl + N

واختيار المواصفات كما بالشكل التالي
وفيها مقاسات الغلاف
ومواصفاته
والمقاسات يمكن تغييرها بحسب المقاس المطلوب للغلاف

قمنا بمليء التصميم بألوان من اختيارنا
وهي التي ستسود التصميم
و يلاحظ اختلاف اللون الأمامي في وجه الغلاف عن اللون الخلفي
وسيتضح ذلك أكثر بعد قليل

و أيضا قمنا بعمل خطوط زرقاء قريبا من حواف الغلاف
وتقوم بتحديد كعب الغلاف
وتلك الخطوط الزرقاء تسمى
Guides
وتوضع عن طريق النقر على المساحة البيضاء للمسطرة
ثم السحب
حتى نتركها في المكان المناسب
ويفضل ان تكون على بعد سم واحد من الحواف

ثم نقوم بوضع الصورة التي اخترناها للغلاف
كما نراها في نافذة
Layers
وتلك هي الصورة الأمامية للغلاف

ثم الصورة الخلفية التي ستكون في ظهر الكتاب

وقمنا بعمل تدريجات على الصورة
بأداة التدريج اللوني
Gradient Tool
وذلك في طبقة جديدة كما يلاحظ هنا

ثم حددنا صورة الطفل الصغير
وغيرنا لونها للأبيض وأسود حتى تكون مميزة وسط الغلاف
وكررناها في ظهر الكتاب أيضا بحجم أصغر

والآن قمنا بتحديد كعب الكتاب
ويكون على حسب عدد صفحات الكتاب
وكما تلاحظون اختفت الخطوط الزرقاء
Guides
وذلك لأننا يمكننا إخفاء وإظهار تلك الخطوط أثناء التصميم
من خلال زريّ

; + Ctrl

والآن نصل لنهاية التصميم
والجزء الأسهل تقريبا
ويعتمد على الحس والاهتمام بتفاصيل وفراغات الصورة بشكل كبير
حيث نختار مكان النصوص المكتوبة في الغلاف
من عنوان وإسم الكاتب
والمقطع الخلفي
ولوجو الدار
إلخ ... من التفاصيل التي تضفي على التصميم رونقه الأخير
و نقدر نختمه في تلك اللحظة
ونرسله للطباعة مباشرة
D:

أتمنى إني أكون قدرت أفيد اللى عنده خلفية عن الفوتوشوب منكم بقدر ما
أو اللي يحب ياخد فكرة عن اللى بنستخدمه في الموضوع
ولو في أي تعليقات أو ملاحظات منكم
فأنا منتظرها
..
:)
تحياتي لكم

ما الذي يمكنك فعله ويدك تؤلمك ؟

2009-06-05T10:44:00.002+03:00

ما الذي يمكنك فعله ويدك تؤلمك ؟

يمكنك أن تكتب.. فمتعة استحضار الوحي ولذة تعذيب النفس يتداخلان بشكل غريب ويمتزجان بلا نهاية في هذه الحالة.. إذاً فأنت تكتب الآن حتى يستشري الألم بيدك وتستشري الكلمات بورقك.. لتكتب عنها.. كعادتك في الدوران في تلك الحلقة الفلكية.. وعلى وجهك ذلك التعبير الصامت.. الخائف.. المنتظر.. تسير ويديك في جيوبك.. وعيناها تملئان الكون أمامك.. لا ليس عينيها بالتحديد.. لونهما ربما.. ممتزجاً بالضباب.. والشمس التي تجاهد كي لا تختنق أنفاسها.. ورائحة بخور تنتشر بينك وبين كل هذا..

والمزيد من الألم.. كأنه صديق تتسنّد عليه.... تلك الكلمات التي تلح عليك والأصوات الحبيسة بعقلك.. أولئك الجن الذين يطاردون بعضهم البعض فيك.. كل هذا لا يخرج سوى بهذه الطريقة.. الاستناد إلى الألم.. مثل القصة التي تحفظها كأبجديتك: عن الطائر الذي يلصق صدره بشوكة في غصن شجرة لينساب إليها دمه.. وتورق منها وردة حمراء.. يهديها طفل إلى حبيبته في شتاء لا ينبت وروداً حمراء..... لونها المفضل: لون عينيك .. ولونك المفضل: لون روحها.. لذا هي دوما حقيقية أكثر منك.. وهذا سر جمالها..

عندما ارتعشتما جوار بعضكما في إحدى أطوار نموكم... وردتين على غصن شجرة في يوم عاصف.. استحلفتك الصمود.. وحاولت أن تطمئنها.. فغلبتك الرعشة.. فصمت.. وتذكرت طور العاصفة الذي مررت به.. في يوم كانت هي فيه أبعد من بعيد.. الآن وهي محيطة.. تستكين أنت.. وتعجز أن تبثها سوى الرحيق..

في محاولات ارتقائك تعثّرت ببعثرة الأحلام حولك.... هذا الآن.. وذاك انكـ سـر.. وذلك فيمـــا بعد.. وأولئك يعجزونك.. ولما ارتقت بك (في معراجها) تلملم تبعثرك.. وتوحدتما..

أما الألم .. الخوف .. العجز .. شيء ما حال بينك وبينهم.. شيء ما أضيف إليك.. شخص بديل لك.. لا ليس مجرد رداء.. إنه أنت آخر.. عندما تنفذ بطاريتك.. أو ترتعش.. تستبدل (أنـت) بك.. حتى تعود إليك.. وبينك وبين أنـت .. تقطن هي ..

