الأربعاء، 11 مارس، 2009

ريبورتااااج لي .. في روز اليوسف



بالتزامن مع إنشاء الجروب .. والحديث عن التصميمات والذي منه
بدأت الجهات الإعلامية والصحافية في التهافت على الحوارات مع المصمم حاتم عرفة
ورغم انشغاله بالعدييييييد من المواضيع والأغلفة و (الحوارات)
فقد تسامح وتواضع وتنازل وتتاتت وأجرى هذا الحوار مع الصحفية العزيزة رانيا هلال
بجريدة روز اليوسف
في العدد الصادر صباح اليوم الأربعاء 11 مارس 2009 :)

افعص الصورة لتكبيرها وقراءة المقال

نكلم جد شوية بقى ..
أنا طاااااااير من الفرحة بالتحقيق ده
واللى مفرحني أكتر من انه أول تحقيق ليا هو الناس اللى معايا فيه
بدءا من رانيا هلال كاتبة المقال واللى بجد بجد .. غالية علينا قوي يعني
من زماااااااان ..
و الفنان جمال قطب اللى باتفرج على أغلفته وأعيط أحيانا من صغري ..
و اللى قدي في السن أربع مرات تقريبا D:
لقيته معايا كدة فى التحقيق عادى جداأكننا مثلا يعني مع بعض في نفس المكان ..
لغاية دلوقتي مش مصدق
:)

* * * *

مش كدة و بس .. ده كمان أ مكاوي سعيد .. اللى فرحت في يوم ماقدرت أشوفه في يوم من الأيام وأقوله رأيي في روايته
و من الناس اللى الواحد يفرح لو شافهم كدة معديين في الشارع ..
برضه لقيته معايا في نفس المكان .. وصورته منوره..
و كذلك الأستاذ فؤاد قنديل.. اللى فرحت قوي بكلامه ورأيه .. وتواجده معايا
في قلب التحقيق

* * * *

و العزيز أحمد مراد .. اللى بحب أغلفته جدا .. وبالذات روايته فيرتييجو .. اللى منورة المكان .. :)
ومصطفي النوبي صديقي العزيز ..
اللى تواجده معايا في الصفحة ده له مذاق خاص جدا
في حلاوة تواجده معايا في الحسين .. والحواري ..
وقلب القاهرة القديمة :)
وعلا المصممة الجديدة اللى اتعرفت عليها فى التحقيق ده
و اللى عجبني كلامها جدا
..
بجد بجد .. أنا في غاية السعادة
..
و سعيد بأنكم هتشاركوني فرحتى ..
وتشوفوا اللى أنا شايفه ده
..
عقبال باقي الأخبار كدة ان شاء الله
و دايما عند حسن ظنكم
:)


هناك 8 تعليقات:

MaGn0liA... يقول...

مبرووووووووووووك يا حاتم

انا لما شفته فرحت اوىىىى

عقبال مقاله الصفحه الاولى ;)

إيناس حليم يقول...

ما شاء الله يا حاتم
ريبورتاج جميل اوي والأجمل فعلا انك بدأت من مرحلة غيرك وصلها بعد سنين وجهد.. والنهاردة اسمك جمب اسماء كبيرة
فعلا حاجة تفرح ما شاء الله عليك
انت انسان مبدع ومجتهد وتستاهل كل خير

لك أجمل تحياتي.. أيها المبدع الهادي :)

Butterfly يقول...

وكمان روزاليوسف
لأ واصل واصل يعنى
هههههههههههههه
زمانك بتدعى عليا دلوقتى D:

لأ بجد ألف مبروك وربنا يوفقك كمان كمان
ويوفقنا احنا كمان بقى :)

kochia يقول...

مبروك
وبالتوفيق والنجاح ان شاء الله

سمو الأميرة سارة يقول...

مبررووووووووووووووووووووووووووووووووووووووووووووووووووووووووووووووووووووووووووووووووووووووووك يا حاتم والله تستاهل اكتر من كده كمان ويااااااااااااااااارب عقبال ما نشوفك في احسن جورنال فيكى يا مصر في الصفحة الاولى كمان

حاتم عرفه يقول...

ماجنوليااااا
الله يبارك فيكي يا مريم ..
انا كمان فرحت قوي
لما شوفتيه
:)
..
على يدك ان شاء الله ..
.................................
إيناس حليم
أهي كلها محاولات D:
..
أيوة اقعدي قولي مبدع هادى مبدع هادى ..
لحد ما نخرب عليكي في مرة..
ونوريكي الهدوء بقى اللى على حق
@#*
.................................
Butterfly
وندعي عليك ليه يا عم ..
دي صفحة الثقافة..
عادي يعني :)
الله يبارك فيكي ..
ويوفقكوا انتوا كمان بقى
.................................
كوشيــــــــــا
الله يبارك فيكي ..
و انتى كمان ..
ويخليكي لينا
:)
.................................
سمو الأميرة سارة
مبرررررررررررررررروم على مبرووووم
مايرولش
يسمع من بقك ربنا ..
ع الصفحة الأولى .. أو الأخيرة ..
أى حاجة بره ع وش الجرنان
D:
في حياتك ياختى

Esraa Hamed يقول...

الف مبرووووووووووك يا ديزاينر حاتم
و يارب دايما في نجاح و تألق

:))

قوس قزح يقول...

مبروك
و يارب دايما فى تقدم مستمر
بس لما تبقى ديزاينر اد الدنيا و تطلع فى الفضائيات مش تتقل بقى على المدونين :)

تحياتى