عارية من جسدك تتطلع روحك في شغف لما تراه.... من تكوّن أجزائك من جديد بين يديها.. كلعبة البازل.. تعيد صياغتك... (( نعم كان ينبغي ألا تظل هكذا كل هذه المدة.. ما كل تلك العقد؟.. إرمِ .. إرمِ )) .. وهي ترمي .. وكأنك لم تكن قد خلقت بعد.. أو خفيت ألوانك عنك.. تتلوّن بريشتها.. أتقدر أن تصنع (أنـت) الذي تمنيته ؟ لا تتعجل .. فإنك بأعينها ..

في طور طفولتها أردتها وحيك.. وفي طور طفولتك أرادتك إبناً.. وفي طفولتكما ســرٌ .. يراه الأعمى قبل البصير.. سـر الحياة التي تمخضت عنها حياتكما.. سر الاتصال العميق المحسوس بلا حدود.. سركما الذي ستنقب فيه عنكما.. طويلاً..

تعلو وتسقط وتنهزم وتصل وتتفجّر وتجتمع وتتلاشى وتسمو.. فيها.. حتى تصل إليها.. وكـأن أطوار خلقك تكتمل بها.. أن تنغمس في الكون وفيك وفي الحياة.. وتخرج منها وقد وعيت سر مجيئك.. هذا ما تفعله.. توعيك.. بكل أسباب مجيئك إليها.. فهل وعيت ؟

ألا فاخرج منك إليها.. حتى تعيها .

في معرض الخط العربي

2009-05-14T20:52:00.031+03:00

في معرض الخط العربي بقصر التذوق بالإسكندرية 13 : 20 - 5 - 2009

وقفت مأخوذا أمام تلك اللوحات .. منبهرا بها.. وأحببت أن يراها أكبر عدد ممكن..
ولذا قمت بتصويرهم.. وها أن أعرضها عليكم
وأتمنى أن تحظوا بأكبر قدر ممكن من المتعة
مع تلك اللوحات العبقرية
:)

واذكر اسم ربك بكرة وأصيلا

وقرآن الفجر إن قرآن الفجر كان مشهوداً

ووجدك عائلاً فأغنى

وفي السماء رزقكم وما توعدون

وعباد الرحمن الذين يمشون على الأرض هوناً

وقضى ربك ألا تعبدوا إلا إياه وبالوالدين إحساناً

ربنا إننا سمعنا منادياً ينادي للإيمان أن آمنوا بربكم فآمنا ربنا فاغفر لنا ذنوبنا وكفر عنا سيئاتنا وتوفنا مع الأبرار * ربنا وآتنا ما وعدتنا على رسلك ولا تخزنا يوم القيامة إنك لا تخلف الميعاد

من كان في حاجة أخيه كان الله في حاجته

محمد رسول الله

لَقَدْ مَنَّ اللَّهُ عَلَى الْمُؤْمِنِينَ إِذْ بَعَثَ فِيهِمْ رَسُولًا مِنْ أَنْفُسِهِمْ يَتْلُوا عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلالٍ مُبِينٍ

قُلْ كُلٌّ يَعْمَلُ عَلَى شَاكِلَتِه

كتب ربكم على نفسه الرحمة

إن هو إلا وحي يوحى

هَلْ جَزَاء الْإِحْسَانِ إِلَّا الْإِحْسَانُ * فَبِأَيِّ آلَاء رَبِّكُمَا تُكَذِّبَانِ

قال الرسول الكريم: استوصوا بالنساء خيرا

الشريف إذا تقوّى تواضع .. والوضيع إذا تقوّى تكبر

بسـم الله

إن أولى الناس بي يوم القيامة أكثرهم علي صلاة

الله

الحمد لله

هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ

الحمد لله رب العالمين

:)

وتداعى في السقوط

2009-04-25T03:20:00.004+03:00

أترى نفسك ؟

أنت تموت يا رجل..

ماذا تطلب منها؟

أن تعشق جثة ؟

أن تتمنى أن يصعد موج البحر إليها

وهو عليل

متراجع ؟

..

أن تنتظره

أن تنزل إليه

فلتنزل انت إلى ذاتك

إن شئت

أو حتى

واريها التراب

غير آسف

..

الأجراس قد دقت يا صديقي

معلنة موعد رحيلك

موعد هبوطك

في مثل هذا الوقت من كل عام

تتوقد ذكرى العلو

لتنخفض

أنت

خبطتين في الراس .. تنفع !

2009-04-16T23:37:00.003+02:00

خبطتين في الراس .. تنفع !

في حدث فريد من نوعه تم نشر حوارين صحفيين في نفس ذات الوقت مع المصمم حاتم عرفة في جريدتي عين - صفحة شبابيك (حوار أجرته الصحفية العزيزة شيماء الجمال) و جريدة العالم اليوم ملحق تيلي بيزنس - صفحة المدونخانة (حوار أجرته الصحفية العزيزة أسماء رمضان) ..
و قد تم نشرهما معا في يوم 16 أبريل 2009 .. مما سيشكل أزمة تأريخية كبيرة .. عن أول من قام بإجراء حوار صحفي مع المصمم حاتم عرفة ..
D: D:

وهو أمر مختلف بالطبع عن التحقيق الصحفي الذي أعدته العزيزة رانيا هلال من قبل عن أغلفة الكتب بجريدة روز اليوسف وكنت مصدرا من مصادر التحقيق به ..

المهم أنني سعييييييييد للغاية بهذا الحدث .. و أنتظر أن تكتمل سعادتي بمعرفة آرائكم

..

أسيبكوا بقى مع الحوارات
:)

دوس عـ الصورة بقى عشان تعرف تقرى

بنقولك دوووووس عـ الصورة عشان تعرف تقرى